Zeremi 4:1 - A SƐB-SÕW

¹ A Sore yere na: «Ɩsɩrayɛl i, fʋ̃ʋ wa lɛbr waar a, fʋ̃ʋ lɛb wa a ɩ̃ zie, fʋ̃ʋ wa ír a fʋ tɩb-faar faar bɛr a ɩ̃ niŋé a, fʋ kʋ̃ cãà ɩ nɩ-cɔla ɩ.

Zeremi 4:1 ပူးပေါင်းရင်းမြစ်များ

Yele-za-pɛr-tib 35:2

A Zakɔb tɩ yel'ɩ a ʋ yir dem nɩ a nɩbɛ bɛl za na be a ʋ zie a: «Nyɩ lɔb a ŋmɩn-sãanbɛ na be a nyɩ zie a bɛr. Nyɩ so a nyɩ dɛwr bɛr, ɛ́ lɩɛrɩ a nyɩ bʋ̃-suuri.

2 Na-mɩnɛ 23:13

Ʋ tɩ sãw nɩ a maalʋ-ziir, a nãà Salomɔ̃ na tɩ mɛ a Olivʋ tɩɩr tãw saa-pɛrɩ́-dʋrʋ-lowr a, bɛr, a tãw ʋl na àr tori a Zerizalɛm a. A maalʋ-ziir á ŋá tɩ mɛ n a Sɩdɔ̃ tẽw dem ŋmɩn-pɔw-faa faa, Asɩtarte, ƴãwfʋ ƴãw, Mowab tẽw dem ŋmɩn-faa faa, Kemɔsɩ, nɩ a Amɔ̃ tẽw dem ŋmɩn-faa na bɛ tɛr yúor póru a, Mɩlkɔm, ƴãwfʋ ƴãw.

2 Na-mɩnɛ 23:24

A Naaŋmɩn wulu sɛbɛ a bàwr-maal-kara Hɩlkɩahu na tɩ nyɛ̃ a Ŋmɩn-yir-kpɛ̃ɛ pʋɔ a, ƴɛ̀rʋ sàwfʋ ƴãw a, a Zozɩasɩ tɩ kʋ n a nɩbɛ na mɩ́ sowre a nyãakpɩmɛ kaar a, a Zerizalɛm nɩ a Zuda tẽw pʋɔ. Ʋ tɩ ƴãw na bɛ sãw a yie ŋmɩmɛ, a tɩbɛ nɩ a bʋ̃-faar za bɛr.

2 Bibie za yel-manɩ 15:8

A Asa na tɩ wõ a ƴɛ̀r-bie á ŋá nɩ a naaŋmɩn-ƴɛ̀r-manɛ Odɛdɩ ƴɛ̀rʋ a, ʋ tɩ lɛb'a kpɛmɛ ɛ́ ɩ a tɩbɛ za bɔr a Zuda nɩ a Bɛ̃zamɛ ten pʋɔ. Ʋ mɩ̀ tɩ ɩ n a lɛ a ten al ʋ na tɩ zɛb de a Efarayim tan vuo pʋɔ a pʋɔ. Ʋ tɩ lɛb'a maalɩ a Sore bàwr-maal-kuur na be a Ŋmɩn-yir-kpɛ̃ɛ càará dɩ̃dɔrɩ́ a ƴãw.

2 Bibie za yel-manɩ 33:8

A Ɩsɩrayɛl nɩbɛ wa tuur a ɩ̃ nɛ-ƴãwnɩ nɩ a wulu al za ɩ̃ na ƴãw a ɩ̃ tõ-tõ-bie Moyiir kʋ̀ bɛ a, ɩ̃ kʋ̃ lɛb ɩ bɛ zãá nɩ a tẽw ɩ̃ na kʋ̀ a bɛ sãàkʋm-kore a ɩ.»

2 Bibie za yel-manɩ 34:33

A Zozɩasɩ tɩ ɩ na a ɩ-ɩrɩ al za na bɛ maal'ɩ wob na tɩ ɩrɛ a Ɩsɩrayɛl tẽw a, a baarɩ, ʋʋ fɛr a nɩbɛ za ƴãw bɛ puore a Sore bɛ Naaŋmɩn. A ʋ nyɔ-vʋʋrʋ daar za a, a bɛ kãw za bɛ tɩ lɛb ŋmɛlɩ kpaar cɔw a Sore, a bɛ sãà mɩnɛ Naaŋmɩn ɛ.

Ɩzayi 31:6

Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie.

Zeremi 15:19

Nyɛ̃ a lɛ a Sore na ƴɛ̀rɛ a ɩ̃ zie a: «Fʋ̃ʋ wa lɛb wa a ɩ̃ zie a, ɩ̃ na lɛb'a de fʋ a ɩ̃ tome ƴãw. Fʋ̃ʋ wa gù kɛ́ fʋ mɩ́ ƴɛ̀r ƴɛ̀r-sɩza ɛ́ bɛr a ƴɛ̀r-fowle a, fʋ na lɛb'a ɩ a sob nɛ na ƴɛ̀rɛ a ɩ̃ yúor ƴãw a. A Zuda nɩbɛ nɛbɛ sɛw kɛ́ bɛ lɛb wa a fʋ zie, fʋ̃ʋ bɛ n'ʋ sɛw kɛ́ fʋ lɛb wa a bɛ zie ɩ.

