Zeremi 38:2 - A SƐB-SÕW

² «À ŋá n'a a Sore yere: “Sob nɛ na na cãà be a tẽ-kpɛ̃ɛ ŋa pʋɔ a na kpi n zɛbr, kɔ̃, nɩ jɛ̀lmɛ̃ bàalʋ kũu. Ɛcɛ sob nɛ na na yi cen tɩ páw a Babɩlɔn tẽw dem a, ʋ na vʋʋrɛ na, ʋ na nyɛ̃ na ʋ tɛr zu-nʋ̃ɔ̀ ʋ na bɛ kpi a. Yel-mɩŋa za, ʋ na cãà na vʋʋrɛ.”»

Zeremi 38:2 ပူးပေါင်းရင်းမြစ်များ

Zeremi 21:4

À ŋá n'a a Sore, a Ɩsɩrayɛl Naaŋmɩn, yere: “Nyɩ zɛbr'ɩ nɩ a Babɩlɔn tẽw nãà nɩ a ʋ zɛbr-nɩbɛ na piw nyɩ a. Ɛcɛ, ɩ̃ na fɛr'ɩ a bɛlɩ dem na zɛbr a dacĩ-kpɛ̃ɛ niŋé a, bɛ lɛb wa a tẽ-kpɛ̃ɛ pʋɔ.

Zeremi 24:8

«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a.

Zeremi 27:11

Ɛcɛ, nɩ-bʋʋrɛ kãw wa sàw a Babɩlɔn tẽw nãà nɩ-kpɛ̃ɛnʋ dĩ ʋ mɛ̃ na-kʋ́ɔra-dàa, ɛ́ tone a ʋ tome a, ʋ na bɛr ʋ na ʋ vʋʋrɛ zoom a ʋ tẽsɔw zu. Ʋ na kʋɔr ʋ na ɛ́ kpɩɛr a ʋ pʋɔ. À ŋá n'a a Sore yere.»

Zeremi 27:13

Bʋ̃ʋ n'ʋ vɛ̃, fʋ̃ʋ nɩ a fʋ nɩbɛ bɔbr'a kɛ́ nyɩ kpi a zɛbr, a kɔ̃ bɩɩ a jɛ̀lmɛ̃ bàalʋ kũu, mɛ̃ a lɛ a Sore na yel a nɩ-bʋʋrɛ ʋl na na zawrɩ a Babɩlɔn tẽw nãà tome bɛr a ƴãw a?

Zeremi 29:16

Ƴɛrɛŋa a, nyɛ̃ a lɛ a Sore na yere a nãà ʋl na zɩ̃ a Daviir naalʋ-dà-kɔw zu, nɩ a nɩbɛ bɛl za na cãà kpɩɛr a Zerizalɛm a ƴãw a — a nyɩ yɛbr bɛl bɛ na bɛ lãwnɩ nyɩ diw cen nɩ a—.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 39:18

Ɩ̃ na faa fʋ na, bʋnʋ bɛ ka be ɩ, fʋ bɛ kpiir a zɛbr-sɔ-kpɛ̃ɛ kũu ɛ, fʋ na cãà na vʋʋrɛ. Fʋ na nyɛ̃ na fʋ na tɛr zu-nʋ̃ɔ̀, fʋ na ƴãw a fʋ tɩɛrʋ a ɩ̃ ƴãw a. À à ŋá n'a a Sore yel.”»

Zeremi 42:17

A bɛlɩ dem za nãà wa lo a sɔ́r kɛ́ bɛ cen a Eziptɩ tɩ kpɛ naayir a, bɛ na kpi n a zɛbr, a kɔ̃ nɩ a jɛ̀lmɛ̃ bàalʋ kũu. A bɛ kãw za kʋ̃ cɩ̃ɛ a faa ɩ̃ na na ɩ ʋ lo a bɛ zu a pʋɔ ɩ.”»

Zeremi 42:22

A na ɩ lɛ a, nyɩ bãwnɩ a kɛ́ nyɩ na kpi n zɛbr, kɔ̃ nɩ jɛ̀lmɛ̃ bàalʋ kũu a tẽw ʋl pʋɔ nyɩ na bɔbr kɛ́ nyɩ cen tɩ kpɛ naayir a!»

Zeremi 44:13

Ɩ̃ na wa n a bɛl na kpɩɛr a Eziptɩ tẽw a ƴãw, mɛ̃ a lɛ ɩ̃ na tɩ wa a Zerizalɛm tẽw dem ƴãw nɩ a zɛbr, nɩ a kɔ̃ nɩ a jɛ̀lmɛ̃ bàalʋ a.

Zeremi 45:5

Ɛ́ fʋ̃ʋ bɔbr yel-bɛrɛ fʋ na tɩɛrɛ a maalʋ. Ta cãà tɩɛrɛ a ɩ. Bʋ̃ʋ n'ʋ vɛ̃, a mãa, a Sore, ɩ̃ yere na: Ɩ̃ na ɩ na a kpɩɛrʋ páw bʋ̃-vʋʋra za. Ɛcɛ, bom ŋa n'ʋ ɩ̃ na ɩ fʋ páw: Zie nɛ za fʋ na cere a, fʋ na mɩ́ tɛr'ɩ a nyɔ-vʋʋrʋ.”»

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Ezekɩɛl 6:11

À ŋá n'a a Sore Naaŋmɩn tɩ yel mɛ̃: «Puori nuru, tɛb tɛb gbɛ́ɛ ɛ́ yel: “We!” a Ɩsɩrayɛl nɩbɛ vĩ-ɩb nɩ a bɛ ɩb na bɛ maal'ɩ wob a ƴãw. Bɛ na kʋ bɛ nɩ a zɛbr zie, bɛ na kpi n kɔ̃ nɩ jɛ̀lmɛ̃ bàalʋ kũu.

Ezekɩɛl 7:15

«A yẽw a, a na ɩ n a zɛbr. A dĩo a, a na ɩ n a jɛ̀lmɛ̃ bàalʋ nɩ a kɔ̃. A tẽli pʋɔ a, bɛ na kʋ n a nɩbɛ a zɛbr zie. A tẽ-kpɛ̃ɛ pʋɔ a, bɛ na kpi n kɔ̃ nɩ a jɛ̀lmɛ̃ bàalʋ kũu.