Zeremi 33:18 - A SƐB-SÕW

¹⁸ Lɛ mɩ̀ n'a a bàwr-maalbɛ na mɩ́ yi a Levi dɔwlʋ pʋɔ a ƴãw: bɛ na mɩ́ be n be kʋralɛ maalɛ a nyɩw-a-za-bagɛ, ɩrɛ a de-kʋ̀b bome zʋ̀ʋ́r dúor waar a ɩ̃ zie, ɛ́ maalɛ a lãw-taa bagɛ bibie za.»

Zeremi 33:18 ပူးပေါင်းရင်းမြစ်များ

Ɛsɩdɩrasɩ 3:5

Al pùorí, bɛ tɩ maalɛ nɩ a bibi-vɩɛrɩ za bagɛ kʋralɛ, a cuw za bibi-dãw-niwn sob bagɛ, a Sore cuwr maalʋ daar bagɛ, nɩ a al a bɛlɩ dem na mɩ́ nɔnɛ maalɩ a.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Zeremi 33:19

A Sore tɩ lɛb'a ƴɛ̀r a Zeremi zie à ŋá:

Zeremi 33:22

Mɛ̃ a lɛ bɛ na kʋ̃ tʋ̃ɔ́ sɔ́r a ŋmar-bie na be a salom zu, nɩ a kʋ̃ɔ-kpɛ̃ɛ nʋɔr biire na bɛ dɩ vuo a, lɛ n'a ɩ̃ na ɩ a ɩ̃ tõ-tõ-bie Daviir bʋʋrɛ nɩ a Levi bʋʋrɛ na ɩ bàwr-maalbɛ tone a ɩ̃ tome a, bɛ yãwmɛ.»

Zeremi 35:19

A na ɩ à ŋá a, à ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: a Erekaavʋ bidɛb, Yonadavʋ, yir pʋɔ a, nɩr na mɩ́ be n be kʋralɛ àr a ɩ̃ niŋé bibie za.»

Ezekɩɛl 44:15

«A levitɩ mɩnɛ bɛl na ɩ bàwr-maalbɛ, ɩ a Sadɔkɩ bʋ̃-dɔwrɩ a, bɛ tɩ tõ n a ɩ̃ zi-sõw tome a lɛn daar a Ɩsɩrayɛl nɩbɛ na tɩ taw zãá nɩ a mãa Sore a. Alɛ n'a so, bɛl tɛwr nɛbɛ na tʋ̃ɔ́ wa wa tone a ɩ̃ tome. Bɛ na tʋ̃ɔ́ na mɩ́ de a bàwr nɛn-kãá nɩ a zɩ̃ɩ kʋ̀ m. A mãa Sore Naaŋmɩn n'ʋ yere.

Ezekɩɛl 45:5

Zi-yũo kãw a wogo na ɩ mɛtɩr tùr-pie nɩ ayi dɔwlɩ kɔbr anũu (12 500) ɛ́ a yɛ̀lʋ ɩ mɛtɩr túr-anũu (5 000) a na ɩ n a levitɩ mɩnɛ na tone a Ŋmɩn-yir-kpɛ̃ɛ pʋɔ a sób. A be a, bɛ na tɛr'ɩ tẽ-bɛrɛ kpɩɛr.

Sɔr-nɛ́ɛ 3:5

A Sore tɩ yel'ɩ a Moyiir:

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

Wulu-ayi-sob 18:1

A levitɩ mɩnɛ bɛl na ɩ bàwr-maalbɛ a nɩ a Levi bʋʋrɛ bɛl na cɛ a kʋ̃ tɛr tẽsɔw bɛ na põ ír kʋ̀ bɛ, mɛ̃ a Ɩsɩrayɛl nɩbɛ ŋmãa a ɩ. A bɛ dɩb ƴãw a, bɛ na so nɩ a Sore bàwr-maal-bome, nɩ a bome a mɩnɛ ʋ na so a.

Wulu-ayi-sob 24:8

Nyɩ maal ɩrɛ a kɔnʋ bàal-pɛ-bʋʋrɛ ƴãw: nyɩ cɛlɛ be tuur a lɛ za a levitɩ mɩnɛ bɛl na ɩ bàwr-maalbɛ a na na wule nyɩ a vla. Nyɩ sàwr a nɛ-ƴãwnɩ ɩ̃ na kʋ̀ bɛ a.

Zozue 3:3

yel a nɩbɛ à ŋá: «Nyɩmɛ wa nyɛrɛ a levitɩ mɩnɛ bɛl na ɩ bàwr-maalbɛ a bɛ tuo a Sore nyɩ Naaŋmɩn wõ-taa daga cere nɩ a, a lɛn daar a, nyɩɩm yi a zie ʋl nyɩ na be a, ɛ́ ìr tuur bɛ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 5:10

Fʋ ɩ na bɛ ɩ na-mɩnɛ nɩ-bʋʋrɛ nɩ bàwr-maalbɛ a tɩ Naaŋmɩn ƴãw, ɛ́ bɛ na dɩrɛ nɩ naalʋ a tẽw zu.»