Zeremi 32:28 - A SƐB-SÕW

²⁸ A lɛ zũú a, a mãa, a Sore, ɩ̃ yere na: ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà, Nabikodonozɔɔr, nɩ a ʋ zɛbr-nɩbɛ nuru pʋɔ. Ʋ na zɛb'a de ʋ.

Zeremi 32:28 ပူးပေါင်းရင်းမြစ်များ

2 Na-mɩnɛ 25:11

Al pùorí, a Nebuzaradan tɩ diw nɩ a nɩbɛ na tɩ cãà be a tẽw pʋɔ a, cen nɩ a Babɩlɔn: a bɛl na de bɛ tʋɔra kʋ̀ a Babɩlɔn tẽw nãà a, nɩ a nɩbɛ na cɛ a.

2 Bibie za yel-manɩ 36:17

Lɛ n'a ʋ tɩ ƴãw a Babɩlɔn tẽw nãà kpɛ a bɛ tẽw, ʋʋ de bom za ƴãw a ʋ nũú. A nãà ŋa tɩ kʋ n a sojarɩ tɩ ta n a Ŋmɩn-yir-kpɛ̃ɛ pʋɔ. Ʋ bɛ tɩ jɩɩrɩ nɩr za bɛr ɛ, a pɔlbili, a pɔwsɩrali, a nɩ-bɛrɛ nɩ a dɛnyamɛ.

Ɩzayi 29:2

ɛcɛ ɩ̃ na dɔwrɩ fʋ na, Arɩɛl i. Fʋ na ɩ n kon nɩ 'woi 'woi tɛwr, ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a, a be bɛ na mɩ́ nyɩw a bàwr-maal-bome a.

Zeremi 20:5

A tẽ-kpɛ̃ɛ ŋa naalʋ za, a alɩ bome nɛ ʋ na páw a ʋ tome pʋɔ, a ʋ bʋ̃-vɩɛlɩ vɩɛlɩ za, a Zuda tẽw na-mɩnɛ na-bome za a, ɩ̃ na de a na ƴãw a bɛ dɔ̃ dem nuru pʋɔ. Bɛ na zá a na, wob a cen nɩ a Babɩlɔn tẽw.

Zeremi 21:10

A Sore yere na: Ʋ̃ʋ, ɩ̃ na lɩɛb'ɩ a tẽ-kpɛ̃ɛ ƴãw, k'ɩ̃ɩ maal'ʋ faa, ɛ́ ta maal'ʋ vla ɩ. Ʋ na lo n a Babɩlɔn tẽw dem nãà nuru pʋɔ, ʋ nyɩw ʋ bɛr.»

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 32:3

A Sedesɩasɩ tɩ ƴãw na bɛ pàw ʋ a be, bʋ̃ʋ n'ʋ vɛ̃, ʋ tɩ yere na k'aa Zeremi sãw na, ʋ na yel a Sore ƴɛ̀rʋ ŋa a: «Ɩ̃ na de nɩ a Zerizalɛm ƴãw a Babɩlɔn tẽw nãà nuru pʋɔ, ʋ na zɛb'a de ʋ.

Zeremi 32:36

«A na ɩ à ŋá a, ƴɛrɛŋa a, a mãa, a Sore, a Ɩsɩrayɛl Naaŋmɩn, ɩ̃ yere nɩ a tẽ-kpɛ̃ɛ ŋa ƴãw, a ʋl nyɩ na yel k'ʋʋ lo n a Babɩlɔn tẽw nãà nuru pʋɔ, a zɛbr, a kɔ̃ nɩ a jɛ̀lmɛ̃ bàalʋ zũú a.

Zeremi 34:2

«À ŋá n'a a Sore, a Ɩsɩrayɛl Naaŋmɩn, yere: Cen tɩ páw a Zuda tẽw nãà, Sedesɩasɩ, yel ʋ: à ŋá n'a a Sore yere: Ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà nuru pʋɔ, ʋ nyɩw ʋ bɛr.

Zeremi 34:3

Ɛ́ a fʋ̃ʋ a, fʋ bɛ cɩ̃ɛnɛ a ʋ zie ɩ. Bɛ na nyɔw fʋ na tɩ kʋ̀ ʋ. Fʋ̃ʋ nɩ a Babɩlɔn tẽw nãà na tori nɩ taa, ʋ ƴɛ̀r a fʋ zie fʋ sɔw. Al pùorí, fʋ na cen nɩ a Babɩlɔn.