Zeremi 39:5 - A SƐB-SÕW

⁵ Ɛcɛ a Babɩlɔn tẽw zɛbr-nɩbɛ tɩ ta na tu bɛ. Bɛ tɩ páw nɩ a Sedesɩasɩ a Zeriko tɩ̃talɩ́. A sojarɩ tɩ nyɔw ʋ na, ɛ́ tɛr ʋ cen nɩ Irivɩla na be a Hamatɩ tẽw pʋɔ a, tɩ kʋ̀ a Babɩlɔn tẽw nãà Nabikodonozɔɔr, ʋ dɩ n ʋ ƴɛ̀rʋ.

Zeremi 39:5 ပူးပေါင်းရင်းမြစ်များ

2 Samɩɛl 8:9

Hamatɩ tẽw nãà, Tɔɩ, tɩ wõ na k'aa Daviir zɛb'a tʋ̃ɔ́ a Hadadezɛɛr zɛbr-nɩbɛ za.

2 Na-mɩnɛ 17:24

A Asiiri tẽw nãà tɩ ƴãw na nɩbɛ yi Babɩlɔn, Kutɩ, Awa, Hamatɩ nɩ Sefarwayim, ɛ́ wa zɩ̃ a Samaari tẽw tẽ-bɛrɛ pʋɔ, lɩɛrɩ a Ɩsɩrayɛl nɩbɛ bɛ na tɩ diw cen nɩ zi-yoru a. A nɩbɛ bɛ ŋa tɩ de nɩ a zie só ʋ, ɛ́ kpɩɛr a tẽ-bɛrɛ pʋɔ.

2 Na-mɩnɛ 23:33

A Faarawɔ̃ Neko tɩ ƴãw ʋ nɩ bamɛ cen nɩ Irivɩla, Hamatɩ tẽw, k'ʋʋ ta cãà dɩrɛ a naalʋ a Zerizalɛm ɛ. A Neko mɩ̀ tɩ ŋmãa nɩ salm-pla kilo túr-ata (3 000) nɩ salm-zɩɛ kilo lɩzɛr'ɩ pie san kʋ̀ a Zuda tẽw.

2 Na-mɩnɛ 25:6

A Babɩlɔn tẽw dem tɩ nyɔw ʋ na, tɛr ʋ cen nɩ a Babɩlɔn tẽw nãà na tɩ be Irivɩla a zie. Be n'a a Babɩlɔn tẽw dem tɩ dɩ n a Sedesɩasɩ a ƴɛ̀rʋ.

2 Bibie za yel-manɩ 33:11

Lɛ n'a a Sore tɩ ƴãw a Asiiri tẽw zɛbr-nɩbɛ nɩ-bɛrɛ wa a bɛ ƴãw. Bɛ tɩ nyɔw nɩ a Manase, cɔ̀r pĩ-nɔ-gori ƴãw ʋ a kokamɛ ƴãw, 'lẽ ʋ nɩ kur-zɩɛ bamɛ, ɛ́ tɛr ʋ cen nɩ a Babɩlɔn.

Ɩzayi 22:3

A fʋ zɛbr-nɩbɛ nɩ-bɛrɛ lãw na zɔ bɛ za, a tam-tɛbrbɛ nyɔw bɛ na bɛ ɩ gaso nɩbɛ. A bɛlɩ dem za a dɔ̃ dem na tɩ páw a, a bɛlɩ dem na saa tɩ zɔ zãá a, bɛ nyɔw bɛ na bɛ ɩ gbãgbaar.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 24:8

«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a.

Zeremi 38:18

Ɛcɛ, fʋ̃ʋ bɛ wa yi tu a Babɩlɔn tẽw nãà zɛbr-nɩbɛ nɩ-bɛrɛ a, a Zerizalɛm tẽw na lo n a bɛ nuru pʋɔ, bɛ nyɩw ʋ bɛr. Ɛ́ a fʋ̃ʋ a, fʋ bɛ cɩ̃ɛnɛ a bɛ zie ɩ.”»

Zeremi 38:23

Bɛ na tɛr'ɩ a fʋ pɔwbɛ nɩ a fʋ bibiir cen nɩ a Babɩlɔn tẽw dem zie. Ɛ́ a fʋ̃ʋ tɔr za kʋ̃ cɩ̃ɛ a bɛ nuru pʋɔ ɩ. A Babɩlɔn tẽw nãà na ɩ na fʋ ɩ gaso nɩr, ʋʋ nyɩw a Zerizalɛm bɛr.»

Zeremi 4:12

Sɛsɛb na tɛr fãw a n'ʋ ɩ̃ ƴãw k'ʋ yi a be waar. Ƴɛrɛŋa a, ɩ̃ na ɩ na bɛ bãw a lɛ ɩ̃ na dɩ n bɛ a ƴɛ̀rʋ a.»

