Zeremi 36:18 - A SƐB-SÕW

¹⁸ A Barukɩ tɩ sɔw bɛ na: «A Zeremi n'ʋ tɩ ƴɛ̀rɛ a ƴɛ̀rʋ á ŋá za kʋ̀rɛ mɛ̃, ɩ̃ɩ tɩ sɛbr a nɩ sɛb-dale-kʋ̃ɔ ƴãwnɛ a sɛb-pila pʋɔ.»

Zeremi 36:18 ပူးပေါင်းရင်းမြစ်များ

Zeremi 36:2

«De gan-sɛbɛ na na tʋ̃ɔ́ pili a, sɛb a ʋ pʋɔ, a ƴɛ̀rʋ al za ɩ̃ na ƴɛ̀r càar'ɩ a Ɩsɩrayɛl naalʋ-tẽw, a Zuda naalʋ-tẽw nɩ a tẽ-yoru a, a na tĩ a lɛn daar ɩ̃ na ƴɛ̀r a fʋ zie, a Zozɩasɩ naalʋ-dɩb daar, wa tɔ a dɩ̃a a.

Zeremi 36:27

A nãà na tɩ nyɩw a sɛbɛ ʋl na tɛr a ƴɛ̀rʋ al a Zeremi na tɩ ƴɛ̀r a Barukɩ sɛb a bɛr baarɩ a, a Sore tɩ ƴɛ̀r'ɩ a Zeremi zie à ŋá:

Zeremi 36:32

Lɛ n'a a Zeremi tɩ bɔ sɛb-pila ƴen sob kʋ̀ a Neriya bidɛb, Barukɩ, na ɩ a sɛ-sɛbrɛ a. A Barukɩ tɩ sɛb'ɩ a lɛ za a Zeremi na tɩ yere kʋ̀rɛ ʋ a, ƴãw a sɛbɛ ʋl pʋɔ: a ƴɛ̀rʋ al za na tɩ be a sɛb-dãw-niwn sob ʋl a Zuda tẽw nãà na tɩ nyɩw bɛr a pʋɔ a. Ƴɛ̀rʋ yaga na tɩ ŋmɛ̃ taa nɩ a al a, tɩ sɛb'a ƴãw pʋɔ.

Zeremi 36:4

A Zeremi tɩ zɛlɩ nɩ Neriya bidɛb, Barukɩ, sõwfʋ. Ʋ tɩ yel'ɩ a ƴɛ̀rʋ al za a Sore na yel kʋ̀ ʋ a, ɛ́ a Barukɩ sɛb a ƴãw sɛb-pila pʋɔ.

Zeremi 45:1

A lɛn daar, a Neriya bidɛb, Barukɩ, na tɩ sɛbr a ƴɛ̀rʋ al za a naaŋmɩn-ƴɛ̀r-manɛ Zeremi na tɩ yere kʋ̀rɛ ʋ a, a Zuda tẽw nãà, Yoyakim, na ɩ Zozɩasɩ bidɛb a, naalʋ-dɩb yome anaar sob daar tɩ n'a. Lɛ n'a a Zeremi tɩ yel a Barukɩ: