Zeremi 4:30 - A SƐB-SÕW

³⁰ Ɛcɛ a fʋ̃ʋ, Zerizalɛm i, bʋ̃ʋ n'ʋ fʋ na ɩ? Fʋ su n pɛn-vɩɛlɩ vɩɛlɩ, ƴãw salm-zɩɛ pɩ̃ɛmɛ, ɛ́ ƴãw mimi-laara yɛ̀lɩ nɩ a fʋ mimie. Ɛcɛ zawla n'a fʋ maalɛ fʋ tʋɔra kɛ́ fʋ vɩɛl, a bɛlɩ dem na zɔrɛ tuur fʋ a jewre fʋ na, a fʋ kũu n'a bɛ bɔbr.

Zeremi 4:30 ပူးပေါင်းရင်းမြစ်များ

2 Na-mɩnɛ 9:30

A Zezabɛl tɩ wõ n a lɛ a yele za na ɩ a. Lɛ n'a ʋ tɩ ƴãw mimi-laara, ɛ́ maalɩ ʋ tʋɔra tɩ vɩɛl vɩɛl. Ɛ́ a Yehu na wa ta a Izireyɛl a, ʋ cen tɩ àr a tokoro vʋɔr ƴãw.

Zʋkpaɩ 6:25

Taa bɔbr a pɔw ŋa tɔ a ʋ vɩɛlʋ zũú ɛ, taa sàwr a ʋ jɩ́rʋ tʋ̃ɔ́ fʋ ɛ.

Zʋkpaɩ 7:10

A pɔw tɩ yi na tuore ʋ, su a suuru mɛ̃ pɔw-yɛm a, ɛ́ a tɩɛrʋ bɛ ɩ dẽdẽ ɩ.

Ɩzayi 10:3

Bʋ̃ʋ n'ʋ nyɩ na ɩ a dɔwrʋ bibir, a saa nɩ a sɛsɛb nãà wa yi a zi-zãána ŋmʋrɛ waar a? Ãa zie n'a nyɩ na zɔ cen tɩ nyɛ̃ a sõwfʋ? Nyɩnɛ n'a nyɩ na bin a nyɩ na-bome?

Ɩzayi 20:6

A ʋlɩ bibir nɛ a, a nɩbɛ na kpɩɛr a Mediterane kʋ̃ɔ-kpɛ̃ɛ nʋɔr a na yere na: «Nyɛ̃ a lɛ a na ŋmɛ̃ a nɩbɛ tɩ na tɩ tɩ́ɛrɛ a ƴãw a! Tɩ tɩ bɔbr'a kɛ́ tɩ zɔ cen a be tɩ páw sõwfʋ, ɛ́ bɛ faa tɩ a Asiiri tẽw nãà nuru pʋɔ. À à ŋá a, ŋmɩŋmɩn n'a tɩ na tʋ̃ɔ́ nyɛ̃ a faafʋ?»

Ɩzayi 33:14

Pʋl-vʋ̃ɔ nyɔw nɩ a yel-bebe dem a Sɩyɔ̃ tẽw pʋɔ, dɛ̃bɩ̃ɛ ɩrɛ nɩ a nɩ-faar bɛ màwr. Bɛ sowre na: «A tɩ buor'ʋ na tʋ̃ɔ́ àr a vũu ŋa na dɩrɛ a pɛr? A tɩ buor ʋ na tʋ̃ɔ́ àr a vũu-zɛlɛ á ŋá na bɛ kpiire a pɛr?»

Zeremi 13:21

Fʋ na yel'a kɛ́ bo a lɛn daar a bɛlɩ dem fʋ na mili nɩ, bɛ ɩ a fʋ bárɩ, nãà wa ìr a fʋ ƴãw bɔbr kɛ́ bɛ tʋ̃ɔ́ fʋ a? Sɩza n'a, fʋ na wone nɩ tuo mɛ̃ pɔw, a ʋ dɔwfʋ daar a.

Zeremi 22:23

Fʋ̃ʋ na kpɩɛr a Libã tuw pʋɔ, ɛ́ tɛr a cow a sɛɛdɩr tɩɩr zu a, fʋ na kõ n a lɛn daar a 'wɔbrʋ wa ùr lo a fʋ zu a, a lɛn daar fʋ na na wone tuo mɛ̃ pɔw na dɔwr a!»

