Zeremi 41:1 - A SƐB-SÕW

¹ Zɩ̃ k'aa ʋlɩ yũon nɛ, a cuwr ayopõi sob a, a Netanɩa bidɛb, Yisɩmayɛl, na ɩ Elisama yãw, ɛ́ yi a Zuda tẽw nãà yir a, ɛ́ ɩ a nãà yir nɩr kãw nɩ a nãà yir tõ-tõ-bi-kpɛ̃ɛ kãw a, tɩ tɛr'ɩ nɩbɛ pie wa n a Gedalɩasɩ zie a Misɩpa. Bɛ tɩ lãw na dɩrɛ,

Zeremi 41:1 ပူးပေါင်းရင်းမြစ်များ

2 Samɩɛl 3:27

A Avɩnɛɛr na tɩ lɛb wa ta a Ebrɔ̃ a, a Zowab tɩ bʋɔl'ʋ nɩ bɛ tɛwr zie, a tẽw dɩ̃dɔr pʋɔ, mɛ̃ ʋ bɔbr k'ʋʋ waalɩ ƴɛ̀r a ʋ zie a. A be a, ʋ tɩ cɔr'ɩ ʋ nɩ sʋɔ a púorí kʋ, k'ʋʋ yáa a ʋ yɛb Asayɛl kũu san.

2 Na-mɩnɛ 11:1

A Akazɩasɩ mã, Atali, na tɩ nyɛ̃ a ʋ bidɛb ʋ kpi a, ʋ tɩ yel'a k'ʋʋ na kʋ n a nãà yir dɛbli za.

2 Na-mɩnɛ 25:22

A Babɩlɔn tẽw nãà, Nabikodonozɔɔr, tɩ bɛr'ɩ a nɩbɛ ŋmãa a Zuda tẽw pʋɔ, ɛ́ kaa ír Ahikam bidɛb Gedalɩasɩ, mɩ̀ na ɩ Safan yãw a, ƴãw k'ʋʋ kaarɛ a bɛ zie.

2 Na-mɩnɛ 25:25

Ɛcɛ a ʋlɩ yũon nɛ, a cuwr ayopõi sob a, Netanɩa bidɛb, Yisɩmayɛl, na ɩ Elisama yãw, ɛ́ yi a Zuda tẽw nãà yir a, tɩ tɛr'ɩ nɩbɛ pie wa n a Misɩpa wa kʋ n a Gedalɩasɩ nɩ a Zuda tẽw dem nɩ a Babɩlɔn tẽw dem na tɩ be a ʋ zie a Misɩpa a.

2 Bibie za yel-manɩ 22:10

A Akazɩasɩ mã Atali na tɩ wõ k'aa ʋ bidɛb kpi na a, ʋ tɩ ìr'a ƴãw bɛ kʋ a Zuda nãà yir bʋ̃-dɔwrɩ za pàw pɛr.

Sɛb-sõw yielu 109:5

Bɛ mɩ́ maalɩ mɛ̃ nɩ faa yaa a vla san, ɛ́ tɛr'ɩ mɛ̃ dɔ̃ yaa a ɩ̃ nɔ̃wfʋ san.

Sɛb-sõw yielu 41:9

«Yel-faa na bɛ tɛr ɩb a n'ʋ páw ʋ, ʋ na gã à ŋá a, ʋ bɛ lɛb ìre ɩ.»

Zʋkpaɩ 13:10

A pɔ̀lʋ waar'ɩ nɩ zɛb-taa. Ɛcɛ yã-bãwfʋ mɩ́ be n a bɛlɩ dem na sàwr a wulu a zie.

Zʋkpaɩ 27:4

A po-to-fãw-ɩb kpɛ n faa bɛ dɩ vuo ɩ, a suur ɩ na mɛ̃ bàa na paalɩ kʋ̃ɔ yi nɛ́ɛ a, ɛcɛ ãa n'ʋ na tʋ̃ɔ́ bà gbɛ́r a nyuur niŋé?

Zeremi 36:12

Ʋ tɩ siw nɩ a nãà yir, tɩ ta a sɛ-sɛbrɛ tome dĩo pʋɔ. A tõ-tõ-bi-bɛrɛ za tɩ tɛr'ɩ kpaarʋ. A bɛlɩ dem za na tɩ be a be a, tɩ n'ɩ bɛ ŋa: a sɛ-sɛbrɛ Elisama, nɩ Semayahu bidɛb Delayahu, nɩ Akɩbɔɔr bidɛb Ɛlnatan, nɩ Safan bidɛb Gemarɩahu, nɩ Hananɩahu bidɛb Sedesɩasɩ, nɩ a tõ-tõ-bi-bɛrɛ bɛ mɩnɛ.

