Zeremi 4:27 - A SƐB-SÕW

²⁷ À ŋá n'a a Sore yere: a tẽ-daa za na lɩɛb'ɩ wɛja-kpalɛ na ɩrɛ nɩbaalʋ a, ɛcɛ, ɩ̃ kʋ̃ sãw ʋ za bɛr pelẽpelẽ ɩ.

Zeremi 4:27 ပူးပေါင်းရင်းမြစ်များ

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Neemi 9:31

Ɛcɛ, a fʋ nɔ̃wfʋ na bɛ tɛr baarʋ a zũú, fʋ bɛ kʋ bɛ pàw pɛr ɛ, fʋ bɛ jɛ bɛ bɛr ɛ, bʋ̃ʋ n'ʋ vɛ̃, fʋ ɩ n Naaŋmɩn na ɩ nɔ̃wfʋ ɛ́ ɩ nɩbaal-zɔrɛ a.

Ɩzayi 17:6

A Ɩsɩrayɛl nɩbɛ na na cɛ a kʋ̃ saalɩ ɛ, a na ɩ na mɛ̃ olivʋ bɛ na dam'ɩ dàa a lo a: wɔmɛ ayi bɩɩ ata n'a cɛ a tɩɛ saa-zu za, wɔmɛ anaar bɩɩ anũu a wuli na wɔ̃ a zu. À à ŋá n'a a Sore, a Ɩsɩrayɛl Naaŋmɩn, yere.

Ɩzayi 24:1

A Sore na ɩ na a tẽw gã zawla, ʋ na sãw ʋ na bɛr, ʋ na ɩ na ʋ bɛ cãà tɛr niwn ɛ, ʋ na diw nɩ a nɩbɛ yaarɩ a ziir za:

Zeremi 18:16

A ɩ̃ nɩ-bʋʋrɛ ɩ n a bɛ tẽw ʋ lɩɛbɩ zie na sãw ʋ za a, ƴãw a nɩbɛ lɔbr pʋl-vʋ̃ɔ cɛlsɩ kʋralɛ. A mɩ́ dam'ɩ a sɔr-tɔlbɛ bɛ viire zuru.

Zeremi 25:11

A tẽw ŋa za na lɩɛbɩ debuo, zie na sãw ʋ za a, ɛ́ a nɩ-bʋʋrɛ bɛ ŋa za na tone nɩ a Babɩlɔn tẽw nãà tome tɩ ta n yome lɩz'a ata nɩ pie.”

Zeremi 30:11

Bʋ̃ʋ n'ʋ vɛ̃, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru pàw pɛr, a bɛl pʋɔ ɩ̃ na diw fʋ cen nɩ a. Ɛcɛ a fʋ̃ʋ a, ɩ̃ bɛ bɔbr k'ɩ̃ɩ kʋ b pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 44:6

Lɛ n'a a ɩ̃ suur, a ɩ̃ su-yãyaar tɩ ìr mɛ̃ vũu a, dɩ a Zuda tẽ-bɛrɛ nɩ a Zerizalɛm tẽw sɛ́ɛ. A lɩɛb'ɩ ziir nɩr na bɛ cãà kpɩɛr a, mɛ̃ a lɛ bɛ na na tʋ̃ɔ́ nyɛ̃ a dɩ̃a a.”»

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.

Zeremi 5:18

A lɛn daar mɩ̀ a, a Sore n'ʋ yere, ɩ̃ kʋ̃ kʋ nyɩ pàw pɛr ɛ.

Zeremi 7:34

A Zuda tẽ-bɛrɛ pʋɔ nɩ a Zerizalɛm tẽw sɛ́ɛ zu a, ɩ̃ na ɩ na a cuwr gɔmɛ, a nʋ̃ɔ̀ cɛlsɩ nɩ a dɛb-sãan nɩ a pɔw-sãan yielu tɛw, bʋ̃ʋ n'ʋ vɛ̃, a tẽw na ɩ n deboru gã.»

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

A Lãw-mʋɔlɛ 2:7

A Sore zawr'ɩ a ʋ bàwr-maal-kuur bɛr, ʋ jɛ n a ʋ zi-sõw bɛr. Ʋ bɛr'ɩ a Sɩyɔ̃ yir-vɩɛlɩ a lo a dɔ̃ dem nuru pʋɔ. Gɔmɛ tɩ pàw nɩ a Sore yir mɛ̃ cuw bibir a.

Ezekɩɛl 11:13

Ɩ̃ na tɩ manɛ a Sore ƴɛ̀rʋ ŋa tɩrɛ a, a Benaya bidɛb, Pelatɩahu, tɩ kpi na. Ɩ̃ tɩ lo na gbĩ dume gũu tɩ tɔ tẽw ɛ́ cɩɩr'ɩ kɔkɔr-kpɛ̃w yel à ŋá: «'Woi, Sore Naaŋmɩn i, fʋ na ɩ n a Ɩsɩrayɛl nɩbɛ za na cɛ a bɛ kpi i?»

Ezekɩɛl 20:17

Ɛcɛ a bɛ kʋ-pàw-pɛr ƴãw a, ɩ̃ tɩ zɔ n bɛ nɩbaalʋ yaga, ɛ́ bɛ ɩ bɛ kpi a wɛja-kpalɛ pʋɔ ɩ.»

Ezekɩɛl 33:28

Ɩ̃ na sãw nɩ a tẽw bɛr, ɩ̃ na ɩ na ʋ lɩɛbɩ wɛja-kpalɛ. A fãw na tɩ ɩ a bɛlɩ dem na kpɩɛr a ʋ pʋɔ ɩrɛ pɔ̀lʋ̀ a na bɔr'a. A Ɩsɩrayɛl tẽw tan na ɩ n wɛja-kpalɛ, nɩr za kʋ̃ lɛb tu tɔl a be ɩ.

Ezekɩɛl 6:14

Ɩ̃ na wul bɛ nɩ a ɩ̃ fãw. Ɩ̃ na sãw nɩ a bɛ tẽw bɛr, ɛ́ ɩ a ziir al za bɛ na kpɩɛr a ɩ zawlɛ, a na yi a wɛja-kpalɛ na be a saa-pɛrɩ́-dʋrʋ-lowr ɛ́ tɩ tɔ a Divla tẽ-kpɛ̃ɛ na be a saa-pɛrɩ́-gʋba-lowr a. Lɛ n'a bɛ za na sàw k'ɩ̃ɩ ɩ n a Sore.»

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Levitɩ mɩnɛ 26:44

Ɛcɛ a lɛn daar bɛ na na saa cãà be a bɛ dɔ̃ dem tẽw pʋɔ a, ɩ̃ kʋ̃ jɛ bɛ bɛr ɛ, ɩ̃ kʋ̃ hɩ̃ɛn bɛ ɩ, ɩ̃ kʋ̃ kʋ bɛ pàw pɛr ɛ, ɩ̃ɩ kʋ̃ sãw a ɩ̃ wõ-taa bɛr ɛ, ɩ̃ na ɩ a Sore bɛ Naaŋmɩn a ƴãw.

Sofoni 1:18

A bɛ salm-pla nɩ a bɛ salm-zɩɛ kʋ̃ tʋ̃ɔ́ faa bɛ a Sore suur bibir ɛ. A ʋ suur vũu na dɩ n a tẽw za. A na sɩrɩ na ɩrɛ dɛ̃bɩ̃ɛ yaga: ʋ na kʋ n a tẽw zu nɩbɛ za pàw pɛr.