Zeremi 38:19 - A SƐB-SÕW

¹⁹ A nãà Sedesɩasɩ tɩ sɔw nɩ a Zeremi: «Ɩ̃ zɔrɛ nɩ a Zuda tẽw nɩbɛ bɛl na de bɛ tʋɔra kʋ̀ a Babɩlɔn tẽw dem a dɛ̃bɩ̃ɛ. Bɛ nãà wa de m'a ƴãw a bɛ nuru pʋɔ, bɛ ɩ m la.»

Zeremi 38:19 ပူးပေါင်းရင်းမြစ်များ

2 Bibie za yel-manɩ 30:10

A nɩbɛ bɛ na tõ a tɩ cɔlɩ nɩ a Efarayim nɩ a Manase ten, mɩ́ yi tẽw ŋa tɩ sãá tẽw ŋa tɩ tɔ a Zabulɔ̃ dɔwlʋ. Ɛcɛ a nɩbɛ tɩ kpɔwrɛ bɛ na ɩrɛ nɩ bɛ laar.

Neemi 4:1

Ɛcɛ a Sanbalatɩ, a Toviya, a Arabʋ mɩnɛ, a Amɔ̃ tẽw dem nɩ a Asɩdɔdɩ tẽw dem na tɩ wõ k'aa Zerizalɛm dacĩ-kpɛ̃ɛ lɛb-mɛb tome cere nɩ vla vla, ɛ́ a vɛɛ tĩ fɔbr a, bɛ tɩ nyɛ̃ nɩ suur mab,

A Zɔb sɛbɛ 31:34

A nãá ɩ n a nɩbɛ nɛ́ɛ ɩ̃ na zɔrɛ a ƴãw, ɛ́ ɩ a dɛ̃bɩ̃ɛ a nɩbɛ ɩ-lab nãá ƴãw mɛ̃ bɛ sàw ɩ̃ na háa nʋɔr ɛ́ mɩ̀ bɛ sàw ɩ̃ na yi yẽw a ƴãw.

Zʋkpaɩ 29:25

Sob nɛ na zɔrɛ a ʋ taabɛ a mɩ́ lo n bɛra pʋɔ, ɛcɛ sob nɛ na mɩ́ ƴãw a ʋ tɩ́ɛrʋ a Sore ƴãw a bɛ mɩ́ bãw damnʋ ɛ.

Ɩzayi 57:11

Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Zeremi 20:7

Sore e, fʋ bɛlɩ mɛ̃ na, ɩ̃ɩ bɛr fʋ bɛlɩ mɛ̃ nyɔw. Fãw n'a fʋ ɩ n mɛ̃, tʋ̃ɔ́ mɛ̃. A nɩbɛ ɩrɛ mɛ̃ na laar bibie za, bɛ za kpɔwrɛ mɛ̃ na.

Zeremi 38:22

Bɛ na tɛr'ɩ a pɔwbɛ za na cãà be a fʋ yir a, cen nɩ a Babɩlɔn tẽw nãà zɛbr-nɩbɛ nɩ-bɛrɛ zie. Ɛ́ a pɔwbɛ na yiele nɩ à ŋá a fʋ ƴãw: “Bɛ bɛlɩ fʋ na, bɛ páw fʋ na, a fʋ bá-túor! A fʋ gbɛ́ɛ siwr'a kpɩɛr a mɛ̃mɛrɛ pʋɔ, ɛ́ a bɛl a, bɛ zawrɩ fʋ na bɛr.”

Zeremi 38:5

Lɛ n'a a nãà tɩ sɔw bɛ à ŋá: «Nyɩ ɩrɛ ʋ lɛ nyɩ na bɔbr a. Ɩ̃ ɩ n a nãà, ɛcɛ ɩ̃ kʋ̃ tʋ̃ɔ́ diw nyɩ bɛr ɛ.»

Zeremi 39:9

Al pùorí, a soja-zi-gùrbɛ nɩ-kpɛ̃ɛ, Nebuzaradan, tɩ tɛr'ɩ a bɛlɩ dem na tɩ cɛ be a tẽ-kpɛ̃ɛ pʋɔ a, cen nɩ a Babɩlɔn. Ʋ mɩ̀ tɩ ƴãw na bɛ ír a bɛlɩ dem na tɩ de bɛ tʋɔra kʋ̀ a Babɩlɔn tẽw nãà a, ɛ́ mɩ̀ tɩ ír a nuru-tõ-bãwnbɛ na cɛ a cen nɩ.

Zã 12:42

Ɛcɛ a Zifʋ mɩnɛ nɩ-bɛrɛ pʋɔ a, nɩ-yaga tɩ sàw na de a Yeezu. Ɛcɛ bɛ tɩ zɔrɛ nɩ a Faarizɩ̃ɛ mɩnɛ, lɛ so bɛ bɛ mɩ́ tɩ sàw ƴɛ̀r a yi ɛ, kɛ́ bɛ taa wa diw bɛ bɛr a puoru-dĩó ɛ.

Ƴɛ̀r-dɩrbɛ 16:25

A bɛ nʋ̃ɔ̀ pʋɔ a, bɛ tɩ yel'a kɛ́ bɛ tɛr a Samsɔ̃ wa n, ʋ wa man laarʋ ƴãw bɛ. Bɛ tɩ tɛr'ɩ a Samsɔ̃ yi n a gaso pʋɔ wa n, ʋ wa manɩ a laarʋ ƴãw a nɩbɛ, al pùorí bɛ ƴãw ʋ a ŋmɩn-yir kpule cará.

Ƴɛ̀r-dɩrbɛ 9:54

Daadaalɛ, a Abimelɛkɩ tɩ yel'ɩ a pɔlbile ʋl na tɛr a ʋ zɛbr bome a: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, bɛ taa yere kɛ́ pɔw n'ʋ kʋ m ɛ.» A pɔlbile tɩ cɔ̀r ʋ na col, ʋ kpi.

1 Samɩɛl 15:24

A Sawul tɩ yel'ɩ a Samɩɛl: «Ɩ̃ maal'ɩ yel-bier, ɩ̃ bɛ tu a lɛ a Sore na yel a ɩ, mɩ̀ bɛ lɛb tu a fʋ ƴɛ̀rʋ ɛ. A sojarɩ dɛ̃bɩ̃ɛ n'a ɩ̃ tɩ zɔrɛ, alɛ so ɩ̃ sàw a bɛ zɛlʋ.

1 Samɩɛl 31:4

Lɛ n'a ʋ tɩ yel a ʋ zɛbr bʋ̃-tɛrɛ: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, a yɔ-ɓile dem bɛ ŋa taa wa kʋrɛ mɛ̃ a bɛl mɩŋa, ɛ́ ɩrɛ mɛ̃ laar ɛ.» Ɛcɛ a ʋ zɛbr bʋ̃-tɛrɛ tɩ zawr'a, dɛ̃bɩ̃ɛ na tɩ ɩrɛ ʋ yaga za a ƴãw. Lɛ n'a a Sawul tɩ lɩɛbɩ a ʋ zɛbr-sɔ-kpɛ̃ɛ bà tul ɛ́ lo a ʋ zu.