Zeremi 44:30

Ɩ̃ na de nɩ a Eziptɩ tẽw nãà, a Faarawɔ̃ Hofɩra, ƴãw a ʋ dɔ̃ dem na bɔbr a ʋ kʋb a nuru pʋɔ, mɛ̃ a lɛ ɩ̃ na tɩ de a Zuda tẽw nãà, Sedesɩasɩ, ƴãw a ʋ dɔ̃ sob, a Babɩlɔn tẽw nãà, Nabikodonozɔɔr, na tɩ bɔbr a ʋ kʋb a, nuru pʋɔ a. A mãa, a Sore, mãa n'ʋ yel.»

Zeremi 49:23

Ƴɛ̀rʋ na ƴɛ̀r càar'ɩ a Damasɩ tẽw a. «Vĩ nyɔw nɩ a Hamatɩ nɩ a Arpadɩ ten, bʋ̃ʋ n'ʋ vɛ̃, a wõ n yel na bɛ vɩɛl a. A yel ŋa damnɛ a na mɛ̃ a kʋ̃ɔ-kpɛ̃ɛ na damnɛ ɛ́ kʋ̃ tʋ̃ɔ́ gã zoom a.

A Lãw-mʋɔlɛ 1:3

Vĩ nɩ gbãgba-tuo pʋɔ n'a bɛ diwr a Zuda tẽw nɩbɛ za cere nɩ. Bɛ kpɩɛr'ɩ nɩ-bʋʋr-yoru sɔgɔ, ɛ́ bɛ nyɛrɛ zie na zɩ̃ ɛ. A bɛlɩ dem za na tɩ diwr bɛ a páw bɛ nɩ zie vo-yira na bɛ ka be a.

A Lãw-mʋɔlɛ 4:20

A sob nɛ na tɩ so kɛ̀ tɩ vʋʋrɛ a, a nɩr nɛ a Sore na tɩ ƴãw bɛ cir a kãá ƴãw a zũú a lo n a bɛ bɛrɩ pʋɔ. A ʋl ƴɛ̀rʋ n'a tɩ mɩ́ tɩ ƴɛ̀r à ŋá: «A ʋ gub zũú a, tɩ na vʋʋrɛ nɩ a nɩ-bʋʋr-yoru sɔgɔ.»

Ezekɩɛl 23:24

Bɛ na yi n saa-pɛrɩ́-gʋba-lowr wa nɩ torkori, nɩ bʋ̃-zɔrɩ pɛ-bʋʋrɛ za, nɩ zɛbr-nɩ-yaga. Zɛbr-kur-pãgalɩ nɩ zɛbr-kpawʋʋr na piw bɛ na tɛr. Bɛ na jil'a koli fʋ a lõbowe za. Ɩ̃ na man bɛ nɩ a fʋ yele, ɛ́ bɛ na dɩ n fʋ nɩ ƴɛ̀rʋ tu n a bɛ nɛ́ɛ.

Habakukɩ 1:7

Bɛ ɩrɛ nɩ dɛ̃bɩ̃ɛ, ɛ́ bɛ tɛr dɩ̃ɛnʋ ɛ, bɛlɛ nɛbɛ mɩ́ ŋmɛ nyãa yel a lɛ-na-tu-sɔr-a, nɩ a bɛ na tɛr fãw zuo nɩbɛ za a.

Sɔr-nɛ́ɛ 13:21

Lɛ n'a a nɩbɛ bɛ ŋa tɩ yi a Sin wɛja-kpalɛ pʋɔ ɛ́ cɔlɩ jɩ́r a Kanãa tẽw tɩ ta n Erehovʋ na pɩɛlɩ Lebo-Hamatɩ a.

Zozue 13:5

a Gebal vuo mɩ̀ nɩ a saa-pɛrɩ́ Libã na tĩ a Baal-Gadɩ na be a Hɛrmɔ̃ tãw sɩ̃ɛ́ a, ɛ́ tɩ tɔ a Lebo-Hamatɩ a,

Zozue 4:13

Dɛbr tùr-lɩz'a ayi (40 000) na cɔbrɩ gù a zɛbr a nɛbɛ tɩ gãw a Zurdɛ̃ a Sore niŋé, tu a Zeriko zi-tɩ̃tal lowr.

Zozue 5:10

A Ɩsɩrayɛl nɩbɛ tɩ kpɩɛr'ɩ a bɛ laɩ pʋɔ a Gilgal, ɛ́ maalɩ a Tɔl-gãw cuw, a cuw bibie pie nɩ anaar sob, a zaanʋɔra, a Zeriko zi-tɩ̃tal pʋɔ.

Ƴɛ̀r-dɩrbɛ 3:3

A bɛl a Sore na tɩ bɛr a tẽw pʋɔ a n'ɩ bɛ ŋa: a na-mɩnɛ anũu bɛl na tɩ so a Filisɩtɛ̃ mɩnɛ a, a Kanãa tẽw dem za, a Sɩdɔ̃ tẽw dem, nɩ a Hivitɩ mɩnɛ na kpɩɛr a Libã tan pʋɔ a, a na tĩ a Báàl-Hɛrmɔ̃ tãw ɛ́ tɩ tɔ a Lebo-Hamatɩ a.