Zeremi 38:4 - A SƐB-SÕW

⁴ A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Zeremi 38:4 ပူးပေါင်းရင်းမြစ်များ

1 Na-mɩnɛ 21:20

A Eli tɩ cen na, a Akab tɩ yel ʋ: «Ãw, fʋ bɛ lɛb nyɛ̃ m ɩ, fʋ̃ʋ ɩ̃ dɔ̃ sob i!» A Eli sɔw: «Ʋ̃ʋ, ɩ̃ lɛb'a nyɛ̃ b! Fʋ na tu a fʋ pʋ-tɩɛrʋ pùor, ɩ a ʋlɩ bom na bɛ pɛlɩ a Sore pʋɔ a ƴãw.

2 Bibie za yel-manɩ 24:21

Lɛ n'a a nɩbɛ tɩ bʋ taa a Zekarɩa ƴãw, ɛ́ a nãà ƴãw bɛ lɔb'ɩ ʋ kʋsɛbɛ a Sore yir-kpɛ̃ɛ davʋra pʋɔ.

Ɛsɩdɩrasɩ 4:12

«Tɩ yere na kʋ̀rɛ a fʋ̃ʋ, na-kpɛ̃ɛ, k'aa Zifʋ mɩnɛ bɛl na yi a fʋ zie wa ta a tɩ sɔgɔ a Zerizalɛm a, bɛ lɛb'a mɩɛr a tẽ-kpɛ̃ɛ-gaara, a tẽ-kpɛ̃ɛ-faa ŋa. A dacĩ-pɛ́ɛ na tɩ sʋ̃ɔ́ a, bɛ lɛb'a maalɛ a ƴãwn ɛ́ mɩɛr a dacine.

Neemi 6:9

Bɛ za tɩ sɩrɩ na bɔbr kɛ́ bɛ ɩ dɛ̃bɩ̃ɛ nyɔw tɩ. Bɛ tɩ tɩɛrɛ kɛ́ tɩ na bàl'a tɩɛ a tome bɛr. «Sore e, kʋ̀ m fãw a ton ŋa ƴãw!»

Eziptɩ tẽw yib 5:4

A Eziptɩ tẽw nãà tɩ yel bɛ na: «Moyiir nɩ Aarɔ̃ ɔ, bʋ̃ʋ n'ʋ so nyɩ bɔbr kɛ́ nyɩ ɩ a Ɩsɩrayɛl nɩbɛ bɛr a bɛ tome? Nyɩ lɛb cen a nyɩ tome zie.

Zeremi 11:21

A na ɩ à ŋá a, à ŋá n'a a Sore yere cáarɛ nɩ a Anatɔtɩ tẽw dem, a bɛl na bɔbr a ɩ̃ kũu ɛ́ yere: «Ta ƴɛ̀rɛ naaŋmɩn-ƴɛ̀r-manɛ ƴɛ̀rʋ a Sore yúor ƴãw ɛ, alɛ bɛ ɩ lɛ, tɩ na kʋ b a nɩ a tɩ nuru.»

Zeremi 18:23

Ɛ́ a fʋ̃ʋ, Sore e, fʋ bãw nɩ a bɛ nɩ-kʋ yele al za bɛ na cɔbrɛ a ɩ̃ ƴãw a. Ta dɩ a bɛ yel-bier suur ɛ, ta ír a bɛ sãwna bɛr ɛ. Bɛ lo a fʋ niŋé! Ɩ ɩb kãw a bɛ ƴãw a fʋ suur daar!

Zeremi 26:11

A bàwr-maalbɛ nɩ a naaŋmɩn-ƴɛ̀r-manbɛ tɩ yel'ɩ a tẽw nɩ-bɛrɛ nɩ a nɩbɛ za zie: «A nɩr ŋa sɛwnɩ nɩ kũu! Bʋ̃ʋ n'ʋ vɛ̃, ʋ ƴɛ̀r'ɩ a tẽ-kpɛ̃ɛ ŋa sãwfʋ ƴɛ̀rʋ. Nyɩ mɩŋa za wõ a na!»

Zeremi 29:7

Nyɩ tone, a tẽ-kpɛ̃ɛ ʋl a Sore na ɩ bɛ diw nyɩ cen nɩ a, yele cere vla. Nyɩ puore a Sore kʋ̀rɛ ʋ, bʋ̃ʋ n'ʋ vɛ̃, a ʋ yele wa cere vla a, a nyɩ yele mɩ̀ na cere nɩ vla.”

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Zeremi 38:25

A tõ-tõ-bi-bɛrɛ na wõ na kɛ́ mãa nɩ fʋ̃ʋ ƴɛ̀r'a sɔw taa. Bɛ na sowre fʋ nɩ a ʋlɩ bom nɛ na n'ʋ tɩ yel a. Bɛ na yel fʋ na: “Fʋ̃ʋ bɛ wa sɔwlɩ tɩ bom a, tɩ bɛ kʋrɛ fʋ ɛ.”

Zeremi 43:3

Ɛcɛ a Neriya bidɛb, Barukɩ, ʋlɛ n'ʋ dɔ̀nɛ fʋ ƴãwn a tɩ ƴãw, ʋ bɔbr'a k'ʋʋ de tɩ ƴãw a Babɩlɔn tẽw dem nuru pʋɔ, kɛ̀ bɛ kʋ tɩ, bɩɩ diw tɩ cen nɩ a Babɩlɔn tẽw.»

Ezekɩɛl 22:27

A nɩbɛ nɩ-bɛrɛ ɩ na mɛ̃ wɛ-baar na tawr a dʋ̃w a na nyɔw a ɓɛlɛ a. Bɛ kʋrɛ nɩ a nɩbɛ a bɛ tɛra zub ƴãw.

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Luka 23:2

Bɛ tɩ nyɔw nɩ a ʋ sãwna manʋ yere nɩ: «Tɩ nyɛ̃ nɩ a nɩr ŋa ʋ ƴãwnɛ damnʋ a tɩ bʋʋrɛ pʋɔ, ɛ́ diwr a nɩbɛ bɛrɛ kɛ́ bɛ ta yarɛ a zuru-yar kʋ̀rɛ a Sezaar ɛ, ɛ́ yere kɛ́ ʋlɛ n'ɩ a Kɩrɩta, a Nãà.»

Nɩ-toni 16:20

Bɛ tɩ tɛr bɛ na tɩ wul a Ʋrɔm tẽw ƴɛ̀r-dɩrbɛ ɛ́ yel: «A nɩbɛ bɛ ŋa ƴãwnɛ nɩ damnʋ a tɩ tẽw pʋɔ. Bɛ ɩ n Zifʋ bʋʋrɛ,

Nɩ-toni 17:6

Bɛ na tɩ bɔ a Pol nɩ a Sɩlasɩ gù a, bɛ nyɔw nɩ a Zazɔ̃ nɩ a yɛbr bɛ mɩnɛ cen nɩ a tẽw ƴɛ̀r-dɩrbɛ zie, tɩ ŋmɩɛr cɛlsɩ yere nɩ: «A nɩbɛ bɛ ŋa na dam a tẽ-daa za a, ƴɛrɛŋa a, bɛ be n a ka.

Nɩ-toni 24:5

Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu.

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»