Zeremi 4:4 - A SƐB-SÕW

⁴ Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 4:4 ပူးပေါင်းရင်းမြစ်များ

2 Bibie za yel-manɩ 34:25

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru. A lɛ za bɛ na ɩ a ɩ na a ɩ̃ suur ír. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

Ɩzayi 10:17

A Sore, a Ɩsɩrayɛl cãà, na lɩɛb'ɩ vũu. A Naaŋmɩn na ɩ sõw a na lɩɛb'ɩ vũu-zɛl nyɔw a gɔ-tuwr, dɩ a bibi-been.

Ɩzayi 30:33

Bɛ cɔbr'ɩ vũu bɛr koro za. A nãà ƴãw mɩ̀ n'a. Bɔw na yɛlmɛ ɛ́ zulme a pɛrɩ́ n'a bɛ ƴãw dàar yaga viiri koli a vũu ƴãw. A Sore nʋɔr pɩɛlʋ na ɩ mɛ̃ cirbi vũu-kpɛ̃ɛ a na ƴãw nɩ a vũu.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Zeremi 15:14

Ɩ̃ na ɩ na fʋ ɩ a fʋ dɔ̃ dem gbãgbaa tẽw fʋ na bɛ bãw a pʋɔ. A ɩ̃ suur vũu ìr'ɩ kel, na dɩrɛ fʋ.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 21:5

A mãa mɩŋa n'ʋ na zɛb'ɩ nyɩ nɩ a ɩ̃ su-tʋlʋ kpãkpã nɩ a ɩ̃ su-faa faa. Ɩ̃ na wul nyɩ nɩ a ɩ̃ fãw nɩ a ɩ̃ kpɛnʋ.

Zeremi 23:19

A Sore saa-sɛsɛb tarɛ na, a ʋ suur ìre na. Sɛsɛb-pɩl kãw lɩɛbɛ na, ʋ lore nɩ a nɩ-faar zurú.

Zeremi 36:7

Lɛ n'a, a mɩnɛ kãw, bɛ na lɔbr nuru zɛlɛ nɩ a Sore, ɛ́ ŋa za na mɩ́ bɛr'ɩ a ʋ ɩb na bɛ vɩɛl a. Bʋ̃ʋ n'ʋ vɛ̃, a Sore yel'a k'ʋʋ nyɛ̃ nɩ nɩ a nɩbɛ bɛ ŋa suur yaga yaga za.»

Zeremi 44:22

A Sore bɛ tɩ tʋ̃ɔ́ nyɔw ʋ tʋɔra a nyɩ ɩ-faa nɩ a yele nyɩ na maalɩ a bɛ maal'ɩ wob a ƴãw ɛ. Alɛ n'a so a nyɩ tẽw lɩɛbɩ debuo, zie na kpɛ faa bɛ cãà tɛr nɩr a, ɛ́ bɛ mɩ́ ŋmɛ ƴãw man nɩ ʋ a. A nɩbɛ za na tʋ̃ɔ́ na cãà nyɛ̃ a, a dɩ̃a.

Zeremi 9:25

a Eziptɩ, a Zuda, a Edɔm, a Amɔ̃ nɩ a Mowab ten dem ƴãw, nɩ a bɛlɩ dem na mɩ́ põ a bɛ tacɩ-kɔblʋ ɛ́ kpɩɛr a wɛja-kpalɛ pʋɔ a ƴãw. Bʋ̃ʋ n'ʋ vɛ̃, a nɩ-bʋʋrɛ bɛ ŋa bɛ sɩrɩ ŋma a yɛɛ sɩza ɩ, ɛ́ a Ɩsɩrayɛl tẽw nɩbɛ tɛɛ za bɛ ŋma a yɛɛ a Sore ƴãw ɛ.

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 16:38

Zerizalɛm i, ɩ̃ na dɩ n fʋ nɩ ƴɛ̀rʋ ƴãw fʋ dɔwrʋ, mɛ̃ a lɛ bɛ na mɩ́ dɩ n ƴɛ̀rʋ ƴãw dɔwrʋ a pɔw-pɩ̃ɔ-yel-maalbɛ nɩ a bɛl na kʋrɛ a nɩbɛ a. A ɩ̃ suur nɩ a ɩ̃ nyuur zũú a, ɩ̃ na ɩ na fʋ ɩ zɩ̃ɩ tɛwr.

Ezekɩɛl 18:31

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Ezekɩɛl 20:33

Ɩ̃ pɔ n nɩ a ɩ̃ nyɔ-vʋʋrʋ, a mãa Sore Naaŋmɩn n'ʋ yere, fãw n'a ɩ̃ na ɩ n, ɩ̃ na bɛr'ɩ a ɩ̃ su-tʋlʋ kpãkpã ʋ ìr, ɛ́ lɛ n'a ɩ̃ na dɩ naalʋ a nyɩ zu.

