Zeremi 35:4 - A SƐB-SÕW

⁴ Ʋ tɩ tɛr bɛ na cen nɩ a Ŋmɩn-yir-kpɛ̃ɛ́, a Naaŋmɩn nɩr Yigidalɩahu bidɛb, Hanan, po-tuurbɛ dĩó. A dĩo ŋa tɩ ɓɛrɩ nɩ a nɩ-bɛrɛ dĩo, ɛ́ be a Salum bidɛb, Maaseyahu, a bàwr-maalɛ ʋl na piwre a Ŋmɩn-yir-kpɛ̃ɛ dɩ̃dɔr a, dĩo saa-zu.

Zeremi 35:4 ပူးပေါင်းရင်းမြစ်များ

1 Na-mɩnɛ 12:22

Ɛcɛ Naaŋmɩn tɩ ƴɛ̀r'ɩ a ʋ ƴɛ̀r-manɛ Semaya zie yel ʋ à ŋá:

1 Na-mɩnɛ 13:1

Zɩ̃ k'aa Sore na yel a zũú a, Naaŋmɩn nɩr kãw tɩ yi n a Zuda tẽw wa ta a Betɛl, a lɛn daar a Zerobowam na tɩ nyɩwr bàwr-maal-bom, a bàwr-maal-kuur zu a.

1 Na-mɩnɛ 13:26

Ʋlɛ n'ʋ tɩ ɩ a Naaŋmɩn nɩr ʋ lɛb wa a Betɛl. Ʋ na wa wõ a yel ŋa a, ʋ yel'a: «A Naaŋmɩn nɩr na zawrɩ a Sore nʋɔr a n'ʋ. A Sore bɛr ʋ na kʋ̀ a gbẽw, ʋ nyɔw ʋ kʋ, mɛ̃ a lɛ a Sore na tɩ yel a.»

1 Na-mɩnɛ 17:18

A ʋ mã tɩ yel'ɩ a Eli à ŋá: «Mãa nɩ fʋ̃ʋ mɩ̀ bʋnʋ, Naaŋmɩn nɩr i? Fʋ wa n a ɩ̃ zie, kɛ́ fʋ wa lɛb sɩ̃w a ɩ̃ sãwna tɩɛrʋ a Naaŋmɩn zie, ɛ́ ɩ a ɩ̃ bidɛb ʋ kpi bɩɩ?»

1 Na-mɩnɛ 17:24

A pɔw tɩ yel ʋ na: «Ƴɛrɛŋa a, ɩ̃ bãw na kɛ́ fʋ ɩ n Naaŋmɩn nɩr. A Sore ƴɛ̀rʋ sɩrɩ na be a fʋ nʋɔrɩ́.»

1 Na-mɩnɛ 20:28

A Naaŋmɩn nɩr tɩ lɛb'a wa páw a Ɩsɩrayɛl nãà, yel ʋ: «À ŋá n'a a Sore yere: “A Siiri tẽw dem na faa yel k'aa mãa, a Sore, ɩ̃ ɩ n tan pʋɔ Naaŋmɩn, k'ɩ̃ɩ bɛ ɩ zi-tɩ̃talɛ pʋɔ Naaŋmɩn a, ɩ̃ na ƴãw nɩ a bɛ zɛbr-nɩ-yaga yaga bɛ ŋa a fʋ nuru pʋɔ. À ŋá n'a nyɩ na bãw kɛ́ mãa n'ɩ a Sore.”»

2 Na-mɩnɛ 1:9

A nãà tɩ tõ n sojarɩ lɩz'a ayi nɩ pie nɩ-kpɛ̃ɛ, nɩ a ʋ nɩbɛ lɩz'a ayi nɩ pie, kɛ́ bɛ tɩ nyɔw a Eli. Bɛ tɩ do n a tãw zu-sɔw a Eli na zɩ̃ a. A sojarɩ nɩ-kpɛ̃ɛ tɩ yel ʋ na: «Naaŋmɩn nɩr i, siw! A nãà nʋɔr'ʋ!»

2 Na-mɩnɛ 12:9

A bàwr-maalbɛ tɩ sàw na kɛ́ bɛ ta cãà dier libie a nɩbɛ zie ɩ, ɛ́ mɩ̀ ta cãà kaarɛ a Ŋmɩn-yir-kpɛ̃ɛ maal-ƴãwfʋ zie ɩ.

2 Na-mɩnɛ 25:18

A nãà gùrbɛ nɩ-kpɛ̃ɛ tɩ ƴãw na bɛ nyɔw a bàwr-maal-kara Seraya, a ʋ tuure Sefanɩahu nɩ a bàwr-maalbɛ ata na gùre a Ŋmɩn-yir-kpɛ̃ɛ dɩ̃dɔr a.

2 Na-mɩnɛ 5:14

A lɛ n'a a Naaman tɩ siw a Zurdɛ̃ manɩ́, tɩ kpɛ mʋr a kʋ̃ɔmɩ́ gb'a ayopõi, mɛ̃ a lɛ a Elize na yel a. A ʋ ƴã-gan tɩ lɛb'a ɩ mɛ̃ bibi-cãpile ƴã-gan a, ʋʋ lɛb vɩɛl.

2 Na-mɩnɛ 5:20

ɛ́ a Naaŋmɩn nɩr Elize tõ-tõ-bie, Gehazi, tɩɛr ʋ pʋɔ: «A ɩ̃ nɩ-kpɛ̃ɛ bɛr'ɩ a Naaman, a Siiri tẽw dem nɩr ŋa, ʋ zawr'ɩ a bome ʋ na wa n a. A Sore na vʋʋrɛ a zũú, mãa na diw na bɩɛrɩ ʋ, tɩ páw bʋ̃-kãw a ʋ zie!»

2 Na-mɩnɛ 6:10

Lɛ n'a a Ɩsɩrayɛl tẽw nãà tɩ ƴãw sojarɩ bɛ cen tɩ piwre a zie a Naaŋmɩn nɩr na wul a. A tɩ ɩ n à à ŋá gb'aa yaga: a Elize mɩ́ tɩ ɩ na a Ɩsɩrayɛl nãà bãwnɩ a, gù ʋ tʋɔra.

2 Na-mɩnɛ 7:17

A nãà tɩ yel'ɩ a sojarɩ nɩ-kpɛ̃ɛ na mɩ́ bɩɛlɛ ʋ kʋralɛ a, k'ʋʋ cen tɩ piwre a yele na ɩrɛ a tẽw dɩ̃dɔr nʋɔr a. Ɛcɛ a zu-sɛbla tɩ nɛb ʋ na gbem'ɩ a dɩ̃dɔr ʋ kpi, mɛ̃ a lɛ a Naaŋmɩn nɩr Elize na tɩ yel, a lɛn daar a nãà na tɩ wa páw ʋ a.

2 Na-mɩnɛ 7:2

A Ɩsɩrayɛl tẽw nãà sojarɩ nɩ-kpɛ̃ɛ kãw na mɩ́ bɩɛlɛ ʋ kʋralɛ a, tɩ sowr'ɩ a Elize: «A Sore mɩ̀ saa tɩ ɩ mɛ̃ ʋ puo nɩ vɛɛ a salom zu, bɛr bʋ̃-bie a siw a, a fʋ ƴɛ̀rʋ ŋa na tʋ̃ɔ́ na tu u?» A Elize sɔw: «Fʋ na nyɛ̃ a na nɩ mimir, ɛ́ kʋ̃ dɩ a ɩ.»

1 Bibie za yel-manɩ 9:27

A tɩ̃ɩsɔw a, bɛ mɩ́ tɩ gã na pɩɛlɩ a Ŋmɩn-yir-kpɛ̃ɛ, bʋ̃ʋ n'ʋ vɛ̃, bɛlɛ nɛbɛ tɩ so a ʋ gùb, ɛ́ bɛlɛ nɛbɛ mɩ́ tɩ yuo ʋ biɓaara za.

2 Bibie za yel-manɩ 8:14

Mɛ̃ a lɛ a ʋ sãà Daviir na tɩ yel a, a Salomɔ̃ tɩ zɩɩl'ɩ a bàwr-maalbɛ palɛ palɛ a bɛ tome pʋɔ, nɩ a levitɩ mɩnɛ na so a Sore danʋ yielu, bɩɩ be a bàwr-maalbɛ sõwfʋ ƴãw a. Ʋ mɩ̀ tɩ báa na zɩɩlɩ a dɩ̃dɔ-gùrbɛ na gùre a Ŋmɩn-yir-kpɛ̃ɛ dɩ̃dɛɛ a. À ŋá n'a a Naaŋmɩn nɩr Daviir tɩ yel k'aa ɩ.

