Zeremi 39:16 - A SƐB-SÕW

¹⁶ «Cen tɩ yel a Etiopi tẽw nɩr, Evɛdɩ-Mɛlɛkɩ à ŋá: “À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Vla ƴɛ̀rʋ bɛ n'a ɩ̃ tɩ yel kʋ̀ a tẽ-kpɛ̃ɛ ŋa nɩbɛ ɩ, faa ƴɛ̀rʋ n'a. A na ɩ à ŋá a, ɩ̃ na ɩ n a lɛ ɩ̃ na yel a, ɛ́ fʋ kʋ̃ yaa kɛ́ nyɛ̃ ʋ ɛ.

Zeremi 39:16 ပူးပေါင်းရင်းမြစ်များ

2 Bibie za yel-manɩ 36:21

À ŋá n'a a ƴɛ̀rʋ a Sore na tɩ ƴãw a ʋ ƴɛ̀r-manɛ Zeremi ƴɛ̀r a tɩ tu: «Bɛ na zawr'ɩ a tẽw bɛr tɩ maalɩ yome lɩz'a ata nɩ pie, ɛ́ gù a ʋ pɩ̃ɛnʋ daar tɩ baarɩ. A yome á ŋá na lɩɛr'ɩ a pɩ̃ɛnʋ voru al za bɛ na bɛ tu a.»

Sɛb-sõw yielu 92:11

Fʋ kʋ̀ m'ɩ wɛ-náab fãw, fʋ cir'ɩ kãa-nyũu ƴãw mɛ̃.

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Zeremi 26:18

«A Zuda tẽw nãà Ezekɩasɩ daar a, naaŋmɩn-ƴɛ̀r-manɛ kãw tɩ be n be dɩ kɛ́ Mise ɛ́ yi Moresɛtɩ. Ʋ tɩ yel'a kʋ̀ a Zuda tẽw nɩbɛ: À ŋá n'a a Sore, a kpɛnʋ-za-sob, yere: “A Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw lɩɛbɩ kár.”

Zeremi 26:20

A ʋlɩ daar nɛ a, naaŋmɩn-ƴɛ̀r-manɛ kãw mɩ̀ tɩ be n be ƴɛ̀rɛ a Sore yúor ƴãw: Semayahu bidɛb, Uuriyahu, na yi Kɩrɩyatɩ-Yeyarim a tɩ n'ʋ. Ʋ tɩ ƴɛ̀r'ɩ a Zerizalɛm tẽw nɩ a Zuda nɩbɛ ƴãw a Sore yúor ƴãw mɛ̃ a lɛ tɔr za a Zeremi na tɩ ƴɛ̀r a.

Zeremi 34:22

ɩ̃ na ƴãw nɩ nʋɔr kʋ̀ bɛ, kɛ̀ bɛ lɛb wa wa zɛb'ɩ a tẽ-kpɛ̃ɛ ŋa, zɛb de ʋ, ɛ́ nyɩw ʋ bɛr. Ɩ̃ na ɩ n a Zuda tẽ-bɛrɛ a lɩɛbɩ wɛja-kpalɛ, nɩr na bɛ kpɩɛr a», a Sore n'ʋ yel.

Zeremi 35:17

A Zeremi tɩ yel'a ƴãw pʋɔ: «A lɛ zũú a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Zuda tẽw nɩ Zerizalɛm tẽw dem i, ɩ̃ na ɩ na a kpɩɛrʋ al ɩ̃ na ƴɛ̀r càar'ɩ nyɩ a, a páw nyɩ. Bʋ̃ʋ n'ʋ vɛ̃, ɩ̃ ƴɛ̀r'ɩ a nyɩ zie, ɛ́ nyɩ bɛ bɛr wõ ɩ. Ɩ̃ bʋɔlɩ nyɩ na, ɛ́ nyɩ bɛ sàw ɛ.”»

Zeremi 36:31

Ɩ̃ na ìr'ɩ a ʋl, a ʋ bʋʋrɛ, nɩ a ʋ tõ-tõ-biir ƴãw, a bɛ sãwna zũú. Ɩ̃ na ɩ n a faa al za ƴɛ̀rʋ ɩ̃ na tɩ ƴɛ̀r a bɛ zie, ɛ́ bɛ bɛ bɛr wõ a, a wa a bɛl, a Zerizalɛm tẽw dem nɩ a Zuda tẽw dem zu.”»

Zeremi 40:3

A Sore ɩ na a kpɩɛrʋ ta, ʋ tu n a lɛ za ʋ na tɩ yel a. Bʋ̃ʋ n'ʋ vɛ̃, nyɩ sãw nɩ a Sore, nyɩ bɛ bɛr wõ a ʋ ƴɛ̀rʋ ɛ, alɛ n'a so à á ŋá za ta nyɩ.

Zeremi 44:27

Ɩ̃ na ìr'ɩ a bɛ ƴãw, a kʋ̃ ɩ a bɛ vla ƴãw ɛ, ɛcɛ a na ɩ n a bɛ faa ƴãw. A Zuda tẽw nɩbɛ bɛl za na be a Eziptɩ tẽw a, zɛbr nɩ kɔ̃ na kʋ bɛ na, tɩ kʋ pàw pɛr.

Zeremi 5:14

A na ɩ à ŋá a, à ŋá n'a a Sore, a Naaŋmɩn kpɛnʋ-za-sob, yere: «Bɛ na faa ƴɛ̀rɛ à ŋá a, Zeremi i, a ƴɛ̀rʋ ɩ̃ na ƴãwnɛ a fʋ nʋɔrɩ́ a na ɩ na mɛ̃ vũu a. A nɩbɛ bɛ ŋa na ɩ na mɛ̃ dàar a vũu na na dɩ a.»

Amɔsɩ 9:4

Bɛlɛ wa cen a bɛ dɔ̃ dem zie tɩ lɩɛbɩ nɩ-pàwrɩ a, ɩ̃ na ƴãw na bɛ kʋ bɛ a be. Ɩ̃ na ír'ɩ mimir ƴãw bɛ a bɛ faa ƴãw, a kʋ̃ ɩ a bɛ vla ƴãw ɛ.»

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»