Zeremi 39:8 - A SƐB-SÕW

⁸ A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 39:8 ပူးပေါင်းရင်းမြစ်များ

2 Na-mɩnɛ 25:8

A Babɩlɔn tẽw nãà, Nabikodonozɔɔr, naalʋ-dɩb yome lɩzɛwaɩ sob, a cuwr anũu sob bibie ayopõi sob, Nebuzaradan tɩ kpɛ n a Zerizalɛm tẽw pʋɔ. A Babɩlɔn tẽw nãà gùrbɛ, nɩ a ʋ sojarɩ nɩ-kpɛ̃ɛ kãw tɩ n'ʋ.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Neemi 1:3

Bɛ tɩ sɔw mɛ̃ na: «A nɩbɛ bɛ na tɩ dãw diw cen nɩ a, bɛ kpɩɛr'ɩ a Zuda tẽ-ŋmãa-kʋ̀ra pʋɔ, ɛcɛ bɛ ɩrɛ nɩ wʋ̀ʋr yaga ɛ́ nyɛrɛ vĩ. Ɛ́ a Zerizalɛm a, a ʋ dacine puor puor'ɩ vɛɛ, ɛ́ bɛ nyɩw a pamɛ bɛr.»

Sɛb-sõw yielu 79:7

Bʋ̃ʋ n'ʋ vɛ̃, bɛ 'wɔb'ɩ a Zakɔb bʋʋrɛ, bɛ sãw nɩ a bɛ tẽw bɛr.

Ɩzayi 5:9

A Sore, a kpɛnʋ-za-sob pɔb ŋa lo n a ɩ̃ tobe pʋɔ: «Yir-yaga, yir-bɛrɛ nɩ yir-vɩɛlɩ na lo na, nɩr kʋ̃ cãà kpɩɛr a ɩ.

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 32:29

A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 37:10

Alɛ saa na ɩ mɛ̃ nyɩ zɛb'a tʋ̃ɔ́ a Babɩlɔn tẽw zɛbr-nɩbɛ za na zɛbr'ɩ nyɩ a, ɛ́ tɩ cɛ nɩbɛ blã nyɩ na baw nɩ a nyɩ pime a, bɛ na ìr'a àr a bɛ pɛnɛ-sɛwr pʋɔ, ɛ́ bɛ na wa n bɛ za wa nyɩw a tẽ-kpɛ̃ɛ ŋa bɛr.”»

Zeremi 38:18

Ɛcɛ, fʋ̃ʋ bɛ wa yi tu a Babɩlɔn tẽw nãà zɛbr-nɩbɛ nɩ-bɛrɛ a, a Zerizalɛm tẽw na lo n a bɛ nuru pʋɔ, bɛ nyɩw ʋ bɛr. Ɛ́ a fʋ̃ʋ a, fʋ bɛ cɩ̃ɛnɛ a bɛ zie ɩ.”»

Zeremi 5:10

Nyɩ do a ʋ divɛ̃ tɩɩr púo pʋɔ tɩ sãw ʋ bɛr. Ɛcɛ nyɩ taa sãwnɛ ʋ bɛrɛ pelẽpelẽ ɩ! Nyɩ ár a ʋ wuli bɛr, mãa bɛ so a ɩ.

Zeremi 7:20

Al zũú, nyɛ̃ a lɛ a Sore Naaŋmɩn na yere a: «A ɩ̃ su-tʋlʋ kpãkpã na ìr'ɩ a tẽ-kpɛ̃ɛ ŋa ƴãw, a nɩsaalbɛ, a dʋn, a póru pʋɔ tɩɩr nɩ a bome a tẽsɔw na mɩ́ tɩr a ƴãw. Ʋ na ɩ na mɛ̃ vũu na dɩrɛ bɛ tɛr kpiiru daar a.»

A Lãw-mʋɔlɛ 1:10

A dɔ̃ dem de nɩ a Zerizalɛm na-bome za. Mɔ̃ mɩ̀, a tẽ-kpɛ̃ɛ ŋa nyɛ̃ nɩ a nɩ-bʋʋr-yoru bɛ kpɛ a ʋ zi-sõw pʋɔ. Ɛcɛ Sore e, fʋ tɩ piw bɛ nɩ sɔ́r, kɛ́ bɛ ta kpɛ a fʋ lãw nɩbɛ pʋɔ ɩ.

A Lãw-mʋɔlɛ 2:2

A Sore ɩ na a ʋ nɩ-bʋʋrɛ Ɩsɩrayɛl zi-sóri za bɔr, ʋ bɛ zɔ nɩbaalʋ ɛ. A ʋ su-yãyaar pʋɔ a, ʋ sãw nɩ a Zuda tẽw tẽ-kpɛn za bɛr. Ʋ ɩ na a naalʋ-tẽw nɩ a nɩ-bɛrɛ lo, ʋʋ ƴãw bɛ vĩ.

A Lãw-mʋɔlɛ 2:7

A Sore zawr'ɩ a ʋ bàwr-maal-kuur bɛr, ʋ jɛ n a ʋ zi-sõw bɛr. Ʋ bɛr'ɩ a Sɩyɔ̃ yir-vɩɛlɩ a lo a dɔ̃ dem nuru pʋɔ. Gɔmɛ tɩ pàw nɩ a Sore yir mɛ̃ cuw bibir a.

Ezekɩɛl 16:41

bɛ na nyɩw nɩ a fʋ yie. Bɛ na ɩ n a ƴɛ̀rʋ bɛ na dɩ n fʋ ƴãw fʋ a dɔwrʋ a ʋ tu pɔw-yaga yaga mimirí. Ɩ̃ na ɩ n a fʋ pɔw-yɛm tome nʋɔr kʋ, ɛ́ fʋ kʋ̃ lɛb tʋ̃ɔ́ mɩ́ ya a fʋ sɛnbɛ ɩ.

Ezekɩɛl 23:47

Nyɩ lɔb'ɩ bɛ kʋsɛbɛ, nyɩ cɔr'ɩ bɛ zɛbr-sɔ-kpɛ̃ɛ kʋ! Nyɩ kʋ a bɛ bidɛbr nɩ a bɛ pɔwyaar ɛ́ nyɩw a bɛ yie bɛr!

Ezekɩɛl 33:21

A diw-cenu pùorí yome pie nɩ ayi sob, a cuwr pie sob bibie anũu sob daar, nɩr kãw na tɩ cãà vʋʋrɛ a Zerizalɛm zɛb-deb pùorí a tɩ wa na wa yel mɛ̃: «A tẽ-kpɛ̃ɛ lo na!»

Amɔsɩ 2:5

ɩ̃ na nyɩw nɩ a Zuda tẽw bɛr, ɛ́ ƴãw vũu dɩ a Zerizalɛm yir-vɩɛlɩ vɩɛlɩ.»

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.