Zeremi 36:9 - A SƐB-SÕW

⁹ Bʋ̃ʋ n'ʋ vɛ̃, a Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb yome anũu sob daar, a cuwr piwaɩ sob, bɛ tɩ bʋɔl'ɩ a Zerizalɛm tẽw nɩbɛ za nɩ a Zuda tẽw tẽ-bɛrɛ nɩbɛ za na mɩ́ tɩ wa a Zerizalɛm, mʋta-tuo tɛrʋ ƴãw a, a Sore niŋé.

Zeremi 36:9 ပူးပေါင်းရင်းမြစ်များ

2 Bibie za yel-manɩ 20:3

Dɛ̃bɩ̃ɛ tɩ nyɔw nɩ a Zozafatɩ ʋ yel k'ʋʋ na sowr'ɩ a Sore kaa, ɛ́ ƴãw k'aa Zuda naalʋ-tẽw nɩbɛ za tɛr mʋta-tuo.

Neemi 9:1

A cuwr ayopõi sob bibie lɩzɛr'ɩ anaar sob daar, a Ɩsɩrayɛl nɩbɛ tɩ ɓã n taa kɛ́ bɛ tɛr mʋta-tuo. Bɛ tɩ su n vʋɔrɩ kparɩ ɛ́ 'wɔ̃w tanɛ ƴãw a bɛ zurú.

Zeremi 36:1

A Zozɩasɩ bidɛb, Yoyakim, na ɩ a Zuda tẽw nãà a, naalʋ-dɩb yome anaar sob daar'a a Sore tɩ ƴɛ̀r a Zeremi zie à ŋá:

Zeremi 36:22

A na tɩ ɩ a yũon cuwr piwaɩ sob daar a, a nãà tɩ zɩ̃ n a ʋ ƴawr daar dĩo pʋɔ, ɛ́ bɛ tɩ gbɔw vũu a ʋ niŋé.

Zeremi 36:6

Ɛcɛ fʋ̃ʋ a, cen fʋ mɩŋa a Ŋmɩn-yir-kpɛ̃ɛ pʋɔ mʋta-tuo tɛrʋ bibir kãw, tɩ zɛw kɔkɔr kanɩ a Sore ƴɛ̀rʋ al za ɩ̃ na yel fʋ sɛb a. Fʋ na kanɩ a na kʋ̀ a bɛlɩ dem za na na be a Ŋmɩn-yir-kpɛ̃ɛ pʋɔ a, nɩ a bɛlɩ dem za na na yi a Zuda tẽ-bɛrɛ pʋɔ wa a.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:14

Nyɩ ƴãw mʋta-tuo be be, nyɩ tɛr kpaa-ta-sõw, nyɩ bʋɔlɩ a nɩ-kore nɩ a tẽw nɩbɛ za ɓã taa a Sore tɩ Naaŋmɩn yir pʋɔ, ɛ́ zɛlɛ ʋ yãayãa.

Levitɩ mɩnɛ 23:27

“A cuwr ayopõi sob bibie pie sob na ɩ n a yel-bebe suur-dɩ-kʋ̀b bibi-kpɛ̃ɛ. Nyɩ na mɩ́ ɓã n taa a ɩ̃ ƴãwfʋ ƴãw, nyɩ na mɩ́ tɛr'ɩ mʋta-tuo ɛ́ nyɩw de-kʋ̀b bom kʋ̀ a Sore.

Zonasɩ 3:5

A Nɩnɩɩvʋ tẽw dem tɩ sàw na de a Naaŋmɩn ƴɛ̀rʋ. Bɛ tɩ hier'a yel kɛ́ ŋa za mɩ́ tɛr mʋta-tuo ɛ́ su vʋɔrɩ kparɩ, a nɩ-bɛrɛ tɩ tɔ a bibiir.

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Ƴɛ̀r-dɩrbɛ 20:26

Lɛ n'a a Ɩsɩrayɛl nɩbɛ za tɩ cen a Betɛl. Bɛ tɩ zɩ̃ n a Sore niŋé kõ, ɛ́ tɛr mʋta-tuo a ʋlɩ bibir nɛ tɩ ta n a zaanʋɔra. Bɛ tɩ maal'ɩ nyɩw-a-za-bàwr nɩ ƴã-ɓaarʋ bàwr kʋ̀ a Sore.

1 Samɩɛl 7:6

A Ɩsɩrayɛl nɩbɛ tɩ ɓã n taa a Misɩpa. Bɛ tɩ 'wɔ̃w nɩ kʋ̃ɔ cir bɛr a tẽw a Sore niŋé. A ʋlɩ bibir a, bɛ tɩ tɛr'ɩ mʋta-tuo a be ɛ́ yel à ŋá: «Tɩ maal'ɩ yel-bier sãw a Sore.» A Misɩpa be n'a a Samɩɛl tɩ ɩ a Ɩsɩrayɛl nɩbɛ ƴɛ̀r-dɩrɛ.