Zeremi 32:24 - A SƐB-SÕW

²⁴ A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Zeremi 32:24 ပူးပေါင်းရင်းမြစ်များ

2 Samɩɛl 20:15

A Zowab nɩ a ʋ nɩbɛ tɩ ŋmãa nɩ nɩ a tẽw a zɛbr, a Seva na tɩ be a Avɛl-Bɛtɩ-Maaka tẽw pʋɔ a ƴãw. Bɛ tɩ kaal'ɩ tanɛ ɓã taa, a tɩ do man a dacĩ-dãw-niwn sob na piw a tẽw tɛr a, al pùorí, bɛ ìr bɔbr kɛ́ bɛ tuw a dacĩ-pɛr dáa ʋ lɔb.

Ɩzayi 37:33

Ƴɛrɛŋa a, nyɛ̃ a lɛ a Sore na yere a Asiiri tẽw nãà ƴãw a: “Ʋ kʋ̃ kpɛ a tẽ-kpɛ̃ɛ ŋa pʋɔ ɩ, ʋ bɛ tɛbr'ɩ ʋ pime ɩ, ʋ bɛ pine a ʋ zɛbr-kur-pãgalɩ ɛ́ zɛbr'ɩ ʋ ɛ, ʋ bɛ kaalɛ tanɛ gbone a ʋ dacin dob ƴãw ɛ.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 20:5

A tẽ-kpɛ̃ɛ ŋa naalʋ za, a alɩ bome nɛ ʋ na páw a ʋ tome pʋɔ, a ʋ bʋ̃-vɩɛlɩ vɩɛlɩ za, a Zuda tẽw na-mɩnɛ na-bome za a, ɩ̃ na de a na ƴãw a bɛ dɔ̃ dem nuru pʋɔ. Bɛ na zá a na, wob a cen nɩ a Babɩlɔn tẽw.

Zeremi 24:10

Ɩ̃ na bɛr'ɩ a zɛbr, a kɔ̃ nɩ a jɛ̀lmɛ̃ bàalʋ a waar a bɛ zu ɛ́ gù bɛ tɩ bɔr a tẽw ʋl ɩ̃ na kʋ̀ a bɛl nɩ a bɛ sãàkʋm-kore a pʋɔ.»

Zeremi 29:17

À ŋá n'a a Sore, a kpɛnʋ-za-sob, yere: “Ɩ̃ na bɛr'ɩ zɛbr-sɔ-kpɛ̃ɛ, kɔ̃ nɩ jɛ̀lmɛ̃ bàalʋ a wa a bɛ zu. Ɩ̃ na ɩ na bɛ ŋmɛ̃ taa nɩ kãkamɛ na pʋ̃ɔ a, na pʋ̃ɔ bɛ tɛr dɩb a.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

Zeremi 32:25

Sɩza, a Zerizalɛm n'ɩ ŋan na lo a Babɩlɔn tẽw dem nuru pʋɔ a. Ɛcɛ, Sore Naaŋmɩn i, bʋ̃ʋ n'ʋ so fʋ yel mɛ̃ k'ɩ̃ɩ dà a púo ŋa ɛ́ ya a libie dãsɩɛ dem niŋé?»

Zeremi 32:28

A lɛ zũú a, a mãa, a Sore, ɩ̃ yere na: ɩ̃ na ƴãw nɩ a tẽ-kpɛ̃ɛ ŋa a Babɩlɔn tẽw nãà, Nabikodonozɔɔr, nɩ a ʋ zɛbr-nɩbɛ nuru pʋɔ. Ʋ na zɛb'a de ʋ.

Zeremi 32:3

A Sedesɩasɩ tɩ ƴãw na bɛ pàw ʋ a be, bʋ̃ʋ n'ʋ vɛ̃, ʋ tɩ yere na k'aa Zeremi sãw na, ʋ na yel a Sore ƴɛ̀rʋ ŋa a: «Ɩ̃ na de nɩ a Zerizalɛm ƴãw a Babɩlɔn tẽw nãà nuru pʋɔ, ʋ na zɛb'a de ʋ.

