Zeremi 36:6 - A SƐB-SÕW

⁶ Ɛcɛ fʋ̃ʋ a, cen fʋ mɩŋa a Ŋmɩn-yir-kpɛ̃ɛ pʋɔ mʋta-tuo tɛrʋ bibir kãw, tɩ zɛw kɔkɔr kanɩ a Sore ƴɛ̀rʋ al za ɩ̃ na yel fʋ sɛb a. Fʋ na kanɩ a na kʋ̀ a bɛlɩ dem za na na be a Ŋmɩn-yir-kpɛ̃ɛ pʋɔ a, nɩ a bɛlɩ dem za na na yi a Zuda tẽ-bɛrɛ pʋɔ wa a.

Zeremi 36:6 ပူးပေါင်းရင်းမြစ်များ

Zeremi 18:11

Ƴɛrɛŋa a, Zeremi i, ƴɛ̀r a Zuda nɩbɛ nɩ a bɛlɩ dem na kpɩɛr a Zerizalɛm a zie à ŋá: “À ŋá n'a a Sore yere: ɩ̃ cɔbrɛ nɩ kpɩɛrʋ a nyɩ ƴãw, ɩ̃ tɩɛrɛ nɩ yele a nyɩ ƴãw. A nyɩ kãw za, ʋ mɩ́ bɛr a ʋ ɩ-faa. Sɩza, nyɩ lɩɛbɩ a nyɩ vʋʋrʋ nɩ a nyɩ ɩb.”»

Zeremi 19:14

A Zeremi tɩ yi n a Tafɛtɩ be a Sore na tɩ tõ ʋ ʋ tɩ ƴɛ̀r a naaŋmɩn-ƴɛ̀r-manɛ ƴɛ̀rʋ a lɛb wa, wa àr a Sore Yir davʋra pʋɔ ɛ́ yel a nɩbɛ za zie à ŋá:

Zeremi 22:2

Fʋ na tɩ yel'a: “A fʋ̃ʋ, Zuda tẽw nãà, na zɩ̃ a Daviir naalʋ-dà-kɔw zu a, a fʋ̃ʋ, a fʋ tõ-tõ-bi-bɛrɛ nɩ a fʋ nɩbɛ za na tuur a dɩ̃dɛɛ á ŋá ƴãw kpɩɛr a, nyɩ wone a Sore ƴɛ̀rʋ.”

Zeremi 26:2

«À ŋá n'a a mãa, a Sore, yere: Cen tɩ àr a Ŋmɩn-yir-kpɛ̃ɛ davʋra pʋɔ. Ƴɛ̀r a ƴɛ̀rʋ ŋa kʋ̀ a bɛlɩ dem za na mɩ́ yi a Zuda tẽ-bɛrɛ za pʋɔ wa puori a Sore yir ŋa pʋɔ a. Ƴɛ̀r a ƴɛ̀rʋ al za ɩ̃ na na yel kɛ́ fʋ ƴɛ̀r kʋ̀ bɛ a. Taa íre ƴɛ̀r-bir-been bɛrɛ ɩ.

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 36:4

A Zeremi tɩ zɛlɩ nɩ Neriya bidɛb, Barukɩ, sõwfʋ. Ʋ tɩ yel'ɩ a ƴɛ̀rʋ al za a Sore na yel kʋ̀ ʋ a, ɛ́ a Barukɩ sɛb a ƴãw sɛb-pila pʋɔ.

Zeremi 7:2

Àr a Ŋmɩn-yir-kpɛ̃ɛ dɩ̃dɔr ƴãw, ɛ́ hieri a ƴɛ̀rʋ á ŋá a be: «Nyɩ bɛrɛ wone a Sore ƴɛ̀rʋ, a nyɩɩm Zuda tẽw nɩbɛ za na tuur a dɩ̃dɔr ŋa ƴãw kpɩɛr a ɩ̃ puoru a.

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Nɩ-toni 27:9

Tɩ tɩ kɔwr'ɩ a be yaga, ɛ́ a gbor duwfʋ wa tɩ ɩrɛ dɛ̃bɩ̃ɛ, bʋ̃ʋ n'ʋ vɛ̃, a mʋta-tuo bibir tɩ tɔl'a baarɩ. Lɛ n'a a Pol tɩ yel a lɛ ʋ na nyɛ̃ a: