Zeremi 38:23 - A SƐB-SÕW

²³ Bɛ na tɛr'ɩ a fʋ pɔwbɛ nɩ a fʋ bibiir cen nɩ a Babɩlɔn tẽw dem zie. Ɛ́ a fʋ̃ʋ tɔr za kʋ̃ cɩ̃ɛ a bɛ nuru pʋɔ ɩ. A Babɩlɔn tẽw nãà na ɩ na fʋ ɩ gaso nɩr, ʋʋ nyɩw a Zerizalɛm bɛr.»

Zeremi 38:23 ပူးပေါင်းရင်းမြစ်များ

2 Na-mɩnɛ 25:7

Bɛ tɩ kʋ n a Sedesɩasɩ bidɛbr a ʋ mimirí. Al pùorí a Nabikodonozɔɔr ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn.

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 32:4

A Zuda tẽw nãà Sedesɩasɩ tɛɛ za bɛ cɩ̃ɛnɛ a Babɩlɔn tẽw dem zie ɩ, bʋ̃ʋ n'ʋ vɛ̃, ɩ̃ na de ʋ na ƴãw a Babɩlɔn tẽw nãà nuru pʋɔ. A na fɛr'a a ʋl mɩŋa cen a Nabikodonozɔɔr niŋé, bɛ tɩ tori taa, ʋʋ sɔw a ʋ ƴɛ̀rʋ.

Zeremi 34:3

Ɛ́ a fʋ̃ʋ a, fʋ bɛ cɩ̃ɛnɛ a ʋ zie ɩ. Bɛ na nyɔw fʋ na tɩ kʋ̀ ʋ. Fʋ̃ʋ nɩ a Babɩlɔn tẽw nãà na tori nɩ taa, ʋ ƴɛ̀r a fʋ zie fʋ sɔw. Al pùorí, fʋ na cen nɩ a Babɩlɔn.

Zeremi 37:8

A Babɩlɔn tẽw dem na lɛb'a wa wa zɛb'ɩ a tẽ-kpɛ̃ɛ ŋa, bɛ na de ʋ na ɛ́ nyɩw ʋ bɛr.

Zeremi 38:18

Ɛcɛ, fʋ̃ʋ bɛ wa yi tu a Babɩlɔn tẽw nãà zɛbr-nɩbɛ nɩ-bɛrɛ a, a Zerizalɛm tẽw na lo n a bɛ nuru pʋɔ, bɛ nyɩw ʋ bɛr. Ɛ́ a fʋ̃ʋ a, fʋ bɛ cɩ̃ɛnɛ a bɛ zie ɩ.”»

Zeremi 38:24

Lɛ n'a a Sedesɩasɩ tɩ yel a Zeremi: «Fʋ̃ʋ wa bɔbr kɛ́ fʋ cãà vʋʋrɛ a, fʋ̃ʋ ta ɩ nɩr za bãwnɩ a tɩ ƴɛ̀r-sɔw-taa ŋa ɩ.

Zeremi 39:5

Ɛcɛ a Babɩlɔn tẽw zɛbr-nɩbɛ tɩ ta na tu bɛ. Bɛ tɩ páw nɩ a Sedesɩasɩ a Zeriko tɩ̃talɩ́. A sojarɩ tɩ nyɔw ʋ na, ɛ́ tɛr ʋ cen nɩ Irivɩla na be a Hamatɩ tẽw pʋɔ a, tɩ kʋ̀ a Babɩlɔn tẽw nãà Nabikodonozɔɔr, ʋ dɩ n ʋ ƴɛ̀rʋ.

Zeremi 39:6

A Irivɩla be a, a Babɩlɔn tẽw nãà tɩ ƴãw na bɛ ŋmaarɩ a Sedesɩasɩ bidɛbr kɔkɛɛ a bɛ sãà, Sedesɩasɩ, mimirí. A Babɩlɔn tẽw nãà mɩ̀ tɩ ƴãw na bɛ ŋmaarɩ a Zuda tẽw nɩ-yée kɔkɛɛ.

Zeremi 41:10

Al pùorí ʋ tɩ nyɔw a nɩbɛ na tɩ cɛ be a Misɩpa a, bɛ ɩ gaso nɩbɛ ʋ cen nɩ: a nãà pɔwyaar nɩ a nɩbɛ bɛl za na tɩ be a Misɩpa a, a bɛl a soja-zi-gùrbɛ nɩ-kpɛ̃ɛ, Nebuzaradan, na tɩ ƴãw a Gedalɩasɩ kaarɛ a. Al pùorí, a Yisɩmayɛl tɩ tɛr'ɩ a gaso nɩbɛ cen nɩ Amɔ̃ tẽw.

Zeremi 6:12

A bɛ yie lɩɛb'ɩ nɩ-yoru dem, a bɛ pɔwbɛ nɩ a bɛ póru mɩ̀ a lɛ. A Sore yere na: Ɩ̃ na ìr'ɩ a tẽw ŋa nɩbɛ za ƴãw.

Ezekɩɛl 14:9

Naaŋmɩn-ƴɛ̀r-manɛ wa bɛr bɛ bɛlɩ ʋ, ʋ sɔw ʋl mɩŋa a, a mãa Sore n'ʋ na ƴãw ʋ ʋ ɩ a lɛ. Ɩ̃ na dɔl'ɩ nũu a ʋ ƴãw, ɛ́ ɩ ʋ bɔr a ɩ̃ nɩ-bʋʋrɛ Ɩsɩrayɛl sɔgɔ.

Ezekɩɛl 17:15

Ɛcɛ a na-paala ìr'ɩ a Babɩlɔn tẽw nãà zu. Ʋ tõ n nɩbɛ bɛ cen Eziptɩ tẽw kɛ́ bɛ tɩ zɛlɩ wie nɩ sojarɩ yaga. A sob nɛ na ɩ à à ŋá a, ʋ na tʋ̃ɔ́ na a? Ʋ na tʋ̃ɔ́ na cɩ̃ɛ ɛ? Ʋ̃ʋ'hʋ̃, ʋ kʋ̃ tʋ̃ɔ́ cɩ̃ɛ ɩ, ʋ na sãw a wõ-taa bɛr a zũú!

Ezekɩɛl 43:3

A bom nɛ ɩ̃ na tɩ nyɛ̃ a ŋmɛ̃ na taa nɩ a ʋl ɩ̃ na tɩ nyɛ̃ a dãwdãw, a lɛn daar a Sore na tɩ wa wa sãw a Zerizalɛm bɛr a, nɩ a lɛn daar ɩ̃ na tɩ be a Kebaar man nʋɔr a. Lɛ n'a ɩ̃ tɩ lo vɔblɩ muru.

Sɔr-nɛ́ɛ 4:18

«Nyɩ maal ɩrɛ, a Kehatɩ bʋʋrɛ tʋ̃ɔ́ be a levitɩ mɩnɛ bɛl na cɛ a pʋɔ kʋralɛ.