Zeremi 36:10 - A SƐB-SÕW

¹⁰ A Ŋmɩn-yir-kpɛ̃ɛ pʋɔ a, a Barukɩ tɩ zɛw nɩ kɔkɔr kanɩ a Zeremi ƴɛ̀rʋ za na sɛb a sɛb-pila pʋɔ a, a bɛlɩ dem za na tɩ be a be a niŋé. Safan na tɩ dãw ɩ a sɛ-sɛbrɛ a bidɛb, Gemarɩahu, dĩó n'a ʋ tɩ àr. A dĩo ŋa tɩ be n a Ŋmɩn-yir-kpɛ̃ɛ davʋra ʋl na be a saa-zu a pʋɔ, pɩɛlɩ a dɩ̃dɔ-Paala.

Zeremi 36:10 ပူးပေါင်းရင်းမြစ်များ

2 Samɩɛl 20:25

Sewa tɩ n'ɩ a sɛ-sɛbrɛ. Sadɔkɩ nɩ Abɩataar tɩ ɩ n bàwr-maalbɛ.

2 Samɩɛl 8:17

Ahituvʋ bidɛb, Sadɔkɩ, nɩ Abɩataar bidɛb, Ahimelɛkɩ, tɩ ɩ n bàwr-maalbɛ. Seraya tɩ ɩ n sɛ-sɛbrɛ.

1 Na-mɩnɛ 6:36

Al pùorí, bɛ tɩ mɛ n dacin viiri koli a davʋrle, kʋsɛ-pɛnɩ gbɛlɛ ata na dɔwlɩ taa a, nɩ sɛɛdɩr tɩɛ wɛwr gbɛ̀l-been.

2 Na-mɩnɛ 15:35

Ɛcɛ ʋ tɩ cãà na bɛr a maalʋ-ziir, a nɩbɛ cãà cere tɩ maalɛ a bagɛ, ɛ́ nyɩwr a tɩ-suur-zɔ̃-na-nyùur-vla-vla-a. A Yotam n'ʋ tɩ mɛ a Sore Ŋmɩn-yir-kpɛ̃ɛ dɩ̃dɔ-kpɛ̃ɛ.

2 Na-mɩnɛ 18:37

Al pùorí, a Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a, a sɛ-sɛbrɛ Sevina nɩ a Asafʋ bidɛb, Yoa, na mɩ́ ƴɛ̀rɛ a nãà yúor ƴãw a, tɩ taw nɩ a bɛ kparɩ cɩɛrɩ. Ɛ́ lɛb wa a Ezekɩasɩ zie wa manɩ a lɛ a Asiiri tẽw dem sojarɩ nɩ-kpɛ̃ɛ, na mɩ́ be a nãà zie a, na yel a, kʋ̀ ʋ.

2 Na-mɩnɛ 22:3

A Zozɩasɩ naalʋ-dɩb yome pie nɩ ani sob daar'a, ʋ tɩ tõ a sɛ-sɛbrɛ Safan, na ɩ Asalɩahu bidɛb, ɛ́ ɩ Mesulam yãw a, a Ŋmɩn-yir-kpɛ̃ɛ́.

Zeremi 26:10

A Zuda tẽw tõ-tõ-bi-bɛrɛ na wa wõ a yele a, bɛ yi n a nãà yir do a Ŋmɩn-yir-kpɛ̃ɛ́ tɩ zɩ̃ a ƴɛ̀rʋ-dɩb ƴãw, a Ŋmɩn-yir-kpɛ̃ɛ dɩ̃dɔ-Paala ƴãw.

Zeremi 26:24

Ɛcɛ Safan bidɛb, Ahikam, tɩ piw nɩ a Zeremi tɛr. A ʋl zũú a, a Zeremi bɛ tɩ lo a tẽw nɩbɛ na tɩ bɔbr a ʋ kʋb a nuru pʋɔ ɩ.

