Zeremi 37:7 - A SƐB-SÕW

⁷ «À ŋá n'a a Sore, a Ɩsɩrayɛl Naaŋmɩn, yere: “Nyɩ cen tɩ yel kʋ̀ a Zuda tẽw nãà na tõ nyɩ kɛ́ nyɩ wa sowri mɛ̃ a: A Eziptɩ tẽw zɛbr-nɩbɛ na tɩ yi a nyɩ sõwfʋ ƴãw a, bɛ lɩɛb'ɩ pùor kul a bɛ tẽw, a Eziptɩ.

Zeremi 37:7 ပူးပေါင်းရင်းမြစ်များ

2 Na-mɩnɛ 22:18

A Zuda tẽw nãà na tõ nyɩ kɛ́ nyɩ wa sowri mɛ̃ kaa a, nyɩ na tɩ yel'ɩ à ŋá kʋ̀ ʋ: À ŋá n'a a mãa, a Sore, a Ɩsɩrayɛl Naaŋmɩn, yere: Fʋ wõ n a sɛbɛ ŋa ƴɛ̀rʋ.

2 Na-mɩnɛ 24:7

A Eziptɩ tẽw nãà ʋl a, ʋ bɛ tɩ cãà yire a ʋ tẽw pʋɔ nɩ a ʋ zɛbr-nɩbɛ ɩ. Bʋ̃ʋ n'ʋ vɛ̃, a Babɩlɔn tẽw nãà tɩ faa nɩ a ziir al za ʋ na tɩ dãw so a, a Eziptɩ saa-pɛrɩ́-gʋba-lowr tʋr-bɔw tɩ tɔ a Babɩlɔn man Efaratɩ.

Zʋkpaɩ 21:30

Yã-bãwfʋ kãw za, yã kãw za nɩ tɩ́ɛrʋ kãw za bɛ ɩ bom a Sore niŋé ɩ.

Ɩzayi 30:7

A Eziptɩ tẽw sõwfʋ a, sɛsɛb'ʋ, ʋ bɛ tɛr pɛr ɛ. Alɛ so ɩ̃ pór a tẽw ŋa kɛ́ «Arahab na bɛ damnɛ a.»

Ɩzayi 36:6

A Eziptɩ tẽw ƴãw n'a fʋ ƴãw a fʋ tɩɛrʋ, a bàa-kɛkɛr-kaba ŋa na mɩ́ nyɩ̀r sob nɛ za na mɩ́ yel k'ʋʋ nyɔw ʋ kɛ́ àr a nũu a. À ŋá n'a a Eziptɩ tẽw nãà, Faarawɔ̃, ŋmɛ̃ a bɛlɩ dem na mɩ́ ƴãw a bɛ tɩɛrʋ a ʋ ƴãw a zie!

Zeremi 2:18

Ɛ́ ƴɛrɛŋa a, bʋnʋ ƴãw n'a fʋ na cen a Eziptɩ tẽw kɛ́ fʋ tɩ nyũ a Nɩl kʋ̃ɔ? Bʋnʋ ƴãw n'a fʋ na cen a Asiiri tẽw kɛ́ fʋ tɩ nyũ a Efaratɩ kʋ̃ɔ?

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Zeremi 2:37

Fʋ mɩ̀ na yi n a tẽw ŋa pʋɔ tuo nuru zũú, bʋ̃ʋ n'ʋ vɛ̃, a mãa Sore a, ɩ̃ bɛ nɔnɛ a tɩɛfʋ ŋa bʋʋrɛ fʋ na bɔbr a ɩ. À ŋá bɛ n'a a yele na ɩ vla a fʋ zie ɩ.»

