Zeremi 4:13 - A SƐB-SÕW

¹³ «Nyɛ̃ a dɔ̃ dem: bɛ waar'a mɛ̃ saa na ìre a zũzuge a. A bɛ zɛbr-torkori pawr'a mɛ̃ saa-sɛsɛb a, a bɛ wie garɛ nɩ fɔ̃w zuo sɩlɩ. 'Woi tɩɩm i! Tɩ kpi na!»

Zeremi 4:13 ပူးပေါင်းရင်းမြစ်များ

2 Samɩɛl 1:23

A Sawul nɩ a Zonatã cãafʋ daar a, bɛ tɩ nɔ̃w nɩ taa yaga za, a bɛ kũu tɔr za pʋɔ a, bɛ bɛ bʋ́r taa ɩ, bɛl na tɩ páwr zuo sɩlɩ a, ɛ́ kpɛ socir zuo gben a.

Ɩzayi 13:5

A Sore nɩ a bɛlɩ dem ʋ na na wul'ɩ a ʋ suur a, yi n tẽ-zãána, bɛ yi n a tẽw tʋra ƴãw waar. Bɛ na wa sãw nɩ a tẽw za bɛr.

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 5:28

A bɛ pime kàr'a, a bɛ tamɛ za dúor'a. A bɛ wie nafɩlɛ kpɛmɛ na mɛ̃ kʋsɛ-cɩlsɩ a, ɛ́ a bɛ zɛbr-torkori gbɛ́ɛ lɩɛbɛ mɛ̃ sɛsɛb-pɩl a.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Zeremi 10:19

«'Woi! A Zerizalɛm kone na, nyɛ̃ kpɩɛrʋ na páw mɛ̃ a! A ɩ̃ natɩr bɛ tɛr sanʋ ɛ. Ɩ̃ tɩ tɩɛrɛ nɩ nɩ ɩ̃ pʋɔ à ŋá: a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.

Zeremi 4:12

Sɛsɛb na tɛr fãw a n'ʋ ɩ̃ ƴãw k'ʋ yi a be waar. Ƴɛrɛŋa a, ɩ̃ na ɩ na bɛ bãw a lɛ ɩ̃ na dɩ n bɛ a ƴɛ̀rʋ a.»

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 48:40

À ŋá n'a a Sore yere: «A ɩ na mɛ̃ sidum yɛ̀r'ɩ a ʋ pɩgɛ laarɛ nɩ a Mowab tẽw zu-sɔw a.»

Zeremi 49:22

A dɔ̃ sob ɩ na mɛ̃ sidum na ƴaw do saa, ɛ́ tɩ yɛ́r a ʋ pɩgɛ laarɛ nɩ a Bɔsɩra tẽw zu-sɔw a. A ʋlɩ bibir nɛ a, a Edɔm tẽw zɛbr-nɩbɛ bɛl na kpɛ socir a, na tɛr'ɩ dɛ̃bɩ̃ɛ, mɛ̃ pɔw na dɔwr a.

Zeremi 6:23

A ʋ zɛbr-nɩbɛ zɛw nɩ tamɛ nɩ kafin-ŋmali, bɛ kpɛ n po-tuo ɛ́ bɛ zɔrɛ nɩbaalʋ ɛ. A gɔmɛ bɛ na ɩrɛ a, ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a. Bɛ zɔm'ɩ wie, bɛ pɩɛr'ɩ nɩ vla vla kɛ́ bɛ zɛb'ɩ fʋ, Sɩyɔ̃ tẽw i!»

Zeremi 9:19

Pɔwbɛ ɛ, nyɩ bɛr wõ a Sore ƴɛ̀rʋ! Nyɩ yuo a nyɩ tobe wõ a lɛ ʋ na yere a. Nyɩ zanɩ nɩ a nyɩ pɔwyaar a lãw-mʋɔlɛ ŋa, ŋa za mɩ́ zanɩ nɩ a ʋ tɔ a lãw-mʋɔlɛ ŋa kon:

A Lãw-mʋɔlɛ 4:19

A Bɛlɩ dem na diwr tɩ a páwr'a zuo a saa-zu sɩlɩ. Bɛ diwr tɩ nɩ a tan zuru, bɛ ƴãwnɛ tɩ nɩ bɛrɩ ziir nɩbɛ na bɛ kpɩɛr a.

