Zeremi 37:2 - A SƐB-SÕW

² Ɛcɛ a nãà nɩ a ʋ tõ-tõ-bi-bɛrɛ nɩ a Zuda tẽw nɩbɛ bɛ tɩ bɛr wõ a ƴɛ̀rʋ al za a Sore na tɩ ƴãw a naaŋmɩn-ƴɛ̀r-manɛ Zeremi ƴɛ̀r kʋ̀ bɛ a ɩ.

Zeremi 37:2 ပူးပေါင်းရင်းမြစ်များ

2 Samɩɛl 10:2

Lɛ n'a a Daviir tɩ yel: «Ɩ̃ na ɩ n nɔ̃wfʋ ɩb a Nahasɩ bidɛb zie, mɛ̃ a lɛ a ʋ sãà na ɩ a ɩ̃ zie a.» A Daviir tɩ tõ n a ʋ tõ-tõ-bi-bɛrɛ bɛ mɩnɛ kɛ́ bɛ tɩ puor'ʋ a ʋ sãà kuor yãanɩ. Ɛcɛ a Daviir tõ-tõ-bi-bɛrɛ na tɩ ta a Amɔ̃ tẽw dem zie a,

2 Samɩɛl 12:25

ɛ́ tõ a naaŋmɩn-ƴɛ̀r-manɛ Natan k'ʋʋ tɩ yel kʋ̀ a Daviir. Alɛ n'a so ʋ por ʋ kɛ́ Yedidɩa, a pɛr lɛ kɛ́ “Sore nɩ-nɔna.”

1 Na-mɩnɛ 14:18

Bɛ tɩ ũù ʋ na, ɛ́ a Ɩsɩrayɛl nɩbɛ za kõ a kuor, mɛ̃ a lɛ a Sore na tɩ ƴãw a naaŋmɩn-ƴɛ̀r-manɛ Ahiya yel a.

1 Na-mɩnɛ 16:7

Yele ayi yãw n'a a Sore mɩ̀ tɩ ƴãw a naaŋmɩn-ƴɛ̀r-manɛ Yehu, na ɩ Hanani bidɛb a, ʋ ƴɛ̀r a Baesa nɩ a ʋ yir dem zie: a dãw-niwn sob a, a Baesa nɩ a ʋ yir dem tɩ ɩ n a lɛ na bɛ vɩɛl a, a Sore zie, ɩ a ʋ suur ìr. Bɛ tɩ ɩ n a ɩb a bɛ vɩɛl ɛ, mɛ̃ a Zerobowam nɩ a ʋ yir dem a. A yele ayi sob a, a Baesa tɩ ƴãw na bɛ kʋ a Zerobowam yir dem za.

2 Bibie za yel-manɩ 36:11

A Sedesɩasɩ tɩ tɛr'ɩ yome lɩzɛr'ɩ been a lɛn daar ʋ na tɩ lɩɛbɩ a nãà a, ɛ́ dɩ a naalʋ yome pie nɩ been a Zerizalɛm.

Eziptɩ tẽw yib 4:13

A Moyiir yel: «Fʋ gaafara, Sore e, tõ nɩ-yũo!»

Zʋkpaɩ 26:6

Nɩr na tõ dãbol nɩ a ʋ ƴɛ̀rʋ a ɩ na mɛ̃ ʋ cɩɛr'ɩ a ʋl mɩŋa gbɛ́ɛ ŋmarɛ a. Bʋ̃ʋ n'ʋ vɛ̃, kpɩɛrʋ n'a ʋ bɔbr kʋ̀rɛ ʋ tʋɔra.

Zʋkpaɩ 29:12

A nɩ-kpɛ̃ɛ wa bɛrɛ wone a ziri a, a ʋ tõ-tõ-biir za mɩ́ lɩɛb'ɩ nɩ-faar.

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Ezekɩɛl 21:25

A Babɩlɔn tẽw dem sojarɩ na tu n a sɔ́r kãw cen Araba, Amɔ̃ tẽw dem tẽ-kpɛ̃ɛ. Bɛ na tu n a sɔ́r ʋl cen a Zerizalɛm tẽ-kpɛ̃ɛ ʋl bɛ na gù vla a, a Zuda tẽw.

A naaŋmɩn-ƴèr-manɛ Oze sɛbɛ 12:10

Ɛcɛ a mãa a, a Eziptɩ tẽw daar za n'a ɩ̃ ɩ a Sore fʋ Naaŋmɩn. Ɩ̃ na ɩ na nyɩ lɛb kpɩɛr a pɛnɛ-sɛwr pʋɔ, mɛ̃ a alɩ bibie nɛ ɩ̃ na mɩ́ tɩ wa nyɛ̃ nyɩ a.

Levitɩ mɩnɛ 8:36

A Aarɔ̃ nɩ a ʋ bidɛbr tɩ tu n a lɛ za a Sore na tɩ ƴãw a Moyiir yel kʋ̀ bɛ a.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.