Zeremi 36:20

A tõ-tõ-bi-bɛrɛ tɩ bɛr'ɩ a sɛb-pila a sɛ-sɛbrɛ Elisama tome dĩó, ɛ́ cen a nãà yir davʋra pʋɔ, tɩ manɩ a yele za na ɩ a kʋ̀ a nãà.

Zeremi 39:14

tɩ tõ na kɛ́ bɛ tɩ tɛr a Zeremi a soja-zi-gùrbɛ davʋra pʋɔ, wa n wa kʋ̀ Ahikam bidɛb, Gedalɩasɩ na ɩ Safan yãw a. A Gedalɩasɩ tɩ kʋ̀ n sɔ́r a Zeremi, ʋ lɛb kul a ʋ yir. À ŋá n'a a Zeremi tɩ kpɩɛr a nɩbɛ sɔgɔ.

Zeremi 40:13

Bɛ na wa tɩ ta a Gedalɩasɩ zie, a Misɩpa a, a Karea bidɛb, Yohanan, nɩ a zɛbr-nɩbɛ nɩ-bɛrɛ bɛl na tɩ cãà be a kura pʋɔ a,

Zeremi 40:5

A Zeremi na bɛ tɩ lɛbr cere a, a Nebuzaradan tɩ yel'a ƴãw pʋɔ: «Lɛb cen a Ahikam bidɛb, Gedalɩasɩ na ɩ Safan yãw a zie. A Babɩlɔn tẽw nãà ƴãw na ʋ ɩ a na-kpɛ̃ɛ-lɩɛrɛ, a Zuda tẽ-bɛrɛ ƴãw. Cen tɩ kpɩɛr a ʋ zie a fʋ nɩbɛ pʋɔ, bɩɩ cen zie nɛ za fʋ bɔbr kɛ́ fʋ cen a.» Al pùorí, a soja-zi-gùrbɛ nɩ-kpɛ̃ɛ tɩ kʋ̀ n bʋ̃-dɩrɩ a Zeremi a sɔ́r loba ƴãw. Ʋ tɩ kʋ̀ ʋ nɩ bʋ̃-kʋ̀ra, ɛ́ bɛr ʋ k'ʋ cen.

Zeremi 40:6

Lɛ n'a a Zeremi tɩ cen a Misɩpa a Gedalɩasɩ zie, ɛ́ tɩ lãwnɩ ʋ kpɩɛr a nɩbɛ na tɩ cãà be a tẽw pʋɔ a sɔgɔ.

Zeremi 40:7

A zɛbr-nɩbɛ nɩ-bɛrɛ nɩ a bɛ zɛbr-nɩbɛ na tɩ be a kura pʋɔ a, tɩ wõ na k'aa Babɩlɔn tẽw nãà, tɩ ƴãw na Ahikam bidɛb, Gedalɩasɩ, ɩ a tẽw na-kpɛ̃ɛ-lɩɛrɛ. Ʋ de nɩ a nan dem, dɛbr, pɔwbɛ nɩ bibiir kʋ̀ ʋ, a bɛl bɛ na bɛ tɩ diw cen nɩ a Babɩlɔn a.

Zeremi 40:8

A Zɛbr-nɩbɛ nɩ-bɛrɛ bɛ ŋa, nɩ a bɛ nɩbɛ tɩ wa na wa páw a Gedalɩasɩ a Misɩpa: Netanɩahu bidɛb, Yisɩmayɛl, Karea bidɛbr, Yohanan nɩ Yonatan, Tanhumɛtɩ bidɛb, Seraya, Netofa tẽw Ofaɩ bidɛbr, nɩ Maaka bidɛb, Yezanɩahu tɩ nɛbɛ.

Ezekɩɛl 17:13

Al pùorí, ʋ kaa na ír a nãà yir nɩr kãw. Ʋ maal'ɩ ʋ nɩ wõ-taa, ɛ́ ƴãw k'ʋ pɔ k'ʋʋ na tu n a Babɩlɔn tẽw nãà kʋ̃ lɛb pùor ɛ. Ʋ tɛr'ɩ a tẽw nɩ-tɩbr cen nɩ

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”