Zeremi 4:8 - A SƐB-SÕW

⁸ A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Zeremi 4:8 ပူးပေါင်းရင်းမြစ်များ

Sɛb-sõw yielu 78:49

Naaŋmɩn tɩ bɛr'ɩ a ʋ suur k'ʋ ìr a Eziptɩ tẽw dem ƴãw, a ʋ suur na tɩ 'lere mɛ̃ vũu a, su-tʋlʋ, ʋ bɛ tɩ nyɔw a ʋ suur ɛ, ʋ tɩ tõ n malkɩ mɩnɛ na ƴãwnɛ wahala a bɛ wa a bɛ ƴãw.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Ɩzayi 32:11

Dɛ̃bɩ̃ɛ, a ɩrɛ nyɩ nyɩ màwr, nyɩɩm pɔwbɛ bom na bɛ damnɛ a, nyɩ màwr, nyɩɩm na ɓãa ƴãw bɛr tɩɛrʋ a. Nyɩ yaa a nyɩ bʋ̃-suuri bɛr, nyɩ gbol nyɩ tʋɔra ɛ́ sɛ gãw a sɩɛmɩ́.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Zeremi 25:34

Nyɩ kone lãw-mʋɔlɛ, nyɩ lɔbr cɛlsɩ, nyɩɩm nɩbɛ nɩ-bɛrɛ ɛ, nyɩ bile tẽsɔw, nyɩɩm dʋn dem i. Bʋ̃ʋ n'ʋ vɛ̃, a nyɩ kɔkɛɛ ŋmab daar ta na. Nyɩ na lo na ŋmɛr mɛ̃ la-vla vla a.

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Zeremi 48:20

Bɛ na sɔw na: «A Mowab tẽw lo n ʋ za, vĩ nyɔw ʋ na!» Nyɩ cɩɩrɛ, nyɩ kone bɔbr'ɩ sõwfʋ! Nyɩ yel a Arnon man nʋɔr, k'aa Mowab tẽw sãw na!

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

A Lãw-mʋɔlɛ 1:12

A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

Ezekɩɛl 21:12

Bɛlɛ wa sowre fʋ, ɛ́ bʋ̃ʋ n'ʋ so fʋ kone a 'woi 'woi a, fʋ na sɔw bɛ na: ɩ̃ wõ n yel-faa na waar a. A soci-pʋra na baar'a, a nuru kʋ̃ lɛb tʋ̃ɔ́ bom za tɛr ɛ, a dume na màwr'a ŋmɩɛr taa, a nɩbɛ za kanyir na baar'a. A daar ta na! A na tu n a ƴɛrɛŋa.» À ŋá n'a a Sore Naaŋmɩn yel.

Ezekɩɛl 30:2

«A fʋ̃ʋ nɩsaal bie, ƴɛ̀r a ɩ̃ yúor ƴãw, yel: À ŋá n'a a Sore Naaŋmɩn yere: Nyɩ kone a kpɩɛrʋ bibir ŋa ƴãw.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Mise 1:16

Nyɩ põ a nyɩ zuru, nyɩ fɔr a bɛr, Zerizalɛm tẽw dem i! A nyɩ zuru, a kpal mɛ̃ sidum zu a, nyɩ kone a nyɩ bibiir nyɩ na nɔnɛ a, bʋ̃ʋ n'ʋ vɛ̃, bɛ na diw bɛ nɩ a bɛ tẽw pʋɔ cen nɩ gbãgbaalʋ pʋɔ, bɛ zãá nɩ nyɩ.

Sɔr-nɛ́ɛ 25:4

A Sore tɩ yel'ɩ a Moyiir à ŋá: «Nyɔw a Ɩsɩrayɛl nɩ-bɛrɛ za ƴãw bɛ yawlɩ bɛ a ɩ̃ niŋé tori nɩ a mʋ̃tɔ̃w. Lɛ n'a a suur ɩ̃ na nyɛ̃ nɩ nyɩ yaga za a na ɓãá.»