Zeremi 4:11 - A SƐB-SÕW

¹¹ A lɛn daar a, a Sore na yel'ɩ a Zerizalɛm nɩbɛ: «A tan zu sɛsɛb-tʋlʋ yi n a wɛja-kpalɛ pʋɔ waar. Sɛsɛble na mɩ́ fu bɛ yɛ́lɩ bom a bɛ n'ʋ ɛ.

Zeremi 4:11 ပူးပေါင်းရင်းမြစ်များ

Sɛb-sõw yielu 11:6

Ʋ ɩ yel-faa saa ʋ pɔb a nɩ-faar: cirbi vũu nɩ saa-sɛsɛb, alɛ n'a gùre bɛ.

Ɩzayi 22:4

Alɛ n'a so ɩ̃ yere kʋ̀rɛ nyɩ: «Nyɩ ta kaarɛ ɩ̃ zie ɩ, nyɩ bɛr mɛ̃ ɩ̃ kõ a ɩ̃ mʋta-zɩ̃ɩ. Nyɩ ta dɩ tuo yel kɛ́ nyɩ mɔwlɩ mɛ̃ a ɩ̃ nɩ-bʋʋrɛ yele na sãw a ƴãw ɛ.

Ɩzayi 27:8

Ʋ̃ʋ 'hʋ̃, ɛcɛ ʋ ƴãw bɛ nɩ dɔwrʋ, diw bɛ, ír bɛ a bɛ tẽw pʋɔ. Ʋ pɛbl'ɩ a ʋ pɩɛlʋ kpɛ̃w kpɛ̃w za diw bɛ mɛ̃ saa-pɛrɩ́ sɛsɛb na fu n fãw a.

Ɩzayi 41:16

Fʋ na yɛ́lɩ a na, a sɛsɛb de cen nɩ, sɛsɛb-pɩl na yaar a na bɛr a ziir za. Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ a Sore ƴãw, fʋ na nyʋʋr'a, a Ɩsɩrayɛl Naaŋmɩn na ɩ sõw a ƴãw.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Zeremi 13:24

Ɩ̃ na ɩ na nyɩ yaarɩ cen a ziir za mɛ̃ mɔ̃-kon a wɛja-kpalɛ pʋɔ sɛsɛb na de cen nɩ a.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 23:19

A Sore saa-sɛsɛb tarɛ na, a ʋ suur ìre na. Sɛsɛb-pɩl kãw lɩɛbɛ na, ʋ lore nɩ a nɩ-faar zurú.

Zeremi 4:12

Sɛsɛb na tɛr fãw a n'ʋ ɩ̃ ƴãw k'ʋ yi a be waar. Ƴɛrɛŋa a, ɩ̃ na ɩ na bɛ bãw a lɛ ɩ̃ na dɩ n bɛ a ƴɛ̀rʋ a.»

Zeremi 8:19

Nyɩ wone: a ɩ̃ nɩbɛ nɛbɛ kone zɛlɛ sõwfʋ a tẽw za pʋɔ: «A Sore bɛ cãà be a Sɩyɔ̃ tẽw pʋɔ bɩɩ? A Sɩyɔ̃ tẽw bɛ cãà tɛr nãà bɩɩ?» «Bʋ̃ʋ n'ʋ so bɛ sãwnɛ mɛ̃ a suur nɩ a bɛ tɩbɛ, a nɩ-bʋʋr-yoru ŋmɩn-bɛlɛbɛlɛ na bɛ tɛr pɛr a?»

Zeremi 9:1

Bʋ̃ʋ pãa ɩ ɩ̃ bɛ tɛr gaa zie a wɛja-kpalɛ pʋɔ mɛ̃ a sɔr-tɔlbɛ a? Ɩ̃ nãá tɩ bɛr'ɩ a ɩ̃ nɩbɛ, ɛ́ tɩ cen zãá nɩ bɛ. Bʋ̃ʋ n'ʋ vɛ̃, bɛ za ɩ n pɩ̃ɔ-yel-maalbɛ, nɩ-mɩlbɛ bʋʋrɛ nɛbɛ.

Zeremi 9:7

A nɩbɛ bɛ ŋa zɛl ɩ na mɛ̃ pĩi-zɛl na kʋrɛ a. Ziri n'a yire a bɛ nɛ̃ɛ́. Nʋɔr'ʋ bɛ mɩ́ ƴɛ̀rɛ nɩ ƴã-ɓaarʋ ƴɛ̀r-bie kʋ̀rɛ a bɛ tɔ, ɛcɛ a bɛ pʋ̃ɔmɩ za bɛ ƴãwnɛ ʋ bɛra.

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

A Lãw-mʋɔlɛ 3:48

A mʋta-kʋ̃ɔ gbɔlɛ mɛ̃ na mɛ̃ kʋ̃ɔ a, a ɩ̃ nɩbɛ yele na sãw a ƴãw.

