Zeremi 40:1 - A SƐB-SÕW

¹ A soja-zi-gùrbɛ nɩ-kpɛ̃ɛ, Nebuzaradan, na tɩ bɛr a Zeremi ʋ yi a Arama tẽw cen a pùorí n'a a Sore tɩ ƴɛ̀r a Zeremi zie. A Zeremi bɛ na tɩ 'lẽ nɩ bãzɔlɛ a, tɩ be n a Zerizalɛm nɩ a Zuda nɩbɛ bɛl bɛ na na diw cen nɩ a Babɩlɔn a pʋɔ. A lɛn daar'a a soja-zi-gùrbɛ nɩ-kpɛ̃ɛ tɩ ír ʋ a nɩbɛ bɛl pʋɔ.

Zeremi 40:1 ပူးပေါင်းရင်းမြစ်များ

2 Bibie za yel-manɩ 16:1

A Asa naalʋ-dɩb yome lɩzɛr'ɩ pie nɩ ayʋɔb sob daar, a Ɩsɩrayɛl nãà, Baesa, tɩ wa na wa ŋmãa nɩ a Zuda tẽw zɛbr, ɛ́ mɩɛr dacin viire kole a Arama tẽw, k'aa Asa nɩ a Zuda tẽw dem ta mɩ́ lɛb tu a be tɔl ɛ.

Sɛb-sõw yielu 107:16

Bʋ̃ʋ n'ʋ vɛ̃, ʋ kár'ɩ kure pamɛ bɛr, ʋ kár'ɩ kur-dàar na mɩ́ jɩ́r pamɛ a bɛr.

Sɛb-sõw yielu 68:6

A ʋ kpɛb zi-sõw pʋɔ a, Naaŋmɩn ɩ n a bi-kpebe sãà, nɩ a sob nɛ na mɩ́ dɩ a ƴɛ̀rʋ faa a pɔw-kɔbɛ a.

Zeremi 31:15

À ŋá n'a a Sore yere: «Kon kone na yire Arama tẽw pʋɔ, mʋta-zɩ̃ɩ kon a, Arasɛl'ʋ kone a ʋ bibiir, ɛ́ bɛ sàwr bɛ na mɔwl'ʋ, a ʋ bibiir na bɛ cãà a ƴãw.»

Zeremi 39:9

Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Zeremi 42:7

Bibie pie pùorí a, a Sore tɩ ƴɛ̀r'ɩ a Zeremi zie.

Ezekɩɛl 33:21

A diw-cenu pùorí yome pie nɩ ayi sob, a cuwr pie sob bibie anũu sob daar, nɩr kãw na tɩ cãà vʋʋrɛ a Zerizalɛm zɛb-deb pùorí a tɩ wa na wa yel mɛ̃: «A tẽ-kpɛ̃ɛ lo na!»

Nɩ-toni 21:13

Lɛ n'a ʋ tɩ sɔw yel tɩ: «Bʋ̃ʋ ƴãw n'a nyɩ kone ɛ́ sãwnɛ mɛ̃ pʋɔ à ŋá? Mãa a, 'leb yõ bɛ n'a ɩ̃ gù ɛ, ɩ̃ mɩ̀ gù n a kũu a Zerizalɛm a Sore Yeezu yúor ƴãw.»

Nɩ-toni 28:20

Alɛ so ɩ̃ bɔbr k'ɩ̃ɩ nyɛ̃ nyɩ tɩ ƴɛ̀r sɔw taa. Alɛ ɩrɛ mɛ̃ bom a, a ʋlɩ bom nɛ a Ɩsɩrayɛl nɩbɛ na tɩɛrɛ a, ʋl zũú n'a ɩ̃ ƴãw a bamɛ á ŋá.»

Efɛɛzɩ 6:20

Ɩ̃ na saa be a gaso pʋɔ a, ɩ̃ cãà na ɩ nɩr bɛ na tõ a Yel-nʋ̃ɔ̀ ŋa yúor ƴãw a. Lɛ so, nyɩ puore kʋ̀rɛ mɛ̃ k'ɩ̃ tʋ̃ɔ́ ɓãá ƴãw manɛ ʋ mɛ̃ a lɛ a na fɛr k'ɩ̃ɩ ɩrɛ a.

Zozue 18:25

Tẽ-bɛrɛ á ŋá mɩ̀ tɩ pʋɔ na: Gabaɔ̃, Arama, Beerɔtɩ,

1 Samɩɛl 7:17

Al pùorí, ʋ mɩ́ tɩ lɛb'a wa a Arama, be na n'a a ʋ yir tɩ be a ƴãw. Be n'a ʋ tɩ dɩrɛ a ƴɛ̀rʋ kʋ̀rɛ a Ɩsɩrayɛl nɩbɛ, ɛ́ be n'a ʋ tɩ mɛ bàwr-maal-kuur a Sore ƴãw.