Zeremi 15:4

À ŋá n'a a tẽ-daa naalʋ-ten za na mɩ́ tɛr dɛ̃bɩ̃-kpɛ̃ɛ alɛ wa nyɛ̃ bɛ a. A faa a Ezekɩasɩ bidɛb, Manase, na ɩ Zuda tẽw nãà a na tɩ maalɩ a Zerizalɛm a, alɛ n'a wa n à á ŋá.»

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 24:9

À ŋá n'a a tẽ-daa naalʋ-ten za na mɩ́ nyɛ̃ bɛ a bɛ pʋ̀lá vʋ̃ɔ. A ziir al za ɩ̃ na na diw bɛ yaarɩ a, bɛlɛ wa bɔbr kɛ́ bɛ ƴãw nɩr vĩ, ɩ nɩr la, tʋ nɩr bɩɩ ŋmɛ ƴãw nɩr a, bɛlɛ nɛbɛ bɛ na mɩ́ de man nɩ.

Zeremi 25:5

Ʋ yel nyɩ na: “A nyɩ kãw za, ʋ lɩɛbɩ a ʋ ɩb na bɛ vɩɛl a, ʋ bɛr a ʋ ɩ-faar! Lɛ n'a nyɩ na kpɩɛr a tẽw ŋa a Sore na kʋ̀ nyɩ, a nyɩɩm nɩ a nyɩ sãàkʋm-kore a koro kãw za nɩ kʋralɛ a.

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Zeremi 3:12

Cen tɩ cɩɩrɛ a ƴɛ̀r-bie á ŋá bɛrɛ a saa-pɛrɩ́-gʋba-lowr: “Lɛb wa, fʋ̃ʋ Ɩsɩrayɛl a tɩɛrʋ na lɩɛbɛ a! Ɩ̃ kʋ̃ cãà sãw niwn ƴãw fʋ ɛ. Sɩza, ɩ̃ ɩ n bá na-bɛ-lɛbr-pùor a, ɩ̃ bɛ tɛrɛ nɩ fʋ suur kʋralɛ ɩ, mãa n'ʋ yel, a mãa, a Sore.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 35:15

Ɩ̃ ƴãw nɩ nũu tõ a ɩ̃ tõ-tõ-biir na ɩ a naaŋmɩn-ƴɛ̀r-manbɛ a, a nyɩ zie, kɛ́ bɛ wa yel nyɩ: “A nyɩ kãw za, ʋ bɛr a ʋ ɩb na bɛ vɩɛl a. Nyɩ ɩrɛ ɩb na sɛw taa nɩ a, nyɩ ta tuur ŋmɩn-yoru maalɛ a ɩ. A lɛ pʋɔ a, nyɩ na kpɩɛr'ɩ a tẽw ɩ̃ na kʋ̀ nyɩ, a nyɩɩm nɩ a nyɩ sãàkʋm-kore a.” Ɛcɛ nyɩ bɛ cɛlɩ be ɩ, nyɩ bɛ bɛr wõ m ɛ.

Zeremi 36:3

Kapaw a Zuda tẽw nɩbɛ nãà wa bãwnɩ a na ɩ̃ na bɔbr k'ɩ̃ɩ ɩ a faa páw bɛ a, ɛ́ ŋa za na bɛr'ɩ a ʋ ɩb na bɛ vɩɛl a. A lɛ pʋɔ a, ɩ̃ na dɩ n a bɛ sãwna nɩ a bɛ yel-bebe suur kʋ̀ bɛ.»

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Zeremi 7:3

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩ ɩ a nyɩ cenu nɩ a nyɩ ɩ-ɩrɩ a vɩɛl. Lɛ n'a ɩ̃ na tʋ̃ɔ́ bɛr nyɩ nyɩ kpɩɛr a tẽw ŋa.

Zeremi 7:5

Nyɩ nɩ̃ɛ ɩ a nyɩ cenu nɩ a nyɩ ɩ-ɩrɩ a vɩɛl dɔwlɩ. A nyɩ cara pʋɔ a, nyɩ mɩ́ ɩrɛ a lɛ-na-tu-sɔr-a.

Zeremi 7:7

Lɛ n'a ɩ̃ na bɛr nyɩ nyɩ kpɩɛr a zie ŋa pʋɔ, a tẽw ŋa ɩ̃ na tɩ kʋ̀ a nyɩ sãàkʋm-kore a koro kãw za nɩ kʋralɛ a.

Ezekɩɛl 11:18

Nyɩmɛ wa lɛb wa a ʋ pʋɔ a, nyɩ na ír'ɩ a puoru ɩ-ɩrɩ al na bɛ maal'ɩ wob a bɛlɩ dem na tɩ kpɩɛr a ʋ pʋɔ a na tɛr a ŋmɩn-bɛlɛbɛlɛ ƴãw a bɛr.