Zeremi 32:36

«A na ɩ à ŋá a, ƴɛrɛŋa a, a mãa, a Sore, a Ɩsɩrayɛl Naaŋmɩn, ɩ̃ yere nɩ a tẽ-kpɛ̃ɛ ŋa ƴãw, a ʋl nyɩ na yel k'ʋʋ lo n a Babɩlɔn tẽw nãà nuru pʋɔ, a zɛbr, a kɔ̃ nɩ a jɛ̀lmɛ̃ bàalʋ zũú a.

Zeremi 32:5

A Sore yere na: bɛ na tɛr'ɩ a Sedesɩasɩ cen nɩ a Babɩlɔn, ʋ tɩ be a be ɛ́ gù ɩ̃ wa kaa a ʋ zie. A Sore n'ʋ yel. Nyɩmɛ saa na cãà zɛbr'ɩ a Babɩlɔn tẽw dem a, ɛ́ nyɩ kʋ̃ tʋ̃ɔ́ towtow ɛ.»

Zeremi 33:4

À ŋá n'a a mãa, a Sore, a Ɩsɩrayɛl Naaŋmɩn, yere a Zerizalɛm yie nɩ a Zuda tẽw na-mɩnɛ yie ƴãw. A lo na. Zawlalɛ n'a nyɩ bɛ sàwr a zɛb-deb tome na tõ ɩ, ɛ́ zɛbr'ɩ a Babɩlɔn tẽw dem. A na ɩ na a tẽ-kpɛ̃ɛ paalɩ a nɩbɛ ɩ̃ na na kʋ a ɩ̃ su-faa faa pʋɔ a ƴã-gamɛ.

Zeremi 34:17

A Zeremi tɩ yel'a ƴãw pʋɔ: «A na ɩ à ŋá a, à ŋá n'a a Sore yere: A nyɩ kãw za n'ʋ a tɩ fɛr k'ʋʋ yel ʋ na lɛb bɛr a ʋ gbãgbaa na ɩ Ebre nɩr a, a ʋ yɛb, a ʋ tɔ, ʋ so ʋ tʋɔra a. Ɛcɛ nyɩ bɛ sàw a ɩ̃ nʋɔr ɛ. Alɛ n'a so, a mãa, a Sore, ɩ̃ yere à ŋá: Ɩ̃ na bɛr'ɩ zɛbr, jɛ̀lmɛ̃ bàalʋ nɩ kɔ̃ a wa a nyɩ ƴãw. A lɛ pʋɔ a, a tẽ-daa naalʋ-ten za na mɩ́ màwr'ɩ dɛ̃bɩ̃-mawfʋ bɛlɛ wa nyɛ̃ nyɩ a.

Zeremi 52:4

Lɛ n'a a Nabikodonozɔɔr, a Babɩlɔn tẽw nãà, tɩ wa a Zerizalɛm, nɩ a ʋ zɛbr-nɩbɛ za, wa maalɩ a ʋ laɩ tori nɩ a tẽ-kpɛ̃ɛ. A Babɩlɔn tẽw dem tɩ wɛr'ɩ bɔwrɩ viiri koli a tẽw. A Sedesɩasɩ naalʋ-dɩb yome piwaɩ sob tɩ n'a, a cuwr pie sob bibie pie daar.

Zeremi 52:6

A kɔ̃ tɩ kpɛ n faa a tẽw pʋɔ. A nɩbɛ bɛ tɩ cãà tɛr bʋ̃-dɩrɩ ɛ. A cuwr anaar sob, a bibie piwaɩ sob,

Zeremi 6:6

À ŋá n'a a Sore, a kpɛnʋ-za-sob, yere: «Nyɩ cɛ tɩɩr lɔb, nyɩ maalɩ gbĩgbin a Zerizalɛm zɛb-deb ƴãw.» Po-to-fãw-ɩb tɛwr'a be a ʋ pʋɔ, a sãá n'a.

