Zeremi 4:16 - A SƐB-SÕW

¹⁶ Nyɩ ɩ a nɩ-bʋʋrɛ za bãwnɩ a, nyɩ yel a yel kʋ̀ a Zerizalɛm: A dɔ̃ dem pɩɛlɛ na, bɛ yi n tẽ-zãána waar, bɛ ŋmɩɛr'ɩ a zɛbr cɛlsɩ a Zuda tẽ-bɛrɛ ƴãw.

Zeremi 4:16 ပူးပေါင်းရင်းမြစ်များ

Ɩzayi 34:1

Nɩ-bʋʋrɛ ɛ, nyɩ taw pɩɛlɩ bɛr wõ, nɩbɛ ɛ, nyɩ cɛlɛ be. A tẽw, ʋ bɛr wõ, lãwnɩ bom za na be a ʋ pʋɔ a! A tẽ-daa, ʋ wõ, lãwnɩ bom za na yire a ʋ pʋɔ a!

Ɩzayi 39:3

Al pùorí, a naaŋmɩn-ƴɛ̀r-manɛ Ɩzayi tɩ wa na wa páw a Ezekɩasɩ sowr'ʋ: «Bʋ̃ʋ n'ʋ a nɩbɛ bɛ ŋa yel kʋ̀ b? Nyɩnɛ n'a bɛ nɩ̃ɛ yi wa?» A Ezekɩasɩ tɩ sɔw na: «Tẽ-zãána n'a bɛ yi wa nyɛ̃ m, Babɩlɔn tẽw.»

Zeremi 1:15

A Sore yere na: Ɩ̃ na bʋɔl'ɩ a saa-pɛrɩ́-gʋba-lowr naalʋ-ten dɔwlʋ za ɓã taa. Bɛ na wa na, ŋa za mɩ́ wa bin a ʋ naalʋ-dà-kɔw a Zerizalɛm tẽw dɩ̃dɛɛ ƴãw, tori a dacine na viiri koli ʋ a, ɛ́ tori a Zuda tẽw tẽ-bɛrɛ za.

Zeremi 16:6

A tẽw ŋa pʋɔ a, a na-mɩnɛ nɩ a nan dem na kpi na, ɛ́ nɩr kʋ̃ ka be ũù bɛ ɩ, nɩr za kʋ̃ kõ bɛ ɩ. Nɩr kʋ̃ cɩr cɩr a ʋ ƴã-gan bɩɩ fɔr a ʋ zu wul'ɩ a ʋ pʋ-sãwna ɩ.

Zeremi 2:15

Bɛ ùore na mɛ̃ gben a, bɛ ŋmɛrɛ nɩ kɔkɛɛ a ʋ ƴãw. Bɛ sãw nɩ a tẽw za bɛr pelẽpelẽ. Bɛ nyɩw nɩ a ʋ tẽ-bɛrɛ bɛr, nɩr bɛ cãà kpɩɛr a pʋɔ ɩ.

Zeremi 31:10

Nɩ-bʋʋr-yoru u, nyɩ bɛrɛ wone a Sore ƴɛ̀rʋ! Nyɩ hieri ʋ a kʋ̃ɔ-kpɛ̃ɛ-sɔgɔ-ten na zãá a pʋɔ. Nyɩ yel: «A Sore tɩ diw nɩ a Ɩsɩrayɛl yaarɩ, ɛcɛ ƴɛrɛŋa a, ʋ lɛb'a ɓanɛ bɛ taa ɛ́ gùre bɛ mɛ̃ dʋ̃-cɩ̃ɩnɛ na gùre ʋ dʋn a.»

Zeremi 39:1

A Zuda tẽw nãà, Sedesɩasɩ, naalʋ-dɩb yome piwaɩ sob, a cuwr pie sob daar a, a Babɩlɔn tẽw nãà, Nabikodonozɔɔr, tɩ wa n nɩ a ʋ zɛbr-nɩbɛ za wa zɛb'ɩ a Zerizalɛm.

Zeremi 4:17

Bɛ jil'a koli a Zerizalɛm mɛ̃ bʋ̃-gùrbɛ na jil koli púo a. A Sore yere na: “Ʋ na gaarɩ a ɩ̃ zu a n'a so.”

Zeremi 5:15

A Sore yere na: Ɩsɩrayɛl nɩbɛ ɛ, ɩ̃ na ɩ na nɩ-bʋʋr-yoru na yi zi-zãána a wa a nyɩ ƴãw. Nɩ-bʋʋrɛ nɩr na kʋ̃ tʋ̃ɔ́ zɛb tʋ̃ɔ́ a nɛbɛ, nɩ-bʋʋrɛ na be koro kãw za a, nɩ-bʋʋrɛ nyɩ na bɛ wone a ƴɛ̀rʋ, ɛ́ bɛ mɩ́ bãw a ƴɛ̀r-bie pɛr a nɛbɛ.

Zeremi 5:6

Alɛ so a gbẽw mɩ́ yi a tuwr pʋɔ bɛ bɛrɛ bɛ ɩ, a wɛja-kpalɛ pʋɔ wɛ-baar 'wɔbr bɛ. A nyũo mɩ́ gù a tẽ-bɛrɛ ƴãw tawr nɩr za na yire a cɩɛrɛ. Bʋ̃ʋ n'ʋ vɛ̃, a bɛ na gaarɩ a ɩ-ɩrɩ dɔwlɛ nɩ taa, ɛ́ nɩr kʋ̃ tʋ̃ɔ́ sɔ́r a Sore pùor-bɛ-tub ɩ-ɩrɩ ɛ.

Zeremi 50:2

«Nyɩ yel a yel ŋa kʋ̀ a nɩ-bʋʋrɛ za, nyɩ bà bãwfʋ bom ɩ kɛ̀ bɛ bãw ʋ, nyɩ ɩ bɛ bãw ʋ, nyɩ taa sɔwlɛ bom za ɩ. Nyɩ yel: Bɛ zɛb'a de a Babɩlɔn tẽw, vĩ nyɔw nɩ a ʋ ŋmɩmɛ dasuli, a ʋ tɩbɛ kanyir za baar'a. Vĩ nyɔw nɩ a Bɛl, a ŋmɩn Maardukɩ kanyir za baar'a.

Zeremi 6:18

A lɛ pʋɔ a, nɩ-bʋʋr-yoru nɩbɛ ɛ, nyɩ bɛrɛ wone. Nyɩ za, nyɩ bãw a ʋlɩ bom nɛ na na ta bɛ a.

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Zeremi 6:22

À ŋá n'a a Sore yere: «Nɩbɛ yi n a saa-pɛrɩ́-gʋba-lowr tẽw kãw waar, nɩ-bʋʋr-yoru na yãwmɛ a yi n a tẽw baarʋ zie lo a sɔ́r waar.

Zeremi 6:23

A ʋ zɛbr-nɩbɛ zɛw nɩ tamɛ nɩ kafin-ŋmali, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a. Bɛ zɔm'ɩ wie, bɛ pɩɛr'ɩ nɩ vla vla kɛ́ bɛ zɛb'ɩ fʋ, Sɩyɔ̃ tẽw i!»

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Ezekɩɛl 21:22

A mãa mɩ̀ a, ɩ̃ mɩ̀ na gùr'ɩ cɔ̀rɛ ŋmɛ n, ɛ́ bɛr a ɩ̃ su-tʋlʋ kpãkpã ʋ ìr tɩ ta a ʋ tab zie. A mãa Sore Naaŋmɩn n'ʋ yel.»