Zeremi 37:13 - A SƐB-SÕW

¹³ Ʋ na tɩ ta a Bɛ̃zamɛ dɩ̃dɔr ƴãw a, ʋ tɩ tuor'ɩ a soja-zi-gùrbɛ nɩ-kpɛ̃ɛ na dɩ kɛ́ Yiriya a. A Yiriya tɩ ɩ n Selemɩa bidɛb, ɛ́ ɩ Hananɩa yãw. Ʋ tɩ nyɔw nɩ a naaŋmɩn-ƴɛ̀r-manɛ Zeremi yel ʋ: «Zɔba n'a fʋ zɔrɛ cere a Babɩlɔn tẽw nɩbɛ zie!»

Zeremi 37:13 ပူးပေါင်းရင်းမြစ်များ

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 20:10

Ɩ̃ wone nɩ nɩ-yaga na sãwnɛ a ɩ̃ yúor a. Bɛ bʋɔlɛ mɛ̃ nɩ «Pʋl-vʋ̃ɔ-a-ziir-za!» Bɛ mɩnɛ yere na: «Nyɩ wo a ʋ sãwna!» A ŋmaarɛ sɔwr: «Ʋ̃ʋ, tɩ wo a ʋ sãwna!» A ɩ̃ bárɩ tɛɛ za jɩɛrɛ nɩ a ɩ̃ loba. Bɛ yere na: «Kapaw ʋ na ɩ na tɩ bɛ̀lɩ nyɔw ʋ. Tɩ na tɛr'ɩ fãw zuo ʋ, ɛ́ tɩ na yáa nɩ a tɩ san a ʋ zu.»

Zeremi 20:2

Lɛ n'a ʋ tɩ ɓa a naaŋmɩn-ƴɛ̀r-manɛ, a Zeremi, ɛ́ ƴãw bɛ 'lẽ ʋ ƴãw dàa ƴãw, a Bɛ̃zamɛ dɩ̃dɔ-kpɛ̃ɛ ƴãw, a be bɛ na mɩ́ tuur kpɩɛr a Ŋmɩn-yir-kpɛ̃ɛ pʋɔ a.

Zeremi 21:9

Nɩr za wa cãà be a tẽ-kpɛ̃ɛ ŋa pʋɔ a, ʋ na kpi n a zɛbr, a kɔ̃ bɩɩ a jɛ̀lmɛ̃ bàalʋ kũu. Ɛcɛ sob nɛ wa yi de ʋ tʋɔra kʋ̀ a Babɩlɔn tẽw dem na piw nyɩ a, ʋ na vʋʋrɛ na, ʋʋ na nyɛ̃ na k'ʋʋ tɛr'ɩ zu-nʋ̃ɔ̀, ʋ na páw a ʋ nyɔ-vʋʋrʋ a.

Zeremi 27:6

Ɛ́ ƴɛrɛŋa a, mãa n'ʋ dier a nyɩ ten za ƴãwnɛ a ɩ̃ tõ-tõ-bie, a Babɩlɔn tẽw nãà, Nabikodonozɔɔr, nuru pʋɔ. Ɩ̃ dier'ɩ a wɛ-dʋn tɛɛ za kʋ̀rɛ ʋ k'aa tʋ̃ɔ́ tone a ʋ tome.

Zeremi 28:14

Bʋ̃ʋ n'ʋ vɛ̃, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nĩi nyuru dàa na ɩ kure a n'ʋ ɩ̃ na dĩ nɩ a nɩ-bʋʋr-yoru bɛ ŋa za, kɛ́ bɛ tʋ̃ɔ́ tone a Babɩlɔn tẽw nãà, Nabikodonozɔɔr, tome. Bɛ na tone nɩ a ʋ tome. Ɩ̃ na de nɩ a wɛ-dʋn tɛɛ za ƴãw a ʋ nuru pʋɔ.”

