Zeremi 34:5 - A SƐB-SÕW

⁵ Fʋ na kpi na nɩ ƴã-ɓaarʋ. Bɛ na nyɩw nɩ a parfɛ̃ a fʋ ƴãw, mɛ̃ a lɛ bɛ na tɩ nyɩw a, a fʋ sãà mɩnɛ ƴãw a, a bɛl na de niwn dɩ a naalʋ a fʋ ƴãw a. Bɛ na kõ n à ŋá a fʋ ƴãw: “'Woi! A nãà kpi na wɛ!” A mãa Sore, mãa n'ʋ yere kʋ̀rɛ fʋ.»

Zeremi 34:5 ပူးပေါင်းရင်းမြစ်များ

2 Na-mɩnɛ 22:20

Alɛ n'a so ɩ̃ na bɛr fʋ, fʋ lɛb cen tɩ páw a fʋ sãà mɩnɛ, ɛ́ siw a bɔw pʋɔ nɩ ƴã-ɓaarʋ, ɛ́ bɛ nyɛ̃ a faa al za ɩ̃ na na ɩ a páw a Zerizalɛm a ɩ.”» A bàwr-maal-kara Hɩlkɩahu nɩ a ʋ taabɛ tɩ lɛb'a wa n a sɔwfʋ ŋa, wa yel kʋ̀ a nãà Zozɩasɩ.

2 Bibie za yel-manɩ 16:14

Bɛ tɩ ũù ʋ nɩ yaa kãw pʋɔ ʋ na tɩ ƴãw bɛ tuw a «Daviir Tẽ-kpɛ̃ɛ» pʋɔ a. Gado na paalɩ parfɛ̃ nɩ bʋ̃-nyuure vla vla yaga yaga a zu n'a bɛ tɩ gaalɩ a ʋ kũu. Nɩbɛ na bãw a parfɛ̃ yele a nɛbɛ tɩ sʋ̃ɔmɩ bul cɔbrɩ a. Bɛ tɩ nyɩw nɩ a parfɛ̃ a mɩnɛ a ʋ ƴãw.

2 Bibie za yel-manɩ 34:28

ɩ̃ na bɛr fʋ na fʋ kpi n ƴã-ɓaarʋ. Fʋ na siw nɩ a bɔw pʋɔ ɛ́ bɛ nyɛ̃ a faa al za ɩ̃ na na ɩ a páw a Zerizalɛm a ɩ.”» A bàwr-maal-kara Hɩlkɩahu nɩ a ʋ taabɛ tɩ lɛb'a wa n a sɔwfʋ ŋa wa yel kʋ̀ a nãà Zozɩasɩ.

Zeremi 22:18

A na ɩ à ŋá a, à ŋá n'a a Sore yere a Zozɩasɩ bidɛb, Yoyakim, na ɩ a Zuda tẽw nãà a ƴãw: «A ʋ kũu daar a, bɛ kʋ̃ kõ lãwnɩ yel: “'Woi, ɩ̃ yɛb i! 'Woi, ɩ̃ yeepuule e!” Bɛ kʋ̃ kõ lãwnɩ yel: “'Woi, ɩ̃ Zu-sob i! 'Woi, ɩ̃ Nãà a!”

Zeremi 34:4

Ɛcɛ, Zuda tẽw nãà, Sedesɩasɩ i, fʋ̃ʋ wa bɛrɛ wone a lɛ ɩ̃ na yere kʋ̀rɛ fʋ a, fʋ kʋ̃ kpi zɛbr-sɔ-kpɛ̃ɛ kũu ɛ. A mãa Sore, mãa n'ʋ yere kʋ̀rɛ fʋ.

A Lãw-mʋɔlɛ 4:20

A sob nɛ na tɩ so kɛ̀ tɩ vʋʋrɛ a, a nɩr nɛ a Sore na tɩ ƴãw bɛ cir a kãá ƴãw a zũú a lo n a bɛ bɛrɩ pʋɔ. A ʋl ƴɛ̀rʋ n'a tɩ mɩ́ tɩ ƴɛ̀r à ŋá: «A ʋ gub zũú a, tɩ na vʋʋrɛ nɩ a nɩ-bʋʋr-yoru sɔgɔ.»

Ezekɩɛl 17:16

Ɩ̃ pɔ n nɩ a ɩ̃ nyɔ-vʋʋrʋ yel, a mãa Sore Naaŋmɩn: A Ɩsɩrayɛl nãà na kpi n a Babɩlɔn nãà tẽw pʋɔ, ʋl na zɩɩlɩ ʋ a naalʋ-dà-kɔw zu a. Bʋ̃ʋ n'ʋ vɛ̃, ʋ bɛ tu a pɔb ʋ na tɩ pɔ a ɩ, ʋ sãw nɩ a wõ-taa bɛr. A na ɩ lɛ a, a Babɩlɔn tẽw n'a a Ɩsɩrayɛl nãà na kpi.

1 Samɩɛl 31:12

A bɛl na kpɛ socir zuo bɛ za a, tɩ ìr'a lo a sɔ́r cen a tɩ̃ɩsɔw za, tɩ yàw a Sawul nɩ a ʋ bidɛbr kũuni a Bɛtɩ-Sean dacin zu, lɛb wa n a Yavɛsɩ wa nyɩw a.