Zeremi 37:1 - A SƐB-SÕW

¹ A Babɩlɔn tẽw nãà, Nabikodonozɔɔr, tɩ zɩɩl'ɩ a Zozɩasɩ bidɛb kãw, Sedesɩasɩ, ʋ ɩ a Zuda tẽw nãà. A na ɩ lɛ a, a Sedesɩasɩ tɩ lɩɛr'ɩ a Yoyakim bidɛb, Konɩahu.

Zeremi 37:1 ပူးပေါင်းရင်းမြစ်များ

2 Na-mɩnɛ 24:12

Lɛ n'a a Zuda tẽw nãà, Yoyakin, tɩ ƴãw ʋ tʋɔra a Babɩlɔn tẽw nãà nuru pʋɔ, lãwnɩ a ʋ mã, a ʋ sojarɩ nɩ-bɛrɛ, a ʋ nɩ-yée nɩ a ʋ tõ-tõ-bi-bɛrɛ. A Nabikodonozɔɔr tɩ nyɔw bɛ na bɛ ɩ gaso nɩbɛ. A ʋ naalʋ-dɩb yome ani sob tɩ n'a.

2 Na-mɩnɛ 24:17

Al pùorí, a Nabikodonozɔɔr tɩ kaa na ír a Yoyakin sãà kãw, Matanɩa, ƴãw k'ʋ ɩ a nãà, ʋʋ lɩɛbɩ a ʋ yúor, ʋ dɩ Sedesɩasɩ.

Zeremi 21:1

Nyɛ̃ a ƴɛ̀rʋ a Sore na tɩ ƴɛ̀r kʋ̀ a Zeremi a nãà Sedesɩasɩ ƴãw a. A nãà tɩ tõ n Malkɩa bidɛb, Pasehuur, nɩ Maaseya bidɛb, Sefanɩa, na ɩ bàwr-maalɛ a, a Zeremi zie, kɛ́ bɛ tɩ yel ʋ à ŋá:

Zeremi 22:24

«Nyɛ̃ a ʋlɩ bom fʋ na na tɩ yel kʋ̀ a Yoyakim bidɛb nɩ a Zuda tẽw nãà Konɩahu a: “A Sore yere na: Ɩ̃ pɔrɛ nɩ nɩ a ɩ̃ nyɔ-vʋʋrʋ à ŋá: Fʋ̃ʋ mɩ̀ saa tɩ ɩ ŋmaarʋ-bʋ̃-ƴãwna a ɩ̃ dʋrʋ nũú a, ɩ̃ nãà for fʋ nɩ a ɩ̃ nobirí.

Zeremi 22:28

Nɩbɛ sowre na: «La-ŋmɛrnyɛ̃ na bɛ tɛr yel-ɩra a nɔ̃w n'ɩ a dɛb ŋa, a Konɩahu? Laa bɛ na bɛ cãà bɔbr a a? Bʋ̃ʋ n'ʋ so bɛ diw ʋlɛ nɩ a ʋ bibiir cen nɩ tẽ-yũo bɛ na bɛ bãw a?»

Zeremi 24:1

A Sore tɩ ɩ na ɩ̃ nyɛ̃ kãkamɛ bɛ na bin nɩ peli ayi a Ŋmɩn-yir-kpɛ̃ɛ niŋé a. A Babɩlɔn tẽw nãà Nabikodonozɔɔr na tɩ nyɔw a Yoyakim bidɛb, Yekonɩa, na ɩ a Zuda nãà a nɩ a ʋ tõ-tõ-bi-bɛrɛ, a nuru tõ-tonbɛ nɩ a kure bʋ̃-maalbɛ cen nɩ a Babɩlɔn tẽw a pùorí tɩ n'a.

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Zeremi 52:31

A Zuda tẽw nãà, Yoyakin, bɛ na tɩ diw cen nɩ a maalɩ yome lɩzɛr'ɩ pie nɩ ayopõi a n'a, a Ewil-Merodakɩ tɩ lɩɛbɩ a Babɩlɔn tẽw nãà. A ʋlɩ yũon nɛ cuwr pie nɩ ayi sob, bibie lɩzɛr'ɩ ayopõi sob'a ʋ tɩ ɩ pʋ-pɩɛlʋ ɩb a Yoyakin zie, ɩ k'ʋ yi a gaso pʋɔ.