Sɛb-sõw yielu 84:10

Naaŋmɩn i, jɩ́r a nãà kaa, ʋlɛ n'ɩ a tɩ zɛbr-kur-pãgala, jɩ́r a fʋ nɩr fʋ na kaa ír a kaa.

Zeremi 21:1

Nyɛ̃ a ƴɛ̀rʋ a Sore na tɩ ƴɛ̀r kʋ̀ a Zeremi a nãà Sedesɩasɩ ƴãw a. A nãà tɩ tõ n Malkɩa bidɛb, Pasehuur, nɩ Maaseya bidɛb, Sefanɩa, na ɩ bàwr-maalɛ a, a Zeremi zie, kɛ́ bɛ tɩ yel ʋ à ŋá:

Zeremi 26:10

A Zuda tẽw tõ-tõ-bi-bɛrɛ na wa wõ a yele a, bɛ yi n a nãà yir do a Ŋmɩn-yir-kpɛ̃ɛ́ tɩ zɩ̃ a ƴɛ̀rʋ-dɩb ƴãw, a Ŋmɩn-yir-kpɛ̃ɛ dɩ̃dɔ-Paala ƴãw.

Zeremi 35:3

Lɛ n'a a Zeremi tɩ cen tɩ páw Yirmeyahu bidɛb, Yaazanɩa, mɩ̀ na ɩ Havasɩnɩa yãw a, lãwnɩ a ʋ yɛbr nɩ a bɛ bibiir, a pɛr lɛ k'aa Erekaavʋ dɔwlʋ nɩbɛ za.

Zeremi 52:24

A nãà gùrbɛ nɩ-kpɛ̃ɛ tɩ ƴãw na bɛ nyɔw a bàwr-maal-kara, Seraya, a ʋ tuure Sefanɩa, nɩ a bàwr-maalbɛ ata bɛl na gùre a Ŋmɩn-yir-kpɛ̃ɛ dɩ̃dɔr a.

Ezekɩɛl 40:38

Dile kãw tori nɩ a saa-pɛrɩ́-gʋba-lowr dɩ̃dɔr dĩo. A dile ŋa pʋɔ a, bɛ mɩ́ pɛ́w nɩ a dʋn bɛ na kʋ a nyɩw-a-za-bàwr ƴãw a.

Ezekɩɛl 43:8

A na-mɩnɛ ƴãw nɩ a bɛ nãà yir dɩ̃dɛɛ nɩ a bɛ dɩ̃dɛɛ dàar a pɩɛlɩ a ɩ̃ dem, ɛ́ ƴãw dacin ʋ bʋ́r a ɩ̃ yir nɩ a bɛ yir. Bɛ ɩ n a ɩ̃ yo-sõw la. Bʋ̃ʋ n'ʋ vɛ̃, bɛ ɩ n ɩb na bɛ maal'ɩ wob a. Alɛ n'a so ɩ̃ kʋ bɛ pàw pɛr a ɩ̃ suur pʋɔ.

Wulu-ayi-sob 33:1

A nɔ-vla a Naaŋmɩn nɩr Moyiir na ƴɛ̀r ƴãw a Ɩsɩrayɛl nɩbɛ ɛ́ bãw kpi a n'ɩ ŋa:

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 3:17

k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

Zozue 14:6

Bibir kãw, Zuda dɔwlʋ nɩbɛ kãw tɩ wa na wa páw a Zozue a Gilgal. Kenaazɩ dɔwlʋ, Yefune bidɛb, Kalɛb, tɩ yel'ɩ a Zozue: «Fʋ mɩŋa za bãw nɩ a lɛ a Sore na yel kʋ̀ a Naaŋmɩn nɩr Moyiir, a ɩ̃ ƴãw nɩ a fʋ ƴãw a Kadɛsɩ-Barneya a.

1 Samɩɛl 2:27

Naaŋmɩn nɩr kãw tɩ wa na wa páw a Eli yel ʋ à ŋá: «À ŋá n'a a Sore yere: Ɩ̃ wul'ɩ ɩ̃ tʋɔra a fʋ sãàkʋm-kore, a lɛn daar bɛ na tɩ be a Faarawɔ̃ nuru pʋɔ a Eziptɩ a: