Zeremi 39:9 - A SƐB-SÕW

⁹ Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Zeremi 39:9 ပူးပေါင်းရင်းမြစ်များ

Yele-za-pɛr-tib 37:36

A Madian tẽw dem tɩ kʋ̀ɔr'ɩ a Zuzɛb kʋ̀ Potifaar, a Eziptɩ tẽw. A Potifaar tɩ ɩ n a Faarawɔ̃ dɛ-vár nɩ a sojarɩ na gùre ʋ a nɩ-kpɛ̃ɛ.

2 Na-mɩnɛ 20:18

Bɛ na tɛr'ɩ a fʋ bʋ̃-dɔwrɩ bɛ mɩnɛ cen nɩ a be, bɛ tɩ ɩ dɛ-vaɩ a Babɩlɔn tẽw nãà yir pʋɔ.”»

2 Na-mɩnɛ 25:11

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a, cen nɩ a Babɩlɔn: a bɛl na de bɛ tʋɔra kʋ̀ a Babɩlɔn tẽw nãà a, nɩ a nɩbɛ na cɛ a.

2 Na-mɩnɛ 25:20

A Nebuzaradan tɩ tɛr bɛ na cen nɩ a Babɩlɔn tẽw nãà zie, a Irivɩla.

Ɩzayi 5:13

Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

Zeremi 10:18

Bʋ̃ʋ n'ʋ vɛ̃, à ŋá n'a a Sore yere: «Ƴɛrɛŋa ʋl a, ɩ̃ na vãw nɩ a tẽw nɩbɛ bɛr mɛ̃ kpala kʋsɩɛr a. Ɩ̃ɩ na cɛlɛ nɩ be vla vla, ɩ bɛ ta a bɛ tab zie.»

Zeremi 16:13

Ɩ̃ na diw nyɩ nɩ a tẽw ŋa pʋɔ cen nɩ tẽ-yoru a nyɩɩm nɩ a nyɩ sãàkʋm-kore na bɛ bãw a pʋɔ. A be a, mʋ̃tɔ̃w nɩ tɩ̃ɩsɔw a, nyɩ na maalɛ nɩ ŋmɩn-yoru. Bʋ̃ʋ n'ʋ vɛ̃, ɩ̃ kʋ̃ cãà wul nyɩ a ɩ̃ pʋ-pɩɛlʋ ɛ.”»

Zeremi 24:8

«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a.

Zeremi 38:19

A nãà Sedesɩasɩ tɩ sɔw nɩ a Zeremi: «Ɩ̃ zɔrɛ nɩ a Zuda tẽw nɩbɛ bɛl na de bɛ tʋɔra kʋ̀ a Babɩlɔn tẽw dem a dɛ̃bɩ̃ɛ. Bɛ nãà wa de m'a ƴãw a bɛ nuru pʋɔ, bɛ ɩ m la.»

Zeremi 40:1

A soja-zi-gùrbɛ nɩ-kpɛ̃ɛ, Nebuzaradan, na tɩ bɛr a Zeremi ʋ yi a Arama tẽw cen a pùorí n'a a Sore tɩ ƴɛ̀r a Zeremi zie. A Zeremi bɛ na tɩ 'lẽ nɩ bãzɔlɛ a, tɩ be n a Zerizalɛm nɩ a Zuda nɩbɛ bɛl bɛ na na diw cen nɩ a Babɩlɔn a pʋɔ. A lɛn daar'a a soja-zi-gùrbɛ nɩ-kpɛ̃ɛ tɩ ír ʋ a nɩbɛ bɛl pʋɔ.

Zeremi 40:7

A zɛbr-nɩbɛ nɩ-bɛrɛ nɩ a bɛ zɛbr-nɩbɛ na tɩ be a kura pʋɔ a, tɩ wõ na k'aa Babɩlɔn tẽw nãà, tɩ ƴãw na Ahikam bidɛb, Gedalɩasɩ, ɩ a tẽw na-kpɛ̃ɛ-lɩɛrɛ. Ʋ de nɩ a nan dem, dɛbr, pɔwbɛ nɩ bibiir kʋ̀ ʋ, a bɛl bɛ na bɛ tɩ diw cen nɩ a Babɩlɔn a.

Zeremi 52:26

A Nebuzaradan tɩ tɛr bɛ na cen nɩ a Babɩlɔn tẽw nãà zie, a Irivɩla.

Zeremi 52:27

A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Wulu-ayi-sob 4:27

A Sore na diw nyɩ na yaarɩ a nɩ-bʋʋr-yoru pʋɔ. Nɩbɛ blãlɛ tɛwr'a na cɛ a nyɩ pʋɔ, a ten al pʋɔ ʋ na na diw nyɩ cen nɩ a gbãgbaalʋ pʋɔ a.