Zeremi 4:28 - A SƐB-SÕW

²⁸ Alɛ so a tẽw be a wahala pʋɔ, ɛ́ a saa-zu, a lige pàw a salom. Bʋ̃ʋ n'ʋ vɛ̃, ɩ̃ yel'ɩ a lɛ ɩ̃ na tɩ yel k'ɩ̃ɩ na ɩ na a, ɩ̃ kʋ̃ lɩɛbɩ bɛr ɛ, ɛ́ ɩ̃ kʋ̃ lɛb pùor ɛ.

Zeremi 4:28 ပူးပေါင်းရင်းမြစ်များ

Ɩzayi 24:4

A tẽw tɛr'ɩ wahala, ʋ sãwnɛ na cere. A tẽ-daa za kpiir a, ʋ sãwnɛ na cere. A salom mɩ̀ lãw nɩ nɩ a tẽw kpiir.

Ɩzayi 34:4

A ŋmar-bi-yaga yaga ŋmarɛ na lore a za. A salom pìle na mɛ̃ sɛbɛ a. A salom zu bʋ̃-nyɩwrɩ za lore na mɛ̃ divɛ̃ tɩɛ bɩɩ kãkã-tɩɛ va-ŋmamɛ a.

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Ɩzayi 50:3

Lɛb waar, ɩ̃ mɩ́ pàw nɩ a salom nɩ bʋ̃-sɛbla, ɛ́ su vʋɔra kparʋ pàw ʋ.»

Zeremi 12:11

Bɛ ɩ ʋ na ʋ lɩɛbɩ zie na ɩrɛ nɩbaalʋ a. Ʋlɛ n'ɩ ŋan a ɩ̃ niŋé bɛ tɛr ŋmɛ̃a ɩ, ɩrɛ nɩbaalʋ. A tẽw za ɩrɛ nɩ nɩbaalʋ, ɛ́ a bɛ ɩrɛ nɩr kãw za bom ɛ.»

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

Zeremi 23:10

«A tẽw paal'ɩ pɩ̃ɔ-yel-maalbɛ. A faa maalʋ ƴãw n'a bɛ mɩ́ zɔrɛ, bɛ tɛr'ɩ kanyir a yele al na bɛ sɛwnɩ ɩb a ƴãw. A tẽw be n wahala pʋɔ ŋmɛ-ƴãw kãw zũú. A dʋn mʋ̃ɔ 'wɔbrʋ ziir ko n a za.»

Zeremi 23:20

A Sore suur bɛ ɓãanɛ ʋlɛ bɛ wa tõ a lɛ za ʋ na yel a ɩ. A pùorí n'a nyɩ na bãw a pɛr.

Zeremi 30:24

A Sore su-tʋlʋ kpãkpã bɛ ɓãanɛ, ʋlɛ bɛ wa maalɩ a lɛ ʋ na tɩɛrɩ a yele bin baarɩ a ɩ. Bibir kãw n'a nyɩ na bãw a pɛr.

Zeremi 51:12

Nyɩ zɛw a dɩrapo a zɛbr tib ƴãw, a Babɩlɔn tẽw dacĩ-bɛrɛ ŋmɛr bɛ́rʋ ƴãw. Nyɩ ɩ a sojarɩ yãwmɛ dɔwlɩ, a ziir bɛ na gùre a pʋɔ. Nyɩ ƴãw zi-piwrbɛ! Nyɩ sɔwlɩ nɩbɛ a zɛbr ƴãw! À à ŋá n'a a Sore maalɛ a lɛ ʋ na tɩɛrɩ bin a, a ʋlɩ bom nɛ ʋ na yel a Babɩlɔn tẽw dem ƴãw a.

Zeremi 7:16

A fʋ̃ʋ Zeremi a, taa zɛlɛ bom kãw za a nɩbɛ bɛ ŋa vla ƴãw ɛ, taa puore bɩɩ lɔbr nuru a bɛ ƴãw ɛ, taa wa dɩ tuo bàlɛ fʋ tʋɔra a ɩ̃ zie ɩ, bʋ̃ʋ n'ʋ vɛ̃, ɩ̃ kʋ̃ bɛr wo b ɛ.

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

Ezekɩɛl 24:14

A mãa Sore n'ʋ yere, ɛ́ a na tu na. Ɩ̃ kʋ̃ lɛb pùor, ɛ́ kʋ̃ zɔ nɩbaalʋ ɛ. Ɩ̃ kʋ̃ yel kɛ́ mãa tɩ bãw kɛ́ lɛ bom kãw za ƴãw ɛ. Zerizalɛm i, ɩ̃ na dɩ n fʋ nɩ ƴɛ̀rʋ a fʋ nyɔ-vʋʋrʋ nɩ a fʋ ɩb ƴãw. A mãa Sore Naaŋmɩn n'ʋ yere.»

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zowɛl 1:10

A póru sãw nɩ a za, a tẽsɔw tɛr'ɩ pʋ-sãwna. Ble bɛ cãà be ɩ, divɛ̃-paala bɛ cãà be ɩ, kãá-bir za bɛ cãà be ɩ.

Zakari 8:14

Nyɛ̃ a lɛ a Sore, a Kpɛnʋ-za-sob, na yere a: «A lɛ ɩ̃ na tɩ yel k'ɩ̃ɩ na ɩ na a kpɛ nyɩ, a nyɩ sãàkʋm-kore na tɩ ɩ k'ɩ̃ nyɛ̃ suur a ƴãw a, ɩ̃ bɛ lɛb bɛr ɛ.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Matie 27:45

A mʋ̃tɔ̃w na wa do põ-zɛ̃-taa a, lige pàw nɩ a tẽ-daa za tɩ ta n a mʋ̃tɔ̃w gɔ̃wfʋ daar.

Markɩ 15:33

A mʋ̃tɔ̃w na wa do põ-zɛ̃-taa a, lige tɩ pàw nɩ a tẽ-daa za tɩ ta a zaanʋɔra gbele ata daar.

Luka 23:44

A gbãgbãw na tɩ cɛ blã na ŋmɛ a, lige tɩ yɛ́r'a pàw a tẽ-daa za tɩ ta n a mʋ̃tɔ̃w gɔ̃wfʋ daar,

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Ebre 7:21

Ɛcɛ a Yeezu a, pɔb'a Naaŋmɩn pɔ ʋ lɩɛbɩ bàwr-maalɛ, a lɛ a Naaŋmɩn na tɩ yel ʋ a: «A Sore pɔ na, ɛ́ kʋ̃ lɩɛbɩ bɛr ɛ: fʋ ɩ n Naaŋmɩn bàwr-maalɛ kʋralɛ.»

Yel-wula 6:12

Al pùorí, ɩ̃ tɩ nyɛ̃ nɩ a Pele ʋ 'law a sɩ-suur ayʋɔb sob. Lɛ n'a a tẽsɔw-kɔbr tɩ dam kpɛ̃w kpɛ̃w za! A mʋ̃tɔ̃w tɩ lɩɛb'a sɔb mɛ̃ pɛn-sɛbla kpirkpir a, ɛ́ a cuw lɩɛbɩ ʋ za, mʋ̃ɔ mɛ̃ zɩ̃ɩ a.

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»