Zeremi 32:23 - A SƐB-SÕW

²³ Bɛ kpɛ n a tẽw pʋɔ, so ʋ. Ɛcɛ bɛ bɛ bɛr wõ a fʋ ƴɛ̀rʋ ɛ, bɛ bɛ tu a fʋ wulu ɛ, bɛ bɛ ɩ a lɛ fʋ na yel a ɩ. Lɛ so fʋ bɛr a kpɩɛrʋ á ŋá za na tarɛ a dɩ̃a a, a wa.

Zeremi 32:23 ပူးပေါင်းရင်းမြစ်များ

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Neemi 9:15

Fʋ bàl'ɩ a bɛ kɔ̃ nɩ a dipɛ̃ na yi a salom zu a, fʋ ɓãá nɩ a bɛ kʋ̃ɔ-nyúur nɩ kʋ̃ɔ fʋ na ɩ a tɛ yi pìir pʋɔ a. Fʋ ƴãw na bɛ cen tɩ de a tẽw ʋl fʋ na pɔ yel kɛ́ fʋ na kʋ̀ bɛ na a.

Sɛb-sõw yielu 78:10

Bɛ bɛ tɩ sàw a Naaŋmɩn wõ-taa ɩ, bɛ tɩ zawr'ɩ a wulu deb.

Zeremi 2:7

Ɩ̃ ɩ na nyɩ kpɛ tɩ-wɔnɩ tẽw a tẽsɔw na pʋ̃ɔ́ a pʋɔ, kɛ́ nyɩ tɩ tʋ̃ɔ́ íre tɔnɛ a ʋ bʋ̃-kʋ́ɔrɩ nɩ a ʋ na-bome pʋɔ. Ɛcɛ nyɩ na wa kpɛ a ʋ pʋɔ a, nyɩ dɛw nɩ a ɩ̃ tẽw bɛr, ɛ́ ɩ a ɩ̃ zi-sóra lɩɛbɩ zi-faa faa.

Zeremi 26:4

A lɛ pʋɔ a, fʋ na yel'a: À ŋá n'a a Sore yere: “Nyɩ bɛrɛ wone a ɩ̃ ƴɛ̀rʋ. Nyɩ tuur a wulu ɩ̃ na kʋ̀ nyɩ a.

Zeremi 44:10

Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

A Lãw-mʋɔlɛ 1:18

A Sore dem de na, bʋ̃ʋ n'ʋ vɛ̃, ɩ̃ bɛ tɩ sàw tu a lɛ ʋ na yel a ɩ. Nyɩ bɛr wõ vla, nɩ-bʋʋrɛ za a, ɛ́ nyɛ̃ a ɩ̃ kpɩɛrʋ. Bɛ diw nɩ a ɩ̃ pɔwsɩrali nɩ a ɩ̃ pɔlbili cen nɩ.

A Lãw-mʋɔlɛ 1:8

A Zerizalɛm sãw nɩ faa faa, alɛ n'a so ʋ lɩɛbɩ sagɛ. A bɛlɩ dem za na tɩ ƴãwnɛ ʋ a, yàalɛ ʋ na, bʋ̃ʋ n'ʋ vɛ̃, bɛ nyɛ̃ nɩ a ʋ ƴã-gã-kpãkpol. Ʋl ƴãw a, ʋ lɩɛb'a kone cere nɩ.

Ezekɩɛl 20:18

«A wɛja-kpalɛ pʋɔ a, ɩ̃ tɩ yel'ɩ a nyɩ sãàkʋm-kore bibiir: “Nyɩ ta sàwr a nyɩ sãà mɩnɛ wulu ɛ, nyɩ ta tuur a bɛ tub ɛ, nyɩ ta ƴãw nyɩ tʋɔra dɛwr pʋɔ a bɛ ŋmɩn-bɛlɛbɛlɛ maalʋ zũú ɛ.

Ezekɩɛl 20:21

Ɛcɛ a bɛ bibiir mɩ̀ tɩ ìr'ɩ a ɩ̃ ƴãw. Bɛ bɛ tɩ sàw a ɩ̃ wulu ɛ, bɛ bɛ tɩ tu a ɩ̃ tub ɛ. Ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na sàwr a a. Bɛ tɩ jewr'ɩ a pɩ̃ɛnʋ-bibir. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a wɛja-kpalɛ pʋɔ.

Ezekɩɛl 20:8

Ɛcɛ a nyɩ sãàkʋm-kore tɩ ìr'ɩ a ɩ̃ ƴãw, ɛ́ bɛ tɩ bɔbr kɛ́ bɛ bɛr wõ m ɛ. Kãw za bɛ tɩ bɛr a ŋmɩn-faar faar jɩ́rʋ ɛ, ɛ́ kãw za bɛ tɩ jɛ a Eziptɩ tẽw dem tɩbɛ bɛr ɛ. Tɩɛrʋ tɩ wa m'a k'ɩ̃ɩ bɛr a ɩ̃ su-yãyaar ʋ ìr a bɛ ƴãw, yɛ́r pàw bɛ a Eziptɩ tẽw tɔr za pʋɔ.

Luka 17:10

Lɛ n'a a mɩ̀ ŋmɛ̃ a nyɩ zie: nyɩmɛ wa maalɩ a alɩ bome nɛ za a Naaŋmɩn na yel a, nyɩɩm yel nyɩ tʋɔra: “Tõ-tõ-biir tɛwr'ɩ tɩ, tɩ tome n'a tɩ tõ.”»

Zã 15:14

Nyɩ ɩ n a ɩ̃ bárɩ nyɩmɛ wa maalɛ a lɛ ɩ̃ na ƴãw a nʋɔr kʋ̀ nyɩ a.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Zakɩ 2:10

Bʋ̃ʋ n'ʋ vɛ̃, nɩr wa sàwr a Naaŋmɩn nɛ́ɛ za ɛ́ tɩ cɛ Naaŋmɩn nɔ-been yõ a, sãwna sob'ʋ a nɛ́ɛ za ƴãw.

Zozue 21:43

A Sore tɩ kʋ̀ n a Ɩsɩrayɛl nɩbɛ a tẽw ʋl za ʋ na tɩ pɔ yel k'ʋʋ na kʋ̀ n a bɛ sãàkʋm-kore a. Bɛ tɩ de ʋ na kpɩɛr.

Zozue 23:16

Nyɩmɛ wa sãw a Sore nyɩ Naaŋmɩn wõ-taa bɛr, wõ-taa ʋ na yel kɛ́ nyɩ maal tɛr a, nyɩmɛ wa sãw ʋ bɛr, ɛ́ maalɛ ŋmɩn-yoru, mɩ́ gũu a niŋé a, a Sore suur na ìr'ɩ a nyɩ ƴãw mɛ̃ vũu a, ɛ́ nyɩ na bɔr'ɩ fɔ̃wlɛ a tẽ-vla ŋa ʋ na kʋ̀ nyɩ a pʋɔ.»