Zeremi 4:29 - A SƐB-SÕW

²⁹ A wi-zɔmnbɛ nɩ a tã-tɛbrbɛ gɔmɛ ƴãw nɩ a tẽ-bɛrɛ za nɩbɛ zɔrʋ. Bɛ kpɩɛr'ɩ a tuwr pʋɔ, bɛ dúor'ɩ a pie zu. A tẽ-bɛrɛ za gã nɩ zawlɛ, nɩr za bɛ cãà be ɩ.

Zeremi 4:29 ပူးပေါင်းရင်းမြစ်များ

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

Ɩzayi 30:17

Dɔ̃ sob been yõ na fuw nɩ a nyɩ nɩbɛ túr. Dɔ̃ dem anũu na fuw nyɩ na, nyɩ zɔ nyɩ za ɛ́ tɩ cɛ ɩ mɛ̃ bãwfʋ na be tã-kpɛ̃ɛ nyʋɔrɩ́ a, mɛ̃ dɩrapo na bà tãle zu a.

Ɩzayi 6:12

A Sore na ɩ na a tẽw dem cen zãá nɩ a bɛ tẽw. Tẽsɔwr bɛ na bɛr a na gã nɩ yaga.

Zeremi 16:16

A Sore yere na: «Ɩ̃ na tõ n zʋm-nyɔwrbɛ yaga bɛ tɩ nyɔw bɛ. Al pùorí ɩ̃ tõ nabawlbɛ yaga bɛ tɩ bawlɩ bɛ a tan zu, a tãli zu tɩ lãwnɩ a pie bɔwrɩ pʋɔ.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 52:7

a Babɩlɔn tẽw dem tɩ ŋmɛ n a tẽw dacĩ-kpɛ̃ɛ puo. A Zuda tẽw sojarɩ tɩ yi n a tɩ̃ɩsɔw zɔ. A Babɩlɔn tẽw dem na saa tɩ jil a Zerizalɛm a, bɛ tɩ tu n a dɩ̃dɔr na be a dacĩ-bɛrɛ ayi na pɩɛlɩ a nãà zaadɛ̃ a cará yi. Bɛ tɩ de nɩ a sɔ́r na cere a Zurdɛ̃ fʋɔla pʋɔ a.

Zeremi 6:23

A ʋ zɛbr-nɩbɛ zɛw nɩ tamɛ nɩ kafin-ŋmali, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a. Bɛ zɔm'ɩ wie, bɛ pɩɛr'ɩ nɩ vla vla kɛ́ bɛ zɛb'ɩ fʋ, Sɩyɔ̃ tẽw i!»

Amɔsɩ 9:1

Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.

Luka 23:30

A lɛn daar a, bɛ na yere nɩ a tan: “Nyɩ lo gùri tɩ!” ɛ́ yere a tãli: “Nyɩ sɔwlɩ tɩ!”

1 Samɩɛl 13:6

A Ɩsɩrayɛl nɩbɛ na wa nyɛ̃ bɛ bɛ bɛrɛ bɛ, ɛ́ pɩɛlɩ bɛ yɩ̃ɛlɛ a, bɛ tɩ zɔ na cen tɩ sɔwlɩ a tan bɔwrɩ pʋɔ, nɩ a bɔwrɩ pʋɔ, a pìe pʋɔ, nɩ a bɔw-tuwri pʋɔ, nɩ a sa-bie-kʋ̃ɔ-bɔwrɩ pʋɔ.