Zeremi 37:17 - A SƐB-SÕW

¹⁷ Al pùorí, a nãà Sedesɩasɩ tɩ tõ na bɛ tɩ tɛr a Zeremi wa n. A ʋ yir pʋɔ a, a nãà tɩ sɔwl'a sowri ʋ à ŋá: «Fʋ tɛr'ɩ Sore ƴɛ̀rʋ na ƴɛ̀r kʋ̀ m bɩɩ?» A Zeremi sɔw: «Ʋ̃ʋ!», ɛ́ tɩ yel ƴãw pʋɔ: «Fʋ na lo n a Babɩlɔn tẽw nãà nuru pʋɔ.»

Zeremi 37:17 ပူးပေါင်းရင်းမြစ်များ

1 Na-mɩnɛ 22:15

A Mise tɩ ta n a nãà zie, ʋ sowr'ʋ: «Mise e, tɩ cen tɩ zɛb lɛb de a Aramɔtɩ tẽw na be a Galaadɩ a, bɩɩ tɩ ta cen?» A Mise sɔw: «Cen, fʋ na tʋ̃ɔ́ na, a Sore na ƴãw ʋ nɩ a fʋ nuru pʋɔ.»

1 Na-mɩnɛ 22:16

Ɛcɛ a nãà tɩ yel ʋ na: «Gb'a a ŋmɩn n'a ɩ̃ na mɩ́ ƴãw fʋ pɔ k'aa yel-mɩŋa tɛwr'a fʋ na mɩ́ yel kʋ̀ m, a Sore yúor ƴãw.»

2 Na-mɩnɛ 25:7

Bɛ tɩ kʋ n a Sedesɩasɩ bidɛbr a ʋ mimirí. Al pùorí a Nabikodonozɔɔr ƴãw bɛ cɔ̀r a Sedesɩasɩ mimie kpol, ɛ́ 'lẽ ʋ nɩ kur-zɩɛ bãzɔlɛ ayi na ɓɛrɩ taa a, cen nɩ a Babɩlɔn.

Zeremi 15:11

Ɛcɛ a Sore tɩ yel'a: «Ɩ̃ pɔ na, ɩ̃ na faa fʋ nɩ a fʋ nʋ̃ɔ̀ ƴãw. Ɩ̃ pɔ na, ɩ̃ na ɩ na a dɔ̃ sob lɔb nuru zɛlɩ nɩ fʋ a kpɩɛrʋ nɩ a pʋl-vʋ̃ɔ daar.

Zeremi 21:7

À á ŋá za pùorí a, a Sore n'ʋ yere, ɩ̃ na de nɩ a Zuda tẽw nãà, Sedesɩasɩ, a ʋ tõ-tõ-bi-bɛrɛ nɩ a nɩbɛ na na cãà vʋʋrɛ a tẽ-kpɛ̃ɛ ŋa pʋɔ, bɛ tʋ̃ɔ́ kpi a jɛ̀lmɛ̃ bàalʋ kũu, a zɛbr nɩ a kɔ̃ kũu a, ƴãw a Babɩlɔn tẽw nãà nuru pʋɔ. Ɩ̃ na de bɛ na ƴãw a bɛ dɔ̃ dem nɩ a bɛlɩ dem na tɩ bɔbr a bɛ kʋb a nuru pʋɔ. A Nabikodonozɔɔr na ƴãw na bɛ kʋ kʋ bɛ. Ʋ kʋ̃ tɛr nɩbaal-zɔba ɩ, ʋ kʋ̃ jɩɩrɩ nɩr za bɛr ɛ, ʋ kʋ̃ sàw bɛ ɓaalɩ ʋ ɛ.”»

Zeremi 24:8

«Ɛcɛ, à ŋá n'a ɩ̃ yere a Zuda tẽw nãà Sedesɩasɩ, a ʋ tõ-tõ-bi-bɛrɛ, a Zerizalɛm nɩbɛ na cɛ a, a bɛlɩ dem za na cãà be a tẽw ŋa pʋɔ a, nɩ a bɛl na cen tɩ kpɩɛr a Eziptɩ tẽw a ƴãw: Ɩ̃ na ɩ bɛ na mɛ̃ a lɛ bɛ na mɩ́ ɩ a kãkamɛ na sãw zuo bɛ tɛr dɩb a.

Zeremi 25:35

Sɔwlʋ zie bɛ ka be a nɩ-bɛrɛ ƴãw ɛ, a dʋ̃-cɩ̃ɩnbɛ kʋ̃ tʋ̃ɔ́ zɔ cɩ̃ɛ ɩ.

Zeremi 37:3

A na saa tɩ ɩ a lɛ a, a nãà Sedesɩasɩ tɩ tõ n Selemɩa bidɛb, Yehukal, nɩ Maaseya bidɛb, Sefanɩahu, na ɩ a bàwr-maalɛ a, a Zeremi zie, kɛ́ bɛ tɩ yel ʋ: «Tɩ zɛlɛ fʋ na, puori a Sore tɩ Naaŋmɩn kʋ̀ tɩ!»

Zeremi 38:5

Lɛ n'a a nãà tɩ sɔw bɛ à ŋá: «Nyɩ ɩrɛ ʋ lɛ nyɩ na bɔbr a. Ɩ̃ ɩ n a nãà, ɛcɛ ɩ̃ kʋ̃ tʋ̃ɔ́ diw nyɩ bɛr ɛ.»

Zeremi 52:8

Ɛcɛ a Babɩlɔn tẽw sojarɩ tɩ ta na tu a nãà Sedesɩasɩ, tɩ páw ʋ a Zeriko tɩ̃tal pʋɔ. A ʋ zɛbr-nɩbɛ za tɩ zɔ na yaarɩ ɛ́ bɛr ʋ.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

Sɔr-nɛ́ɛ 23:17

Lɛ n'a a Balaam tɩ lɛb cen tɩ páw a Balakɩ, na cãà àr kɔw a ʋ bàwr-maal-bome, ʋlɛ nɩ a Mowab tẽw dem nɩ-bɛrɛ a. A Balakɩ tɩ sowr'ʋ na: «A Sore yel'a kɛ́ bʋnʋ?»

Markɩ 6:20

Bʋ̃ʋ n'ʋ vɛ̃, a Erɔdɩ tɩ zɔrɛ nɩ a Zã, ʋ tɩ bãwnɩ a na ʋ na ɩ nɩ-mɩŋa nɩ nɩ-sõw a, ɛ́ ʋ bɛ tɩ sàwr ʋ ƴãw ɛ. Ʋlɛ wa tɩ bɛrɛ wone a Zã ƴɛ̀rʋ a, ʋ bɛ mɩ́ bãw lɛ za ʋ na na yel a ɩ, ɛ́ mɩ́ tɩ cãà nɔnɛ a ʋ ƴɛ̀rʋ bɛr-wob.