Zeremi 33:6 - A SƐB-SÕW

⁶ «Ɛcɛ, ɩ̃ na sanɩ ʋ na, ɛ́ ɩ a ʋ bàalʋ baarɩ. Ɩ̃ na lɛb'a kʋ̀ a ʋ yie a ƴã-ɓaarʋ, ɛ́ ɩ a nɩbɛ bãw a ƴã-ɓaarʋ nɩ zie na bɛ bãw damnʋ a.

Zeremi 33:6 ပူးပေါင်းရင်းမြစ်များ

Sɛb-sõw yielu 147:3

Ʋ mɔwlɛ nɩ a pʋ-sãwnɩ dem, ɛ́ 'lene a bɛ natɩɛ.

Sɛb-sõw yielu 37:11

Ɛcɛ a su-siwri dem na so nɩ a tẽw, bɛ na tɛr'ɩ ƴã-ɓaarʋ bɔkɔɔ!

Sɛb-sõw yielu 67:2

Naaŋmɩn i, sàw zɔ tɩ nɩbaalʋ ɛ́ maalɩ tɩ, sàw tɛr niw-vla a tɩ ƴãw. Tɛw-àrʋ

Sɛb-sõw yielu 72:7

A ʋ daar a, mɩnʋ na be n be yaga, ɛ́ a ƴã-ɓaarʋ ʋr, lɛn daar za a cuw na na be be a!

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Ɩzayi 2:4

Ʋ na mɩ́ dɩ n a ƴɛ̀rʋ kʋ̀ nɩ-bʋʋrɛ na tɛr taw-taa a, ʋ na mɩ́ bãw nɩ nɩ-bʋʋr-yaga yele kʋ̀ bɛ. Bɛ na mɩ́ de nɩ a bɛ zɛbr-sɔ-bɛrɛ zuw maal'ɩ kue, ɛ́ de a bɛ kafine maal'ɩ sɔ-nɔ-gori. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 39:8

A Ezekɩasɩ tɩ sɔw nɩ a Ɩzayi: «A Sore ƴɛ̀rʋ ŋa fʋ na ƴɛ̀rɛ kʋ̀rɛ mɛ̃ a ɩ n ƴɛ̀r-vla.» Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ à ŋá: «A ɩ̃ cãafʋ daar a, a na ɩ n ƴã-ɓaarʋ nɩ zie na gã zoom a.»

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 57:18

Ɩ̃ nyɛ̃ nɩ a ʋ ɩb vla vla, ɛcɛ ɩ̃ na sanɩ ʋ na. Ɩ̃ na wul ʋ nɩ a sɔ́r, ɩ̃ na mɔwl'ʋ na. A bɛlɩ dem za na be wahala pʋɔ a,

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 58:8

Lɛ n'a a fʋ cãà na pur caalɩ mɛ̃ a zi-wɛl-paala a, ɛ́ a fʋ natɩr ɓãa fɔ̃w. A fʋ mɩnʋ na de fʋ nɩ niwn, ɛ́ a Sore yúor-vɩɛlʋ-danʋ pàw a fʋ pùor.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Zeremi 17:14

Sanɩ mɛ̃ Sore e, ɩ̃ɩ na sanɩ na. Faa mɛ̃, ɩ̃ɩ na nyɛ̃ nɩ a faafʋ. Bʋ̃ʋ n'ʋ vɛ̃, a fʋ danʋ n'a ɩ̃ yiele.

Zeremi 29:11

A mãa, a Sore, ɩ̃ bãw nɩ a yele al ɩ̃ na tɩɛrɛ a nyɩ ƴãw a, ɩ̃ɩ yere na kʋ̀rɛ nyɩ: kpɩɛrʋ yele bɛ n'a ɩ̃ tɩɛrɛ ɩ, nʋ̃ɔ̀ yele n'a. Ɩ̃ bɔbr'a k'ɩ̃ɩ kʋ̀ nyɩ nɩdaar nyɩ na na ƴãw a nyɩ tɩɛrʋ a ʋ ƴãw a.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

A naaŋmɩn-ƴèr-manɛ Oze sɛbɛ 6:1

A na ɩ à ŋá a, nyɩ yere na: «Nyɩ wa, nyɩ ɩ tɩ lɛb cen a Sore zie. Ʋlɛ n'ʋ ƴãw tɩ a bàalʋ, ʋ na sanɩ tɩ na. Ʋ ŋmɛ tɩ na, ɛ́ ʋlɛ n'ʋ na pɛ́w a tɩ natɩɛ,

A naaŋmɩn-ƴèr-manɛ Oze sɛbɛ 7:1

A lɛn daar ɩ̃ na mɩ́ bɔbr k'ɩ̃ɩ sanɩ a Ɩsɩrayɛl a, a lɛn daar'a ɩ̃ mɩ́ nyɛ̃ a Efarayim sãwna nɩ a Samaari nɩ-kʋ yele. Ziri n'a bɛ ŋmarɛ a ziir za, nyãnyuwr kpɩɛr'ɩ a yie pʋɔ, a yẽw a, nyãnyu-nɩ-kʋrbɛ bɛ bɛrɛ a nɩbɛ ɩ.

Mise 4:3

Ʋ na mɩ́ dɩ n a ƴɛ̀rʋ kʋ̀ nɩ-bʋʋr-yaga na tɛr taw-taa a, ʋ na mɩ́ bãw nɩ yele kʋ̀ ten na tɛr fãw a, alɛ saa zãá a. A na mɩ́ de nɩ a zɛbr-sɔ-bɛrɛ zuw maal'ɩ kue, ɛ́ de a kafine maal'ɩ sɔ̀rʋ. Tẽw kãw kʋ̃ mɩ́ lɛb ŋmãa nɩ tẽw kãw zɛbr ɛ, nɩr kʋ̃ lɛb cãà zanɛ zɛbr zɛbrʋ ɛ.

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Zã 10:10

Nyãnyuge bɛ waar, a bɛ ɩ zub nɩ kʋb nɩ sãw-bɛrʋ tɛwr ƴãw ɛ. Mãa wa na kɛ́ a nɩsaalbɛ wa tʋ̃ɔ́ páw a nyɔ-vʋʋrʋ, ɛ́ páw ʋ gʋr bɛr.

Efɛɛzɩ 6:23

A Naaŋmɩn Sãà nɩ a Sore Yeezu Kɩrɩta, bɛ kʋ̀ a yɛbr za ƴã-ɓaarʋ, nɔ̃w-taa nɩ naaŋmɩn-sàwfʋ.

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.