Ezekɩɛl 21:17

Cɩɩrɛ, ùore, nɩsaal bie e! A zɛbr-sɔ-kpɛ̃ɛ ŋa lɩɛb'a cɔw a ɩ̃ nɩ-bʋʋrɛ nɩ a Ɩsɩrayɛl tẽw nɩ-bɛrɛ za. Bɛ na kʋ kʋ bɛ na lãwnɩ a ɩ̃ nɩ-bʋʋrɛ. Ŋmɛ nuru a ɩ ko-tuolu bãwfʋ.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

Ezekɩɛl 24:8

Mãa a, ɩ̃ bɛr'ɩ a zɩ̃ɩ a kʋsɛ-kpálɛ zu, be a na kʋ̃ tʋ̃ɔ́ sɔwlɩ a, k'aa ɩ a ɩ̃ su-tʋlʋ kpãkpã ìr, ɛ́ ɩ ɩ̃ yaa a san.

Ezekɩɛl 44:7

A lɛn daar nyɩ na tɩ kʋ̀rɛ mɛ̃ a ɩ̃ dɩb, a bàwr nɛn-kãá nɩ a zɩ̃ɩ a, nyɩ mɩ́ tɩ ɩ n sãan-yɔ-ɓile na bɛ sàwr a ɩ̃ nɛ́ɛ a, bɛ kpɛ a ɩ̃ zi-sõw pʋɔ. À à ŋá a, nyɩ ɩ n a ɩ̃ yir la. A nyɩ ɩb za na bɛ maal'ɩ wob a zũú, nyɩ sãw nɩ a wõ-taa na tɩ lãw tɩ taa a bɛr.

Ezekɩɛl 6:12

A bɛl na zãá a na kpi n a jɛ̀lmɛ̃ bàalʋ kũu, a bɛl na pɩɛl'a na kpi n a zɛbr zie, ɛ́ a bɛl na cɛ bɛ piw a na kpi n kɔ̃. Ɩ̃ na bɛr'ɩ a ɩ̃ suur ʋ ìr a bɛ zu.

Ezekɩɛl 8:18

A mãa mɩ̀ a, ɩ̃ mɩ̀ na ɩrɛ na nɩ su-tʋlʋ kpãkpã. Ɩ̃ kʋ̃ tɛr'ɩ bɛ mimi-baalʋ ɛ, ɩ̃ kʋ̃ zɔ nɩbaalʋ ɛ. Bɛlɛ saa cɩɩrɛ bʋɔlɛ mɛ̃ a, ɩ̃ kʋ̃ bɛr wõ bɛ ɩ.»

Levitɩ mɩnɛ 26:28

a mãa mɩ̀ a, ɩ̃ na nyɛ̃ nɩ suur yaga zawrɩ a nyɩ tub, mãa mɩŋa na dɔwrɩ nyɩ nɩ gb'a ayopõi dɔwlɩ, a nyɩ yel-bebe zũú.

Levitɩ mɩnɛ 26:41

Bɛ na bãwnɩ a pɛr, ɩ̃ na zawrɩ na tu bɛ, ɛ́ tɛr bɛ a bɛ tẽw yi cen nɩ a bɛ dɔ̃ dem tẽw pʋɔ a. Bɛ na siwr'ɩ bɛ tʋɔra, bɛ na bɛ tu a ɩ̃ pùor a ƴãw, ɛ́ bɛ na sàw nɩ a bɛ sãwna dɔwrʋ.

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Sofoni 2:2

ɛ́ wa bãw ɩ mɛ̃ a ùr na mɩ́ bɔr bibi-been a, ɛ́ a Sore su-tʋlʋ-kpãkpã wa bãw páw nyɩ, ɛ́ a bibir ʋl a suur ŋa na na ìr a, wa bãw vɩɛ.

Ʋrɔm 2:25

Fʋ̃ʋ wa dier a Naaŋmɩn wulu a, a yʋɔr-ŋmãafʋ tɛr'ɩ yel-ɩra a fʋ zie. Ɛcɛ fʋ̃ʋ wa zawrɛ a Naaŋmɩn wulu a, fʋ̃ʋ nɩ a fʋ yʋɔr-ŋmãafʋ za a, fʋ ɩ na mɛ̃ nɩr na bɛ ŋmãa yʋ̀ɔr a.

Wulu-ayi-sob 10:16

A na ɩ à ŋá a, nyɩ ɩ nɩbɛ a Sore na so gbɛ́ɛ nɩ nuru a, nyɩ ta cãà dɩrɛ zu-kpɛnʋ a ʋ zie ɩ.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.

Kɔlɔsɩ 2:11

Nyɩ na lãw nɩ ʋ a, bɛ ŋmãa nyɩ nɩ a yʋ̀ɔr ŋmãafʋ kãw bʋʋrɛ nɩsaal nũu na bɛ pʋɔ a, ɛ́ a ŋmãafʋ ŋa ɩ nyɩ bɛ cãà ɩ yel-bier nɩbɛ a. À ŋá n'a a ŋmãafʋ na yi a Kɩrɩta zie a ŋmɛ̃.