Ezekɩɛl 14:21

Al pùorí, a Sore Naaŋmɩn tɩ yel mɛ̃ na: «Ɩ̃ ɩ na kpɩɛrʋ bɛrɛ anaar ta a Zerizalɛm: a zɛbr, a kɔ̃, a dʋ̃-faar nɩ a jɛ̀lmɛ̃ bàalʋ, k'aa tʋ̃ɔ́ kʋ a nɩbɛ nɩ a dʋn pàw pɛr.

Ezekɩɛl 21:22

A mãa mɩ̀ a, ɩ̃ mɩ̀ na gùr'ɩ cɔ̀rɛ ŋmɛ n, ɛ́ bɛr a ɩ̃ su-tʋlʋ kpãkpã ʋ ìr tɩ ta a ʋ tab zie. A mãa Sore Naaŋmɩn n'ʋ yel.»

Ezekɩɛl 21:27

A pĩi ʋl na wul a Zerizalɛm a lo n a ʋ dʋrʋ-lowr. Ʋ na lɔb'ɩ zɛbr cɛlsɩ ƴãw bɛ cen tɩ kʋ a nɩbɛ a be. Ʋ na bin nɩ zɛbr bome a tẽ-kpɛ̃ɛ dɩ̃dɛɛ ƴãw. Ʋ na mɛ n zɛbr dacine ɛ́ wɛr bɔwrɩ.

Ezekɩɛl 26:8

Ʋ na sãw nɩ a tẽ-bɛr-kpɔwlɩ a kʋ̃ɔ-kpɛ̃ɛ nʋɔr bɛr. A pùorí, a Babɩlɔn tẽw dem na wɛ̀r'ɩ bɔwrɩ, bɛ na kaal'ɩ tanɛ gbõ taa, bɛ na pɩɛrɩ nɩ zɛbr-kur-pãgalɩ dacin a fʋ ƴãw, Tɩ́ɩ̀r tẽ-kpɛ̃ɛ ɛ.

Ezekɩɛl 4:2

Al pùorí, wul kɛ́ dɔ̃ dem ŋmãa na jil ʋ. Wɛr bɔwrɩ a ʋ ƴãw, kaalɩ tanɛ gbõ taa, ƴãw zɛbr-laɩ nɩ zɛbr bome a mɩnɛ viiri koli ʋ.

Habakukɩ 1:10

Bɛ ɩrɛ nɩ a na-mɩnɛ laar, ɛ́ a ten nɩ-bɛrɛ ɩ nɩ-ɩ-laarɩ a bɛ zie. Bɛ tobr bɛ ka zɛbr-yir-kpɛn ƴãw ɛ: bɛ mɩ́ kaal'ɩ tanɛ ɓã taa a do, ɛ́ bɛ zɛb de a been been.

Zakari 1:6

Ɛcɛ a ɩ̃ ƴɛ̀rʋ nɩ a ɩ̃ nɛ́ɛ ɩ̃ na tɩ ƴɛ̀r kʋ̀ a ɩ̃ tõ-tõ-biir, a ɩ̃ ƴɛ̀r-manbɛ a, a nyɩ sãàkʋm-kore wa tɩ nyɛ̃ na a ɩ sɩza, bɛ lɩɛbɩ a bɛ ɩb, ɛ́ bãwnɩ a k'ɩ̃ɩ ɩ bɛ na, mɛ̃ a lɛ ɩ̃ na tɩ yel k'ɩ̃ɩ na ɩ bɛ na a, nɩ a lɛ a bɛ cenu nɩ a bɛ ɩ-ɩrɩ mɩ̀ na sɛw taa nɩ a.»

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.