Ezekɩɛl 18:13

Ʋ mɩ́ pɛ̃w nɩ a ʋ libie bɔbr'ɩ dɔwlɛ ɛ́ mɩ́ páw tɔnɛ. A bidɛb ŋa tɔ na vʋʋrɛ na bɩɩ? Towtow! Ʋ na ɩ a ɩb á ŋá za na bɛ maal'ɩ wob a, ʋ na kpi na, ɛ́ ʋl mɩŋa n'ʋ na so a ʋ kũu.

Ezekɩɛl 43:9

Ƴɛrɛŋa a, a Ɩsɩrayɛl nɩbɛ na bɛr'ɩ a bɛ bà-ɩb. Bɛ na ɩ na a bɛ na-mɩnɛ na kpi a ƴã-gamɛ a zãá nɩ mɛ̃, ɩ̃ɩ na kpɩɛr'ɩ a bɛ sɔgɔ kʋralɛ.

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 2:2

A Zuda bibiir nɩ a Ɩsɩrayɛl bibiir na lɛb'a ɓã taa ɩ been, bɛ na kaa na ír nɩ-kpɛ̃ɛ been, ɛ́ bɛ na so nɩ a tẽw. Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.

A naaŋmɩn-ƴèr-manɛ Oze sɛbɛ 7:16

Bʋ̃-zawlɛ zie n'a bɛ lɛbr cere, bɛ ŋmɛ̃ na mɛ̃ tã-kaba a. Zɛbr-sɔ-kpɛ̃ɛ n'ʋ na kʋ a bɛ niw-dierbɛ a bɛ nyɔka-ƴɛ̀rʋ ƴãw, lɛ n'a a nɩbɛ na la bɛ wõ nʋ̃ɔ̀ a Eziptɩ tẽw!»

Zowɛl 2:12

A Sore yere na: «Vuo cãà nɩ be a ɩ̃ zie lɛb-waa ƴãw a ƴɛrɛŋa. Nyɩ lɛb wa a ɩ̃ zie nɩ a nyɩ pʋɔ za: nyɩ tɛr mʋta-tuo, nyɩ kone cire mʋta-kʋ̃ɔ, nyɩ tuo nuru zũú kone nɩ.

Zakari 1:4

Nyɩ ta cɔwrɛ a nyɩ sãàkʋm-kore ɩ. A koro za naaŋmɩn-ƴɛ̀r-manbɛ tɩ kpaalɩ bɛ nɩ a ɩ̃ yúor ƴãw, kɛ́ bɛ bɛr a bɛ cen-faar nɩ a bɛ ɩ-faar, ɛcɛ bɛ bɛ tɩ bɛr wõ ɩ, bɛ bɛ tɩ sàw a ɩ̃ nʋɔr ɛ.

Wulu-ayi-sob 27:15

«Ŋmɛ-ƴãw, a páw sob nɛ na pɛnɩ tɩɩb bɩɩ nyɩl kure maal'ɩ dasule kãw tɛr sɔwlɛ maalɛ a. A Sore bɛ nɔnɛ a bom ŋa tɔ a nɩsaalbɛ nuru na maalɩ a ɩ.» Ɛ́ a nɩbɛ za na sɔw na: «Amɛn!»

Wulu-ayi-sob 4:30

À á ŋá za ɩ̃ na yere kʋ̀rɛ nyɩ wa ta nyɩ a pùorí kɛ̀ nyɩ be kpɩɛrʋ pʋɔ a, nyɩ na lɛb'a wa a Sore nyɩ Naaŋmɩn zie, ɛ́ nyɩ na wone nɩ a ʋ ƴɛ̀rʋ.

Zozue 24:14

A Zozue tɩ yel'a ƴãw pʋɔ: «A na ɩ à ŋá a, nyɩ zɔrɛ a Sore, ɛ́ maalɛ ʋ nɩ nyɩ pʋɔ za, taa lɛbr pùor ɛ. Nyɩ lɔb a ŋmɩmɛ a nyɩ sãàkʋm-kore na tɩ maalɛ a Efaratɩ gãwn nɩ a Eziptɩ tẽw a bɛr, ɛ́ maalɛ a Sore.

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.

1 Samɩɛl 7:3

Lɛ n'a a Samɩɛl tɩ yel a Ɩsɩrayɛl nɩbɛ za: «Alɛ wa ɩ a nyɩ pʋɔ za n'ʋ nyɩ lɛb waar'ɩ a Sore zie a, nyɩɩm bɛr a ŋmɩn-yoru puoru nɩ a Asɩtarte mɩnɛ puoru. Nyɩ lɩɛbɩ a nyɩ socir za tu n a Sore, nyɩ puore a ʋl yõ, ʋʋ na faa nyɩ nɩ a Filisɩtɛ̃ mɩnɛ nuru pʋɔ.»