Zeremi 4:31 - A SƐB-SÕW

³¹ Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 4:31 ပူးပေါင်းရင်းမြစ်များ

Yele-za-pɛr-tib 27:46

A Erebeka tɩ yel'ɩ a Ɩzaakɩ: «A nyɔ-vʋʋrʋ bɛ ɩrɛ mɛ̃ nʋ̃ɔ̀ a ɩ̃ biir-pɔwbɛ na ɩ Hititɩ mɩnɛ a ƴãw ɛ. A Zakɔb mɩ̀ wa kul a tẽw ŋa powle kãw a, bʋnʋ ƴãw n'a ɩ̃ na cãà vʋʋrɛ?»

A Zɔb sɛbɛ 10:1

Ɩ̃ bɛ cãà laar'ɩ a ɩ̃ nyɔ-vʋʋrʋ ɛ, ɩ̃ kʋ̃ cãà sɩb a ɩ̃ kon tɛr ɛ, su-sãwna n'a ɩ̃ na ƴɛ̀rɛ nɩ.

Sɛb-sõw yielu 120:5

Baw-bio sob nɛ m! Mãa na be a Mesɛkɩ a, mãa na kpɩɛr a Kedaar pɛnɛ-sɛwr sɔgɔ a.

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Ɩzayi 13:8

Pʋl-vʋ̃ɔ nyɔw bɛ na, 'wɔbrʋ nɩ vãwkuur tɛr bɛ na, bɛ ŋmɩɩlɛ na mɛ̃ pɔw na dɔwr a. Bɛ háa háa nɩ nɛ́ɛ jɩ́rɛ nɩ taa. A bɛ niŋe mʋ̃ɔ̀ nɩ kãkãkã.

Ɩzayi 21:3

Alɛ n'a so a ɩ̃ pʋsabɛ za màwr. 'Wɔbrʋ 'wɔbr mɛ̃ na, mɛ̃ pɔw na dɔwr a 'wɔbrʋ a. A damnʋ dam mɛ̃ na zuo ɩ̃ kʋ̃ tʋ̃ɔ́ wõ bom ɛ, pʋl-vʋ̃ɔ tɛr mɛ̃ na zuo ɩ̃ kʋ̃ tʋ̃ɔ́ nyɛ̃ bom ɛ.

Ɩzayi 26:17

Sore e, tɩ tɩ be n a fʋ niŋé mɛ̃ pɔw-púor na ta dɔwfʋ a: ʋ ŋmɩɩlɛ na kone nɩ.

Ɩzayi 42:14

A Sore yere na: Koro za n'a ɩ̃ ɩ a gbili, ɩ̃ bɛ tɩ ƴɛ̀rɛ ƴɛ̀rʋ ɛ, ɩ̃ tɩ nyɔw nɩ ɩ̃ tʋɔra. Ƴɛrɛŋa a, ɩ̃ na cɩɩrɛ na. Ɩ̃ kone na, ɩ̃ vʋʋrɛ na guur, ɩ̃ vʋʋrɛ na zarɛ mɛ̃ pɔw a dɔwfʋ na ta a.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Zeremi 10:19

«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

Zeremi 13:21

Fʋ na yel'a kɛ́ bo a lɛn daar a bɛlɩ dem fʋ na mili nɩ, bɛ ɩ a fʋ bárɩ, nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a? Sɩza n'a, fʋ na wone nɩ tuo mɛ̃ pɔw, a ʋ dɔwfʋ daar a.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 15:18

Bʋ̃ʋ n'ʋ so a wob wone mɛ̃ bɛ tɛr baarʋ daar? Bʋ̃ʋ n'ʋ so a ɩ̃ natɩr bɛ tɛr sanʋ, ɛ́ bɛ bɔbr a ɓãafʋ? Fʋ sɩrɩ na lɩɛbɩ bàa na bɛ̀lɛ a, a ɩ̃ zie, mɩ́ tɛr kʋ̃ɔ ta sɔgɔ bɛ tɛr ɛ.

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 22:23

Fʋ̃ʋ na kpɩɛr a Libã tuw pʋɔ, ɛ́ tɛr a cow a sɛɛdɩr tɩɩr zu a, fʋ na kõ n a lɛn daar a 'wɔbrʋ wa ùr lo a fʋ zu a, a lɛn daar fʋ na na wone tuo mɛ̃ pɔw na dɔwr a!»

Zeremi 30:6

Nyɩ sowri kaa ɛ́ jɩ́r nyɛ̃: Dɛb mɩ́ dɔw na a? Ɛ́ bʋ̃ʋ n'ʋ so ɩ̃ nyɛ̃ a dɛbr za bɛ tɩɛ tɩɛ sɩɩr mɛ̃ pɔw na dɔwr a? A bɛ niŋe lɩɛb'a pɛlɩ pɛlɩ.

Zeremi 45:2

«À ŋá n'a a Sore, a Ɩsɩrayɛl Naaŋmɩn, yere a fʋ̃ʋ Barukɩ ƴãw.

Zeremi 48:41

Bɛ zɛb'a de a tẽ-bɛrɛ, bɛ zɛb'a de a zɛbr-yir-kpɛn. Lɛ n'a pʋl-vʋ̃ɔ tɛr a Mowab zɛbr-nɩbɛ bɛl na kpɛ socir a, mɛ̃ pɔw na dɔwr a.

Zeremi 49:22

A dɔ̃ sob ɩ na mɛ̃ sidum na ƴaw do saa, ɛ́ tɩ yɛ́r a ʋ pɩgɛ laarɛ nɩ a Bɔsɩra tẽw zu-sɔw a. A ʋlɩ bibir nɛ a, a Edɔm tẽw zɛbr-nɩbɛ bɛl na kpɛ socir a, na tɛr'ɩ dɛ̃bɩ̃ɛ, mɛ̃ pɔw na dɔwr a.