Zeremi 29:3

Ʋ tɩ kʋ̀ n a ʋ sɛb-tʋɔla Safan bidɛb, Eleasa, nɩ Hɩlkɩa bidɛb, Gemarɩa. Bʋ̃ʋ n'ʋ vɛ̃, a Zuda tẽw nãà Sedesɩasɩ tɩ tõ bɛ nɩ a Babɩlɔn, a nãà Nabikodonozɔɔr zie. A sɛb-tʋɔla ŋa tɩ yere nɩ à ŋá:

Zeremi 35:4

Ʋ tɩ tɛr bɛ na cen nɩ a Ŋmɩn-yir-kpɛ̃ɛ́, a Naaŋmɩn nɩr Yigidalɩahu bidɛb, Hanan, po-tuurbɛ dĩó. A dĩo ŋa tɩ ɓɛrɩ nɩ a nɩ-bɛrɛ dĩo, ɛ́ be a Salum bidɛb, Maaseyahu, a bàwr-maalɛ ʋl na piwre a Ŋmɩn-yir-kpɛ̃ɛ dɩ̃dɔr a, dĩo saa-zu.

Zeremi 36:11

Ɛcɛ Gemarɩahu bidɛb, Mɩkayehu, na ɩ Safan yãw a, tɩ wõ n a Sore ƴɛ̀rʋ za a Barukɩ na tɩ kanɩ a sɛbɛ pʋɔ a.

Zeremi 36:25

Ɛcɛ Ɛlnatan, Delayahu nɩ Gemarɩahu tɩ ƴãw nɩ fãw zɛlɛ a nãà k'ʋʋ ta nyɩw a sɛbɛ bɛr ɛ. Ɛcɛ ʋ bɛ tɩ bɛr wõ bɛ ɩ.

Zeremi 36:6

Ɛcɛ fʋ̃ʋ a, cen fʋ mɩŋa a Ŋmɩn-yir-kpɛ̃ɛ pʋɔ mʋta-tuo tɛrʋ bibir kãw, tɩ zɛw kɔkɔr kanɩ a Sore ƴɛ̀rʋ al za ɩ̃ na yel fʋ sɛb a. Fʋ na kanɩ a na kʋ̀ a bɛlɩ dem za na na be a Ŋmɩn-yir-kpɛ̃ɛ pʋɔ a, nɩ a bɛlɩ dem za na na yi a Zuda tẽ-bɛrɛ pʋɔ wa a.

Zeremi 36:8

A Neriya bidɛb, Barukɩ, tɩ ɩ n a lɛ tɔr za a naaŋmɩn-ƴɛ̀r-manɛ Zeremi na tɩ yel k'ʋʋ ɩ a. Ʋ tɩ cen nɩ a Ŋmɩn-yir-kpɛ̃ɛ pʋɔ tɩ kanɩ a Sore ƴɛ̀rʋ na sɛb ƴãw a sɛb-pila ʋl pʋɔ a.

Zeremi 43:3

Ɛcɛ a Neriya bidɛb, Barukɩ, ʋlɛ n'ʋ dɔ̀nɛ fʋ ƴãwn a tɩ ƴãw, ʋ bɔbr'a k'ʋʋ de tɩ ƴãw a Babɩlɔn tẽw dem nuru pʋɔ, kɛ̀ bɛ kʋ tɩ, bɩɩ diw tɩ cen nɩ a Babɩlɔn tẽw.»

Zeremi 52:25

Ʋ mɩ̀ tɩ ƴãw na bɛ nyɔw a tõ-tõ-bi-kpɛ̃ɛ kãw na so a sojarɩ kaafʋ a, al pùorí a ɩ a nãà yir tõ-tõ-biir ayopõi. Ʋ mɩ̀ tɩ cãà na ƴãw bɛ nyɔw a zɛbr-nɩbɛ nɩ-kpɛ̃ɛ sɛ-sɛbrɛ na so a sojarɩ íru a, nɩ a Zuda tẽw tẽ-biir lɩz'a ata. A nɩbɛ bɛ ŋa za tɩ be n a Zerizalɛm a lɛn daar.

Ezekɩɛl 40:38

Dile kãw tori nɩ a saa-pɛrɩ́-gʋba-lowr dɩ̃dɔr dĩo. A dile ŋa pʋɔ a, bɛ mɩ́ pɛ́w nɩ a dʋn bɛ na kʋ a nyɩw-a-za-bàwr ƴãw a.