Zeremi 39:18 - A SƐB-SÕW

¹⁸ Ɩ̃ na faa fʋ na, bʋnʋ bɛ ka be ɩ, fʋ bɛ kpiir a zɛbr-sɔ-kpɛ̃ɛ kũu ɛ, fʋ na cãà na vʋʋrɛ. Fʋ na nyɛ̃ na fʋ na tɛr zu-nʋ̃ɔ̀, fʋ na ƴãw a fʋ tɩɛrʋ a ɩ̃ ƴãw a. À à ŋá n'a a Sore yel.”»

Zeremi 39:18 ပူးပေါင်းရင်းမြစ်များ

1 Bibie za yel-manɩ 5:20

A zɛbr daar, bɛ tɩ puor'a zɛlɩ a Naaŋmɩn k'ʋʋ sõw bɛ. Bɛ na tɩ ƴãw a bɛ tɩɛrʋ za a Naaŋmɩn ƴãw a, ʋ tɩ sàw na de a bɛ puoru ɛ́ sõw bɛ. Lɛ n'a bɛ tɩ zɛb tʋ̃ɔ́ a Hagiritɩ mɩnɛ nɩ a bɛ nɩbɛ.

A Zɔb sɛbɛ 5:20

A kɔ̃ daar a, ʋ kʋ̃ sàw fʋ kpi ɛ, ɛ́ a zɛbr pʋɔ, ʋ na faa nɩ a fʋ nyɔ-vʋʋrʋ.

Sɛb-sõw yielu 147:11

a Sore pʋɔ mɩ́ pɛlɩ nɩ a bɛlɩ dem na zɔrɛ ʋ a ƴãw, a bɛlɩ dem na mɩ́ tɩɛrɛ a ʋ nɔ̃wfʋ a.

Sɛb-sõw yielu 2:12

Nyɩ ƴãwnɛ ʋ, alɛ bɛ ɩ lɛ, ʋ nãà mab'a nyɛ̃ suur nyɩ kpi a sɔ́r zu, bʋ̃-bile blã, ɛ́ a ʋ suur mɩ́ 'lere na mɛ̃ vũu a. Zu-nʋ̃ɔ̀ dem'ɩ a bɛlɩ dem za na zɔrɛ kpɩɛr a ʋ naayir a!

Sɛb-sõw yielu 33:18

Ɛcɛ a Sore jɩ́rɛ nɩ a bɛlɩ dem na zɔrɛ ʋ a, a bɛlɩ dem na ƴãw a bɛ tɩɛrʋ a ʋ nɔ̃wfʋ ƴãw a,

Sɛb-sõw yielu 34:22

A faalʋ n'a na kʋ a nɩ-faa, a nɩ-mɩŋa dɔ̃ dem na nyɛ̃ nɩ dɔwrʋ.

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Sɛb-sõw yielu 84:12

Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

Sɛb-sõw yielu 91:7

Nɩbɛ túr saa lo a fʋ lõbowrí, ɛ́ tùr-pie lo a fʋ dʋrʋ lowr a, bom za bɛ ɩrɛ fʋ ɛ.

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Zeremi 21:9

Nɩr za wa cãà be a tẽ-kpɛ̃ɛ ŋa pʋɔ a, ʋ na kpi n a zɛbr, a kɔ̃ bɩɩ a jɛ̀lmɛ̃ bàalʋ kũu. Ɛcɛ sob nɛ wa yi de ʋ tʋɔra kʋ̀ a Babɩlɔn tẽw dem na piw nyɩ a, ʋ na vʋʋrɛ na, ʋʋ na nyɛ̃ na k'ʋʋ tɛr'ɩ zu-nʋ̃ɔ̀, ʋ na páw a ʋ nyɔ-vʋʋrʋ a.

Zeremi 38:2

«À ŋá n'a a Sore yere: “Sob nɛ na na cãà be a tẽ-kpɛ̃ɛ ŋa pʋɔ a na kpi n zɛbr, kɔ̃, nɩ jɛ̀lmɛ̃ bàalʋ kũu. Ɛcɛ sob nɛ na na yi cen tɩ páw a Babɩlɔn tẽw dem a, ʋ na vʋʋrɛ na, ʋ na nyɛ̃ na ʋ tɛr zu-nʋ̃ɔ̀ ʋ na bɛ kpi a. Yel-mɩŋa za, ʋ na cãà na vʋʋrɛ.”»

Ʋrɔm 2:12

Bɛlɩ dem za na bɛ tɩ bãw a Moyiir wulu ɛ́ maalɩ yel-bier a, bɛ na kpi n a Wulu bɛ-bãwfʋ kũu. Ɛcɛ bɛlɩ dem za na tɩ bãw a Wulu ɛ́ maalɩ yel-bier a, a Wulu ŋa n'ʋ bɛ na maal'ɩ bɛ a ƴɛ̀rʋ.

Efɛɛzɩ 1:12

A na ɩ à ŋá a, nyɩ ɩ tɩ danɛ a Naaŋmɩn yúor-vɩɛlʋ-danʋ, tɩɩm na ɩ a de niwn dem na ƴãw a tɩ tɩɛrʋ a Kɩrɩta ƴãw a.

1 Pɩɛr 1:21

A ʋl ƴãw n'a nyɩ sàw de a Naaŋmɩn na ɩ k'ʋ lɛb yi a kũuni pʋɔ ɛ́ kʋ̀ ʋ a yúor-vɩɛlʋ-danʋ a. À ŋá n'a nyɩ sàw de a Naaŋmɩn ɛ́ ƴãw a nyɩ tɩɛrʋ za a ʋ ƴãw.