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

A Lãw-mʋɔlɛ 1:19

Ɩ̃ tɩ bʋɔl'ɩ a bɛlɩ dem na nɔnɛ mɛ̃ a, ɛcɛ, bɛ tɩ bɛ̀lɩ mɛ̃ na. A ɩ̃ bàwr-maalbɛ nɩ a ɩ̃ yã-wulbɛ tɩ kpi n a tẽ-kpɛ̃ɛ pʋɔ, a lɛn daar bɛ na tɩ bɔbr a bʋ̃-dɩrɩ, kɛ́ bɛ dɩ lɛb páw fãw a.

A Lãw-mʋɔlɛ 1:2

Ʋ mɩ́ kõ n a tɩ̃ɩsɔw a ʋ kɔ́rɛ za tɩ vʋɔrɛ mʋta-kʋ̃ɔ. A bɛlɩ dem za na tɩ nɔnɛ ʋ a pʋɔ a, nɩr bɛ ka be mɔwlɛ ʋ ɛ. A ʋ bárɩ za mɩl ʋ na, ƴɛrɛŋa a, bɛ lɩɛb'ɩ a ʋ dɔ̃ dem.

A Lãw-mʋɔlɛ 4:17

A tɩ mimie piwri nɩ sõwfʋ na bɛ waar a tɩ bàl. Tɩ be n a tɩ zie gub ziir gùre nɩ-bʋʋrɛ kãw na kʋ̃ tʋ̃ɔ́ faa tɩ a waa.

Ezekɩɛl 28:13

Fʋ tɩ kpɩɛr'ɩ Edɛn, a Naaŋmɩn zaadɛ̃ pʋɔ, ɛ́ kʋsɛ-bi-nyɩlɩ pɛ-bʋʋrɛ za tɩ viir'a koli fʋ: iribi, topaazʋ nɩ dɩamã, kirizolitɩ, konalin nɩ zasɩpʋ, safɩɩr, girena nɩ emerodɩ. Fʋ mɩ́ tɩ ƴãw nɩ salm-zɩɛ pɩ̃ɛm-pɛ-bʋʋrɛ za bɛ na cɔbrɩ a fʋ íru bibir a.

Ezekɩɛl 28:9

A bɛlɩ dem na na kʋ b a niŋé a, fʋ na cãà na yere kɛ́ fʋ ɩ n naaŋmɩn ɩ? Fʋ na ɩ n nɩsaal tʋ̃tʋba, ɛ́ kʋ̃ ɩ naaŋmɩn a bɛlɩ dem na na kʋ b a niŋé ɩ.

Abɩdɩasɩ 1:7

Bɛ diw nyɩ na bɛr a nyɩ tẽw pʋɔ, a bɛlɩ dem za nɩ nyɩɩm na maalɩ a wõ-taa a, bɛ mɩlɛ nyɩ na. A nyɩ bárɩ so nyɩ na, a bɛl nɩ nyɩɩm na tɩ lãw dɩrɛ a ƴãwnɛ nɩ bɛrɩ a nyɩ tɔlʋ zie. A nɩbɛ yere nɩ a nyɩ ƴãw: “Bɛ bɛ cãà bãw yã ɩ!”

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Yel-wula 17:13

Tɩɛr-been yõ n'ʋ bɛ za tɛr: bɛ de a bɛ fãw nɩ a bɛ nɩ-kpɛ̃ɛnʋ tu n a wɛ-dʋ̃w.

Yel-wula 17:2

A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a tẽw zu nɩbɛ nyũ a ʋ pɩ̃ɔ ɩ-ɩrɩ divɛ̃ kuoli.»

Yel-wula 17:4

A pɔw tɩ su n kpar-vɩɛlɩ zɩɩr ɓõɓõ, ɛ́ nyɩlɛ ʋ za nɩ salm-zɩɛ nɩ kʋsɛ-bi-nyɩlɩ nɩ lɛgɛ. Ʋ tɩ tɛr'ɩ salm-zɩɛ koli-nyúura na paalɩ yel-faar na bɛ maal'ɩ wob a, nɩ a ʋ pɩ̃ɔ-ɩ-dɛgɛ a, a ʋ nũú.