A Lãw-mʋɔlɛ 4:10

A lɛn daar a kpɩɛrʋ á ŋá na tɩ ta a ɩ̃ nɩbɛ a, mã mɩnɛ na paalɩ nɔ̃wfʋ yaga a, dʋw nɩ a bɛl tɛɛ za bibiir 'wɔb.

A Lãw-mʋɔlɛ 4:3

A gbõgbo-cili tɛɛ za mɩ́ ƴãw nɩ bɩrɛ a bili a ƴɛnɩ, a mɩ́ guol'ɩ a bili. Ɛcɛ, a ɩ̃ nɩ-bʋʋrɛ ɩ na mɛ̃ mã-po-tuo sob a, mɛ̃ wɛja-kpalɛ pʋɔ kʋlãdisowle a.

A Lãw-mʋɔlɛ 4:6

A ɩ̃ nɩ-bʋʋrɛ sãwna kpɛ n faa zuo a Sodɔm tẽw dem yel-bebe. A tẽw ŋa wa sãw nɩ fɔ̃wlɛ ɛ́ nuru bɛ dam a ʋ pʋɔ ɩ.

Ezekɩɛl 17:10

A divɛ̃ tɩɛ sɛl'ɩ vla, ɛcɛ ʋ kʋ̃ tʋ̃ɔ́ baa ɩ. A saa-pɛrɩ́ sɛsɛb wa fu a ʋ zu a, ʋ na ko n ʋ za kpɛ̃lɛ̃kpɛ̃lɛ̃. Ʋ na ko n a tẽsɔw ʋl zu ʋ na tɩ sɛw k'ʋʋ bul a!”»

Ezekɩɛl 19:12

Ɛcɛ bɛ tɩ vʋ̃ɔ ʋ na nɩ suur, lɔb bɛr tẽw. A saa-pɛrɩ́ sɛsɛb tɩ ɩ n a ʋ wɔmɛ a ko suori lo. A ʋ wul-kpɛn tɩ ko na, bɛ nyɩw a bɛr.

A naaŋmɩn-ƴèr-manɛ Oze sɛbɛ 13:15

A Efarayim yele za saa maalɛ vla a ʋ yɛbr sɔgɔ a, ɛcɛ saa-pɛrí sɛsɛb na wa na, Sore sɛsɛb na yi wɛja-kpalɛ pʋɔ a na wa na wa ɩ a bul-nɛ́ɛ nɩ a kʋ̃ɔ-'wɔ̃wfʋ zie a ko gã. Bɛ na faa nɩ a na-bome za, a bʋ̃-vɩɛlɩ vɩɛlɩ za cen nɩ.

A naaŋmɩn-ƴèr-manɛ Oze sɛbɛ 13:3

Lɛ so, bɛ na tɔl'a mɛ̃ biɓaara ulu a, mɛ̃ biɓaara ɓɩɛlʋ na zore a, mɛ̃ sàwr sɛsɛb-pɩl na ɓáw cen zãá nɩ a ble vab gbãgbala a. Bɛ na ɩ na mɛ̃ zʋ̀ʋ́r na yire vʋɔrɩ́ a.

A naaŋmɩn-ƴèr-manɛ Oze sɛbɛ 4:19

Sɛsɛb-pɩl na ɓáw bɛ na cere nɩ, ɛ́ a bɛ bàwr na ɩrɛ bɛ nɩ vĩ.

Habakukɩ 1:11

Bɛ tɔlɛ na mɛ̃ sɛsɛb kpɛ̃ɛ a, bɛ dãwnɛ nɩ taa wɩɛr zi-yoru, bɛl na mɩ́ de a bɛ fãw ʋ ɩ ŋmɩn a.»

Habakukɩ 1:6

Bʋ̃ʋ n'ʋ vɛ̃, ɩ̃ ƴãw na a Babɩlɔn tẽw nɩbɛ waar, nɩ-bʋʋrɛ na kpɛ po-tuo ɛ́ tʋlɛ a. Bɛ zɔrɛ na cɔlɛ a tẽ-daa na cere 'hɛbɛpɛpɛ a, kɛ́ bɛ fa ziir bɛ na bɛ so a tɛr.

Matie 3:12

Ʋ tɛr'ɩ a ble bʋ̃-yɛla a ʋ nũú, ʋ na yɛ́lɩ nɩ a ʋ ble, bʋ́r a bie nɩ a ur, wob a bie ƴãw a ʋ bowrí ɛ́ nyɩw a ur bɛr vũu na bɛ tɛr kpiiru daar a pʋɔ.»

Luka 3:17

Ʋ tɛr'ɩ ble bʋ̃-yɛla a ʋ nũú, a ʋ ble yɛ́lʋ ƴãw. Ʋ na ƴãw nɩ a ble bie a ʋ bowrí ɛ́ nyɩw a ur bɛr, a dɩrɛ vũu na bɛ tɛr kpiiru daar a pʋɔ.»