Zeremi 36:12

Ʋ tɩ siw nɩ a nãà yir, tɩ ta a sɛ-sɛbrɛ tome dĩo pʋɔ. A tõ-tõ-bi-bɛrɛ za tɩ tɛr'ɩ kpaarʋ. A bɛlɩ dem za na tɩ be a be a, tɩ n'ɩ bɛ ŋa: a sɛ-sɛbrɛ Elisama, nɩ Semayahu bidɛb Delayahu, nɩ Akɩbɔɔr bidɛb Ɛlnatan, nɩ Safan bidɛb Gemarɩahu, nɩ Hananɩahu bidɛb Sedesɩasɩ, nɩ a tõ-tõ-bi-bɛrɛ bɛ mɩnɛ.

Zeremi 38:1

Matan bidɛb, Sefatɩa, Pasehuur bidɛb, Gedalɩahu, Selemɩahu bidɛb, Yukal, nɩ Malkɩa bidɛb, Pasehuur tɩ wõ n a ƴɛ̀rʋ á ŋá a Zeremi na ƴɛ̀rɛ kʋ̀rɛ a nɩbɛ a:

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Zeremi 38:7

Etiopi tẽw nɩr kãw bɛ na bʋɔlɛ kɛ́ Evɛdɩ-Mɛlɛkɩ a, tɩ ɩ n a nãà yir tõ-tõ-bi-kpɛ̃ɛ kãw. A nãà tɩ wõ na kɛ́ bɛ ƴãw nɩ a Zeremi a sa-bie-kʋ̃ɔ-bɔw pʋɔ. A nãà tɩ zɩ̃ n a Bɛ̃zamɛ dɩ̃dɔr ƴãw.

A Lãw-mʋɔlɛ 4:18

Bɛ piwre nɩ a tɩ gbɛ-ceni: tɩ kʋ̃ tʋ̃ɔ́ lɛb cen a tɩ nɩ-yaga tuor-taa ziir ɛ. A tɩ baarʋ tarɛ na, a tɩ nyɔ-vʋʋrʋ baar'a, a baarʋ n'a.

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Zakari 14:10

A vuo ʋl za na viiri koli a Zerizalɛm a na lɩɛb'ɩ zi-tɩ̃tal, yi a Geva na be a saa-pɛrɩ́-gʋba-lowr a, ɛ́ tɩ ta a Irimon a saa-pɛrɩ́-dʋrʋ-lowr. A Zerizalɛm na do na gãw a zie na jil koli ʋ a, ɛ́ a tẽw na yi n a Bɛ̃zamɛ dɩ̃dɔr ƴãw ɛ́ cen tɩ tɔ a Dacĩ-gõgon dɩ̃dɔr, a be a dɩ̃dɔr kʋra na tɩ be a, ɛ́ lɛb yi a Hananeyɛl yir-cõcowla ƴãw, ɛ́ cen tɩ ta a nãà divɛ̃ tɩɩr wɔmɛ nɛbrʋ ziir.

Luka 23:2

Bɛ tɩ nyɔw nɩ a ʋ sãwna manʋ yere nɩ: «Tɩ nyɛ̃ nɩ a nɩr ŋa ʋ ƴãwnɛ damnʋ a tɩ bʋʋrɛ pʋɔ, ɛ́ diwr a nɩbɛ bɛrɛ kɛ́ bɛ ta yarɛ a zuru-yar kʋ̀rɛ a Sezaar ɛ, ɛ́ yere kɛ́ ʋlɛ n'ɩ a Kɩrɩta, a Nãà.»

Nɩ-toni 24:13

A nɩbɛ bɛ ŋa na manɛ a ɩ̃ sãwna kʋ̀rɛ fʋ a ƴɛrɛŋa a, bɛ kʋ̃ tʋ̃ɔ́ wul fʋ a sãá k'ɩ̃ɩ sãw na ɩ.

Nɩ-toni 6:11

Lɛ n'a bɛ tɩ ya nɩbɛ ƴãw kɛ́ bɛ yel à ŋá: «Tɩ wõ na ʋ tʋ a Moyiir nɩ a Naaŋmɩn zʋmɛ.»

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.