Zeremi 21:1

Nyɛ̃ a ƴɛ̀rʋ a Sore na tɩ ƴɛ̀r kʋ̀ a Zeremi a nãà Sedesɩasɩ ƴãw a. A nãà tɩ tõ n Malkɩa bidɛb, Pasehuur, nɩ Maaseya bidɛb, Sefanɩa, na ɩ bàwr-maalɛ a, a Zeremi zie, kɛ́ bɛ tɩ yel ʋ à ŋá:

Zeremi 21:2

«Yãayãa, sowri a Sore kʋ̀ tɩ, bʋ̃ʋ n'ʋ vɛ̃, a Babɩlɔn tẽw nãà, a Nabikodonozɔɔr, zɛbr'ɩ tɩ na. Kapaw a Sore na lɛb'a maalɩ a ʋ nɔ-ɓãa-yel kãw a tɩ vla ƴãw, ɩ k'ʋ cen zãá nɩ tɩ.»

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 37:5

Lɛb waar, Faarawɔ̃ zɛbr-nɩbɛ tɩ yi n a Eziptɩ. A Babɩlɔn tẽw dem na tɩ zɛbr'ɩ a Zerizalɛm a, tɩ wõ n a yel ŋa, ìr taw zãá nɩ a tẽ-kpɛ̃ɛ blã.

Zeremi 37:6

Lɛ n'a a Sore tɩ ƴɛ̀r a Zeremi zie à ŋá:

A Lãw-mʋɔlɛ 1:7

A ʋ bibie al ʋ na tɩ bɔrɛ gʋɔr ɛ́ nyɛrɛ vĩ a, a Zerizalɛm tɩ lɛb'a tɩɛrɛ a ʋ bʋ̃-vɩɛlɩ za ʋ na tɩ tɛr a koro za a. A lɛn daar a ʋ nɩbɛ na tɩ lo a bɛ dɔ̃ dem nuru pʋɔ a, nɩr kãw za bɛ tɩ wa sõw ʋ ɛ. A ʋ dɔ̃ dem tɩ nyɛ̃ ʋ na ɛ́ ɩ ʋ la ʋ na tɩ lo a ƴãw.

A Lãw-mʋɔlɛ 4:17

A tɩ mimie piwri nɩ sõwfʋ na bɛ waar a tɩ bàl. Tɩ be n a tɩ zie gub ziir gùre nɩ-bʋʋrɛ kãw na kʋ̃ tʋ̃ɔ́ faa tɩ a waa.

Ezekɩɛl 17:17

A zɛbr-nɩbɛ saa yãwmɛ ɛ́ kpɛmɛ zɛ̃ ŋmɩn a, a Eziptɩ tẽw nãà kʋ̃ tʋ̃ɔ́ zɛb faa ʋ ɛ. Bʋ̃ʋ n'ʋ vɛ̃, a zɛbr daar a, a Eziptɩ tẽw dem na kaal'ɩ tanɛ ɓã taa a do a zɛbr ƴãw, ɛ́ bɛ wɛr bɔwrɩ kɛ́ bɛ tʋ̃ɔ́ kʋ a Babɩlɔn tẽw dem.

Ezekɩɛl 29:16

A Ɩsɩrayɛl nɩbɛ kʋ̃ cãà ƴãw a bɛ tɩɛrʋ a bɛ ƴãw towtow ɛ. A na ɩ lɛ a, a kʋ̃ cãà ƴãw a Ɩsɩrayɛl nɩbɛ bɔbr sõwfʋ a Eziptɩ tẽw dem zie maalɛ yel-bier ɛ. Lɛ n'a nɩr za na bãw kɛ́ mãa n'ɩ a Sore.»

Ezekɩɛl 30:22

A na ɩ à ŋá a, a mãa Sore Naaŋmɩn yere na: Ɩ̃ na ìr'ɩ a Eziptɩ tẽw nãà, Faarawɔ̃, ƴãw. Ɩ̃ na kár'ɩ a ʋ kpãkpamɛ a za ayi bɛr: a ʋl na kpɛmɛ a na ɩ na mɛ̃ a ʋl na faa ka a. Lɛ n'a ɩ̃ na ɩ a zɛbr-sɔ-kpɛ̃ɛ yi a ʋ nũú lo!