Zeremi 34:8 - A SƐB-SÕW

⁸ A Sore tɩ lɛb'a ƴɛ̀r a ʋ ƴɛ̀rʋ kʋ̀ a Zeremi, yele á ŋá pùorí: a nãà Sedesɩasɩ tɩ maal'ɩ wõ-taa nɩ a Zerizalɛm nɩbɛ, kɛ́ bɛ yel k'aa gbãgbaar so nɩ bɛ tʋɔra.

Zeremi 34:8 ပူးပေါင်းရင်းမြစ်များ

2 Na-mɩnɛ 11:17

A Yehoyada tɩ maal'ɩ wõ-taa nɩ a Sore nɩ a nãà nɩ a nɩbɛ, k'aa nɩbɛ tʋ̃ɔ́ ɩ a Sore nɩbɛ. Ʋ mɩ̀ tɩ maal'ɩ wõ-taa a nãà nɩ a nɩbɛ cara pʋɔ.

2 Bibie za yel-manɩ 23:16

A Yehoyada tɩ bin nɩ wõ-taa a ʋl nɩ a nɩbɛ za nɩ a nãà cara pʋɔ, k'aa nɩbɛ tʋ̃ɔ́ ɩ Naaŋmɩn nɩ-bʋʋrɛ.

2 Bibie za yel-manɩ 29:10

Ƴɛrɛŋa a, ɩ̃ bɔbr'a k'ɩ̃ɩ maal'ɩ a Sore, a Ɩsɩrayɛl Naaŋmɩn, wõ-taa, a ʋ su-tʋlʋ a tɩ ƴãw tʋ̃ɔ́ ɓãá.

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Ɩzayi 61:1

A Sore Naaŋmɩn Vʋʋrʋ be n a ɩ̃ zu. Bʋ̃ʋ n'ʋ vɛ̃, ʋ cir'ɩ a kãá ƴãw a ɩ̃ zũú kabrɩ mɛ̃ k'ɩ̃ɩ tɩ yel yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ mɔwlɩ a pʋ-sãwna dem, k'ɩ̃ɩ tɩ hieri yel a nɩbɛ bɛ na diw cen nɩ a, kɛ́ bɛ na lɛb'a so bɛ tʋɔra, nɩ a nɩbɛ na be a gaso pʋɔ a, kɛ́ bɛ na lɛb'a nyɛ̃ a mʋ̃tɔ̃w cãà.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Levitɩ mɩnɛ 25:10

À ŋá n'a nyɩ na wul k'aa yome lɩz'a ayi nɩ pie sob ɩ n yũon-sõw, ɛ́ nyɩ na hier'a yel k'aa tẽw nɩbɛ za lɛb'a so bɛ tʋɔra. Ʋ na ɩ n Pʋ-pɩɛlʋ yũon a nyɩ zie. A nyɩ kãw za na tʋ̃ɔ́ na mɩ́ lɛb so a ʋ ziir, ɛ́ lɛb kpɛ a ʋ sãà yir.

Wulu-ayi-sob 15:12

A nyɩ yɛbr nɩ a nyɩ yeepuuli na ɩ ebre a pʋɔ a, dɛb bɩɩ pɔw wa kʋɔrɩ ʋ tʋɔra kʋ̀ nyɩ, ɛ́ tõ a nyɩ tome mɛ̃ gbãgbaa yome ayʋɔb a, a yome ayopõi sob a, nyɩ na bɛr ʋ na ʋ so ʋ tʋɔra.