Zeremi 33:4 - A SƐB-SÕW

^4-5 À ŋá n'a a mãa, a Sore, a Ɩsɩrayɛl Naaŋmɩn, yere a Zerizalɛm yie nɩ a Zuda tẽw na-mɩnɛ yie ƴãw. A lo na. Zawlalɛ n'a nyɩ bɛ sàwr a zɛb-deb tome na tõ ɩ, ɛ́ zɛbr'ɩ a Babɩlɔn tẽw dem. A na ɩ na a tẽ-kpɛ̃ɛ paalɩ a nɩbɛ ɩ̃ na na kʋ a ɩ̃ su-faa faa pʋɔ a ƴã-gamɛ.

Zeremi 33:4 ပူးပေါင်းရင်းမြစ်များ

Ɩzayi 22:10

Nyɩ sɔr'ɩ a Zerizalɛm yie, nyɩ ŋmɛr'ɩ a mɩnɛ bɛr, k'aa dacĩ-bɛrɛ gub tʋ̃ɔ́ ɩ mɔlɛ.

Ɩzayi 32:13

Nyɩ kone ƴãwn a ɩ̃ nɩ-bʋʋrɛ tẽsɔw gɔ-tuwr na bule pàwr a, nyɩ kone ƴãwn a tẽ-kpɛ̃ɛ na maalɛ cuw a, yie za na be nʋ̃ɔ̀ pʋɔ a.

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 6:6

À ŋá n'a a Sore, a kpɛnʋ-za-sob, yere: «Nyɩ cɛ tɩɩr lɔb, nyɩ maalɩ gbĩgbin a Zerizalɛm zɛb-deb ƴãw.» Po-to-fãw-ɩb tɛwr'a be a ʋ pʋɔ, a sãá n'a.

A Lãw-mʋɔlɛ 2:7

A Sore zawr'ɩ a ʋ bàwr-maal-kuur bɛr, ʋ jɛ n a ʋ zi-sõw bɛr. Ʋ bɛr'ɩ a Sɩyɔ̃ yir-vɩɛlɩ a lo a dɔ̃ dem nuru pʋɔ. Gɔmɛ tɩ pàw nɩ a Sore yir mɛ̃ cuw bibir a.

Ezekɩɛl 21:22

A mãa mɩ̀ a, ɩ̃ mɩ̀ na gùr'ɩ cɔ̀rɛ ŋmɛ n, ɛ́ bɛr a ɩ̃ su-tʋlʋ kpãkpã ʋ ìr tɩ ta a ʋ tab zie. A mãa Sore Naaŋmɩn n'ʋ yel.»

Ezekɩɛl 26:8

Ʋ na sãw nɩ a tẽ-bɛr-kpɔwlɩ a kʋ̃ɔ-kpɛ̃ɛ nʋɔr bɛr. A pùorí, a Babɩlɔn tẽw dem na wɛ̀r'ɩ bɔwrɩ, bɛ na kaal'ɩ tanɛ gbõ taa, bɛ na pɩɛrɩ nɩ zɛbr-kur-pãgalɩ dacin a fʋ ƴãw, Tɩ́ɩ̀r tẽ-kpɛ̃ɛ ɛ.

Ezekɩɛl 4:2

Al pùorí, wul kɛ́ dɔ̃ dem ŋmãa na jil ʋ. Wɛr bɔwrɩ a ʋ ƴãw, kaalɩ tanɛ gbõ taa, ƴãw zɛbr-laɩ nɩ zɛbr bome a mɩnɛ viiri koli ʋ.

Habakukɩ 1:10

Bɛ ɩrɛ nɩ a na-mɩnɛ laar, ɛ́ a ten nɩ-bɛrɛ ɩ nɩ-ɩ-laarɩ a bɛ zie. Bɛ tobr bɛ ka zɛbr-yir-kpɛn ƴãw ɛ: bɛ mɩ́ kaal'ɩ tanɛ ɓã taa a do, ɛ́ bɛ zɛb de a been been.

Wulu-ayi-sob 20:20

Ɛcɛ a tɩɩr al a wɔmɛ na bɛ dɩrɛ a, nyɩ na tʋ̃ɔ́ na mɩ́ cɛ a lɔb, gɔr a, cɔbrɛ nɩ a tẽ-kpɛ̃ɛ na zɛbr'ɩ nyɩ a deb, ɛ́ gù ʋ wa tɩ lo.