Zeremi 32:29 - A SƐB-SÕW

²⁹ A Babɩlɔn tẽw dem na zɛbr'ɩ a tẽ-kpɛ̃ɛ ŋa a, na kpɛ n a ʋ pʋɔ, ɛ́ bɛ na sãw ʋ na bɛr, ɛ́ nyɩw ʋ bɛr. Baa zuo a za, bɛ na nyɩw nɩ a yie al pʋɔ a nɩbɛ na tɩ nyɩw parfɛ̃ a Báàl ƴãw, ɛ́ tɩr divɛ̃ de-kʋ̀b bom kʋ̀ ŋmɩn-sãanbɛ a gàrɛ zu, ɩ a ɩ̃ suur ìr a, bɛ na nyɩw a na bɛr.

Zeremi 32:29 ပူးပေါင်းရင်းမြစ်များ

2 Na-mɩnɛ 25:9

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr. Ʋ tɩ nyɩw nɩ a nɩ-tɩbrɛ za yie bɛr.

2 Bibie za yel-manɩ 36:19

A Babɩlɔn tẽw dem tɩ nyɩw nɩ a Ŋmɩn-yir-kpɛ̃ɛ bɛr, ɛ́ ŋmɛ a Zerizalɛm dacĩ-kpɛ̃ɛ lɔb, ɛ́ nyɩw a yir-vɩɛlɩ vɩɛlɩ bɛr, ɛ́ sãw a tẽw bʋ̃-vɩɛlɩ vɩɛlɩ za bɛr.

Neemi 8:16

Lɛ n'a a Ɩsɩrayɛl nɩbɛ tɩ cen tɩ kar a wuli wa maal'ɩ a sɛwr a bɛ garɛ zu, bɩɩ a bɛ davʋrɩ pʋɔ, bɩɩ a Ŋmɩn-yir-kpɛ̃ɛ davʋrɩ pʋɔ, nɩ a ziir al na tori a Kʋ̃ɔnɩ dɩ̃dɔr nɩ a Efarayim dɩ̃dɔr a.

Ɩzayi 22:1

Ƴɛ̀rʋ na ƴɛ̀r a “Yel-nyɛra fʋɔla” ƴãw a. Zerizalɛm i, bʋ̃ʋ n'ʋ so a fʋ nɩbɛ za do a gàrɛ zu?

Zeremi 11:17

A Sore, a kpɛnʋ-za-sob'ʋ tɩ sɛl ʋ. Ɛcɛ ƴɛrɛŋa a, ʋ ƴɛ̀rɛ nɩ dɔwrʋ ƴɛ̀rʋ kʋ̀rɛ ʋ, a faa a Ɩsɩrayɛl nɩ a Zuda ten dem na maalɩ a zũú. Bʋ̃ʋ n'ʋ vɛ̃, bɛ maal'ɩ bagɛ kʋ̀ a Báàl ƴãw a Sore suur ìr.

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Zeremi 32:3

A Sedesɩasɩ tɩ ƴãw na bɛ pàw ʋ a be, bʋ̃ʋ n'ʋ vɛ̃, ʋ tɩ yere na k'aa Zeremi sãw na, ʋ na yel a Sore ƴɛ̀rʋ ŋa a: «Ɩ̃ na de nɩ a Zerizalɛm ƴãw a Babɩlɔn tẽw nãà nuru pʋɔ, ʋ na zɛb'a de ʋ.

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Zeremi 39:8

A Babɩlɔn tẽw zɛbr-nɩbɛ tɩ nyɩw nɩ a nãà yir nɩ a nɩbɛ yie bɛr, ɛ́ dá a Zerizalɛm tẽw dacine lɔb.

Zeremi 44:25

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: Nyɩɩm nɩ a nyɩ pɔwbɛ a, nyɩ yel'a: “Tɩ yel'a kɛ́ tɩ na nyɩw nɩ tɩ-suur-zɔ̃-na-nyùur-vla-vla-a kʋ̀ a salom pɔw-nãà, de nɩ divɛ̃ kʋ̀ ʋ. Ɛ́ tɩ bɔbr'a kɛ́ tɩ tu a lɛ tɩ na yel a.” Ãa, nyɩ tu a, nyɩ ɩ a lɛ nyɩ na yel a!

Zeremi 52:12

A Babɩlɔn tẽw nãà, Nabikodonozɔɔr, naalʋ-dɩb yome lɩzɛwaɩ sob, a cuwr anũu sob bibie pie sob, Nebuzaradan tɩ kpɛ n a Zerizalɛm tẽw pʋɔ. A sojarɩ na gùre a Babɩlɔn tẽw nãà a nɩ-kpɛ̃ɛ tɩ n'ʋ. Ʋ tɩ pʋɔ nɩ a nɩ-tɩbrɛ bɛl na mɩ́ be a nãà zie a pʋɔ.

Zeremi 52:13

Ʋ tɩ nyɩw nɩ a Ŋmɩn-yir-kpɛ̃ɛ, a nãà yir nɩ a tẽw yie za bɛr, baa zuo a za a nɩ-tɩbrɛ yie.

Zeremi 7:17

Fʋ bɛ nyɛ̃ a lɛ za bɛ na ɩrɛ a Zuda tẽ-bɛrɛ pʋɔ nɩ a Zerizalɛm tẽw sɛ́ɛ pʋɔ a ɩ?

Zeremi 7:18

A bibiir wobr'ɩ dali, a sãà mɩnɛ gbɔwr vũu, ɛ́ a pɔwbɛ nawr zɔ̃ kɛ́ bɛ maal'ɩ gato kʋ̀ a salom zu Pɔw-nãà. Al pùorí bɛ dier divɛ̃ kʋ̀rɛ ŋmɩn-sãanbɛ, ɩrɛ a kpɩɛr mɛ̃.

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 23:47

Nyɩ lɔb'ɩ bɛ kʋsɛbɛ, nyɩ cɔr'ɩ bɛ zɛbr-sɔ-kpɛ̃ɛ kʋ! Nyɩ kʋ a bɛ bidɛbr nɩ a bɛ pɔwyaar ɛ́ nyɩw a bɛ yie bɛr!

Matie 22:7

A nãà tɩ nyɛ̃ nɩ suur, ɛ́ tõ a ʋ sojarɩ bɛ cen tɩ kʋ a nɩ-kʋrbɛ bɛ ŋa, ɛ́ nyɩw a bɛ tẽw bɛr.

Nɩ-toni 10:9

A bio daarɩ́, bɛ na tɩ lo a sɔ́r pɩɛlɛ a Zope a, a Pɩɛr ʋl tɩ do n a gàrʋ́ k'ʋʋ tɩ puori. A tɩ manɛ na mɛ̃ gbãgbãw daar a.

Ebre 3:16

Ɛcɛ ã-mɩnɛ nɛbɛ tɩ wõ a Naaŋmɩn kɔkɔr ɛ́ zɛb'ɩ ʋ? A bɛlɩ dem za a Moyiir na tɩ tɛr yi n a Eziptɩ tẽw a bɛ nɛbɛ ɩ?