Zeremi 4:22 - A SƐB-SÕW

²² A Sore yere n'a: «A ɩ̃ nɩbɛ bol'a, bɛ bɛ bãw mɛ̃ ɩ. Bibiir na bɛ tɛr yã a nɛbɛ, bɛ bɛ bãw bom za ɩ. Bɛ bãw nɩ a faa maalʋ vla ɛ́ bɛ bãw a vla maalʋ ɛ.»

Zeremi 4:22 ပူးပေါင်းရင်းမြစ်များ

Yele-za-pɛr-tib 39:16

Ʋ tɩ bin nɩ a Zuzɛb kparʋ a ʋ zie gùre nɩ a ʋ sɩr lɛb waa daar.

2 Samɩɛl 13:3

A Amɩnɔ̃ tɩ tɛr'ɩ bá, a yúor dɩ kɛ́ Yonadavʋ na tɩ ɩ a Daviir yɛb Simeya bidɛb a. A Yonadavʋ tɩ kpɛ n yã bɛ dɩ vuo ɩ.

Sɛb-sõw yielu 36:3

Ʋ nɔnɛ nɩ ʋ tʋɔra zuo, nɩ ʋ na na sàw a ʋ sãwna, ɛ́ hɩ̃ɛn a sãwna ŋa a.

Sɛb-sõw yielu 36:4

Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

Sɛb-sõw yielu 53:4

Bɛ za bɛr'ɩ a sɔ́r, bɛ za lãw na fà. Kãw za bɛ ɩrɛ vla ɩ, ʋ bɛ ka be ɩ been mɩ̀ ɛ.

Sɛb-sõw yielu 82:5

Ɛcɛ, nyɩ bɛ bãw bom za ɩ, nyɩ bɛ tɛr yã ɩ, nyɩ be n lige pʋɔ bɔblɛ, alɛ so a zie bɔbr sãwfʋ.

Zʋkpaɩ 28:5

A nɩ-faar bɛ mɩ́ bãw a lɛ-na-tu-sɔr-a pɛr ɛ, ɛcɛ a bɛlɩ dem na mɩ́ bɔbr a Sore a mɩ́ bãw nɩ bom za pɛr.

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 13:23

Nɩ-sɛbla na tʋ̃ɔ́ na ɩ a ʋ ƴã-gan ŋmɛ̃a ʋ lɩɛbɩ ɩ? Bɩɩ nyũo na tʋ̃ɔ́ na ír a ʋ kɔblʋ na 'leni 'leni a bɛr ɩ? Ɛ́ a nyɩɩm na mili nɩ a faa a, nyɩ na tʋ̃ɔ́ na maalɩ a vla a?

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Zeremi 4:21

Debor daar'a ɩ̃ na nyɛ̃ a zɛbr dɩrapo tɩ ta, ɛ́ wõ a ɩɩl pɛblʋ tɩ ta?

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zeremi 5:4

Ɩ̃ tɩɛr'ɩ ɩ̃ pʋɔ: «Nɩ-sãsaralɛ ɩb'ɩ à à ŋá, bɛ bɛ tɛr yã k'a sɛw ɛ, bʋ̃ʋ n'ʋ vɛ̃, bɛ bɛ bãw a Sore pʋ-tɩɛrʋ ɛ, nɩ ʋlɩ bom nɛ a bɛ Naaŋmɩn na bɔbr a ɩ.

Zeremi 9:2

A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Zeremi 9:3

Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Zeremi 9:5

Bɛ mɩ́ ɩ n po-to-fãw-ɩb tɩ lʋ̃ɔ nɩ po-to-fãw-ɩb, ŋma ziri tɩ lʋ̃ɔ nɩ ziri. Bɛ zawr'a na bãw mɛ̃. A mãa, a Sore, mãa n'ʋ yel.»