Zeremi 49:24

A Damasɩ tẽw dem kanyir baar'a, bɛ cɔbrɛ na kɛ́ bɛ zɔ. Bɛ màwr'ɩ dɛ̃bɩ̃-mawfʋ. Pʋl-vʋ̃ɔ nɩ 'wɔbrʋ tɛr bɛ na mɛ̃ pɔw na dɔwr a.

Zeremi 50:43

A Babɩlɔn tẽw nãà wõ n a yel ŋa, kpãkpamɛ yʋɔrɛ ʋ, pʋl-vʋ̃ɔ nyɔw ʋ na, 'wɔbrʋ 'wɔbr ʋ na mɛ̃ pɔw na dɔwr a.

Zeremi 6:2

A Sɩyɔ̃ na vɩɛl vɩɛl a, n'ɩ ŋa sãw ʋ za.

A Lãw-mʋɔlɛ 1:17

A Sɩyɔ̃ tùre nɩ a nuru, ɛ́ nɩr bɛ mɔwlɛ ʋ ɛ. A Sore na yel a zũú a, a nɩbɛ na kpɩɛr pɩɛlɩ a Ɩsɩrayɛl a, bɛ lɩɛb'ɩ a bɛ dɔ̃ dem. A bɛ sɔgɔ a, a Zerizalɛm lɩɛb'ɩ sagɛ.

A Lãw-mʋɔlɛ 1:20

Sore e, nyɛ̃ a ɩ̃ kpɩɛrʋ a! A ɩ̃ pʋɔ 'lere mɛ̃ na! A ɩ̃ tɩɛrʋ za dam'a, bʋ̃ʋ n'ʋ vɛ̃, ɩ̃ sɩrɩ na ɩ nɩsaal-gaara! A sɛ́ɛ pʋɔ a, a zɛbr-sɔ-kpɛ̃ɛ kʋ n a ɩ̃ bibiir. A yir a, fʋ mɩ́ manɛ kɛ́ a kũuni tẽw n'a.

A Lãw-mʋɔlɛ 2:21

A pɔlbili nɩ a dɛb-nyamɛ lo na gã gã a sɛ́ɛ zu. A zɛbr-sɔ-kpɛ̃ɛ kʋ n a ɩ̃ pɔwsɩrali nɩ a ɩ̃ pɔlbili. A fʋ suur bibir a, fʋ kʋ bɛ na, fʋ ŋmaarɩ bɛ nɩ a kɔkɛɛ bɛ zɔ n nɩbaalʋ ɛ.

A naaŋmɩn-ƴèr-manɛ Oze sɛbɛ 13:13

A pʋ-dɔwra 'wɔbrʋ dúor ʋ na, ɛcɛ ʋ bɛ bãw yã ɩ, a ʋ dɔwfʋ ta na, ʋʋ zawrɩ a mã púorí yib.

Mise 4:10

A 'wɔbrʋ, a 'wɔbr nyɩ, nyɩ ŋmɩɩlɛ, nyɩ ŋmɩɛr cɛlsɩ mɛ̃ pɔw na dɔwr a! A na fɛr'a nyɩ yi kɛ́ bɛr a tẽw, tɩ kpɩɛr wɛ̀rʋ pʋɔ, nyɩ cen tɩ sãá Babɩlɔn. Be n'a nyɩ na tɩ nyɛ̃ a faafʋ, be n'a a Sore na tɩ ya de nyɩ a nyɩ dɔ̃ dem nuru pʋɔ.

Mise 4:9

Zerizalɛm nɩbɛ ɛ, bʋ̃ʋ n'ʋ so a cɛlsɩ á ŋá a ƴɛrɛŋa? Bʋ̃ʋ n'ʋ so a 'wɔbrʋ 'wɔbr nyɩ nyɩ ŋmɩɩlɛ mɛ̃ pɔw na dɔwr a? Nyɩ bɛ cãà tɛr nãà bɩɩ? A nyɩ yã-wulbɛ kpi na bɩɩ?

Mise 7:1

'Woi! Mãa baw-bi-nɩr! Ɩ̃ ɩ na mɛ̃ nɩr na cere tɩ-wɔmɛ pɔrʋ a pɔrʋ daar a, mɛ̃ nɩr bɛ na pɔr a divɛ̃ tɩ-wɔmɛ baarɩ ʋʋ cere a yiiru a: ʋ bɛ nyɛrɛ divɛ̃ tɩ-wɔm-cãacul kãw za dɩrɛ ɩ, ʋ bɛ nyɛrɛ kãkãw wɔ̃-dãw been za a vʋla na tɩ kpɩɛr ʋ a ɩ.

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

1 Korɛ̃tɩ 9:16

Bʋ̃ʋ n'ʋ vɛ̃, a Yel-nʋ̃ɔ̀ ɩ̃ na hiere a, a bɛ ɩ yúor ɩ̃ bɔbr ɛ, fɛrʋ ton n'ʋ. Baw-bio sob nɛ m, mãa bɛ wa hiere a Yel-nʋ̃ɔ̀ a.

1 Tesalonikɩ 5:3

A lɛn daar a nɩbɛ nãà wa yere: «Ƴã-ɓaarʋ bɔkɔɔ! Damnʋ za yee!» Lɛn daar'a a yele na ùr sãw a bɛ zie mɛ̃ 'wɔbrʋ na nyɔw pɔw-pʋɔ a, ɛ́ bɛ kʋ̃ tʋ̃ɔ́ zɔ cɩ̃ɛ ɩ.