Ezekɩɛl 26:10

A uuru a bɛ wi-yaga na na 'wɔ̃w a na pàw fʋ na, a fʋ dacine na dam'ɩ a bɛ wi-zɔmnbɛ gɔmɛ nɩ a bɛ torkori zɔba zũú. Bʋ̃ʋ n'ʋ vɛ̃, bɛ na kpɛ n a fʋ dɩ̃dɛɛ ƴãw mɛ̃ bɛ na mɩ́ puo dacin ɛ́ kpɛ tẽ-kpɛ̃ɛ pʋɔ a.

Ezekɩɛl 38:9

A fʋ̃ʋ, a fʋ zɛbr-nɩbɛ nɩ a fʋ bárɩ yaga a, nyɩ na zɛb'ɩ bɛ na. Nyɩ na lo n a bɛ zu mɛ̃ saa-sɛsɛb a, nyɩ na yɛ́r'a pàw a bɛ tẽw mɛ̃ zũzuwe tãw a.

A naaŋmɩn-ƴèr-manɛ Oze sɛbɛ 8:1

Dʋ̃ a wɩ́ɛ! Kpɩɛrʋ siwr'ɩ a Sore tẽw pʋɔ mɛ̃ sɩla a. Bʋ̃ʋ n'ʋ vɛ̃, à ŋá n'a a Sore yere: «A Ɩsɩrayɛl nɩbɛ sãw nɩ mãa nɩ a bɛl wõ-taa bɛr, bɛ zawr'ɩ a ɩ̃ wulu bɛr.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Nahum 1:3

A Sore suur bɛ páwr ɛ, ɛ́ a ʋ kpɛnʋ bɛ dɩ vuo ɩ, ɛcɛ ʋ bɛ bɛrɛ a sãwna sob dɔwrʋ ɛ. Ʋlɛ wa tɔlɛ a, saa sɛsɛb-kpɛ̃ɛ mɩ́ cɛ̀r a. Zũzuwe n'ɩ a uuru a ʋ gbɛ́ɛ na ɩrɛ a ìre a.

Habakukɩ 1:8

A bɛ wie garɛ na zuo nyoru, a zɔrɛ nɩ fɔ̃w zuo a wɛ-baar na mɩ́ bawlɛ a zaanʋɔra a. A bɛ wi-zɔmnbɛ garɛ na, bɛ yi n zi-zãána ɛ́ waar, bɛ ƴaw na waar mɛ̃ sɩla na siwr fiii a ʋ bʋ̃-dɩra zu a.

Zakari 6:1

Ɩ̃ tɩ lɛb'a zɛw a zu nyɛ̃ bʋ̃-nyɛra kãw: zɛbr-torkori anaar, a yi kur-zɩɛ tan ayi cara pʋɔ,

Matie 24:30

Lɛ n'a a Nɩsaal Bie bãwfʋ na sãá a salom zu. Lɛ n'a a tẽw zu nɩ-bʋʋrɛ za na kone. Bɛ na nyɛ̃ nɩ a Nɩsaal Bie ʋ be a zũzuge pʋɔ waar nɩ fãw na bɛ tɛr vuo a, nɩ yúor-vɩɛlʋ-danʋ.

Wulu-ayi-sob 28:49

A Sore na ɩ na nɩ-bʋʋrɛ nyɩ na bɛ wone a ƴɛ̀rʋ a, yi zi-zãána, yi a tẽw baarʋ zie, ɛ́ wa a nyɩ ƴãw. Bɛ na wa siw nɩ a nyɩ zu, mɛ̃ sɩla na mɩ́ siw a ʋ bʋ̃-nyɔwra zu a.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.