Ezekɩɛl 16:30

'Woi Zerizalɛm i! A mãa Sore Naaŋmɩn n'ʋ yere, fʋ sɩrɩ na ɩ dɛ̃bɩ̃ɛ sob. Fʋ na maalɩ à á ŋá za a, fʋ ɩ n a ɩb mɛ̃ a pɔw-yɛm faa faa za a.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

A naaŋmɩn-ƴèr-manɛ Oze sɛbɛ 5:4

A Ɩsɩrayɛl nɩbɛ ɩ-ɩrɩ kʋ̃ sàw bɛ lɛb wa a bɛ Naaŋmɩn zie ɩ. Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie, ɛ́ bɛ bɛ bãw a Sore ɩ.

Amɔsɩ 3:10

A Sore yere na: «A Samaari tẽw dem bɛ bãw bʋ̃ʋ n'ɩ a yel na tori a ɩ. Bɛ gbone nɩ a bɛ yir-vɩɛlɩ pʋɔ a bome nɛ a bɛ po-to-fãw-ɩb nɩ a bɛ nyãnyuwlu na ɩrɛ bɛ páwr a.»

Mise 2:1

Baw-bio dem n'ɩ a bɛlɩ dem na mɩ́ gã a tɩ̃ɩsɔw tɩɛrɩ ɛ́ cɔbrɩ a yel-faa maalʋ a. A zie wa wɛlɛ a, bɛ mɩ́ maal'a, bɛlɛ wa tɛr a fãw a lɛn daar a.

Mise 7:3

Bɛ de nɩ jalɩ a ɩ-faar maalʋ ƴãw. A nɩ-bɛrɛ nɩ a ƴɛ̀r-dɩrbɛ mɩ́ fɛr'a ƴãw bɛ ŋmɛ bɛ nʋɔr. A nɩ-yée mɩ́ yel'ɩ a bɛ bʋ̃-bɔbrɩ cãàmɩ́ lɛ, ɛ́ a bɛ za ɓã taa tɛr a bɛ gõlõgõlõ ɩb.

Luka 16:8

A nɩ-kpɛ̃ɛ tɩ mʋʋr'ɩ a bʋ̃-kaarɛ ŋa ɩb na bɛ tori a, a yã-maalʋ ʋ na tɩ maalɩ a ƴãw. A tẽw ŋa zu nɩbɛ sɩrɩ na kpɛ yã a bɛ taabɛ zie zuo a cãà pʋɔ nɩbɛ.»

Zã 16:3

À ŋá n'a bɛ na ɩrɛ, bɛ na bɛ bãw a ɩ̃ Sãà ɛ́ mɩ̀ bɛ bãw mɛ̃ a ƴãw.

Ʋrɔm 1:22

Bɛ na de bɛ tʋɔra bʋɔlɛ yã-bãwnbɛ a, bɛ lɩɛb'ɩ dãbole.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 16:19

A Sore nʋɔr nyɩ na sàwr a, a nɩbɛ za wõ n a yele. Lɛ so nʋ̃ɔ̀ ɩrɛ mɛ̃ a nyɩ ƴãw, ɛcɛ ɩ̃ bɔbr'a kɛ́ nyɩ ɩ yã-bãwnbɛ ɩrɛ a vla, ɛ́ vɩɛl dɛrɛ a faa.

Ʋrɔm 3:11

yã-bãwnɛ bɛ ka be ɩ, nɩr kãw za bɛ su zu bɔbr a Naaŋmɩn ɛ.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

Wulu-ayi-sob 32:28

A Ɩsɩrayɛl nɩbɛ bɛ ŋa bɛ tɛr tɩɛrʋ ɛ, bɛ bɛ tɛr yã ɩ.

Wulu-ayi-sob 32:6

Nɩ-bʋʋrɛ na bol ɛ́ bɛ bãw yã a, a ɩb'ɩ à ŋá nyɩ na ɩrɛ a Sore zie a? Ʋlɛ bɛ n'ɩ a nyɩ sãà, a nyɩ íre, a sob nɛ na ɩ nyɩ ɩ a ʋ nɩ-bʋʋrɛ a ɩ?