Zeremi 32:22 - A SƐB-SÕW

²² Fʋ tɩ pɔ na yel a tɩ sãàkʋm-kore kɛ́ fʋ na kʋ̀ bɛ nɩ a tẽw ŋa, bʋ̀rʋ nɩ sɩwr na gbɔlɛ a, ɛ́ fʋ ɩ n a lɛ.

Zeremi 32:22 ပူးပေါင်းရင်းမြစ်များ

Yele-za-pɛr-tib 13:15

A tẽw ŋa za fʋ na nyɛ̃ a, ɩ̃ kʋ̀rɛ ʋ nɩ fʋ̃ʋ nɩ a fʋ bʋʋrɛ kɛ́ nyɩ só ʋ kʋralɛ.

Yele-za-pɛr-tib 24:7

A Sore, a salom Naaŋmɩn, ɩ na k'ɩ̃ yi kɛ́ bɛr a ɩ̃ sãà yir nɩ a ɩ̃ tẽ-dɔwra. Ʋ ƴɛ̀r'ɩ a ɩ̃ zie, ɛ́ pɔ à ŋá: “Ɩ̃ na kʋ̀ n a tẽw ŋa a fʋ bʋʋrɛ.” Ʋ na tõ n a ʋ malkɩ ʋ de b niwn, fʋ tɩ de pɔw a be a ɩ̃ bidɛb ƴãw.

Yele-za-pɛr-tib 50:24

A Zuzɛb tɩ yel'ɩ a ʋ yɛbr bibir kãw: «Ɩ̃ na kpi na, ɛcɛ Naaŋmɩn na sõw nyɩ na, a bɛ tɛr à ŋá ɩ. Ʋ na ɩ na nyɩ yi a Eziptɩ, ʋʋ tɛr nyɩ tɩ ta n a tẽw ʋl ʋ na ƴãw nʋɔr k'ʋʋ na kʋ̀ n a Abraham, a Ɩzaakɩ nɩ a Zakɔb a.

Neemi 9:15

Fʋ bàl'ɩ a bɛ kɔ̃ nɩ a dipɛ̃ na yi a salom zu a, fʋ ɓãá nɩ a bɛ kʋ̃ɔ-nyúur nɩ kʋ̃ɔ fʋ na ɩ a tɛ yi pìir pʋɔ a. Fʋ ƴãw na bɛ cen tɩ de a tẽw ʋl fʋ na pɔ yel kɛ́ fʋ na kʋ̀ bɛ na a.

Eziptɩ tẽw yib 13:5

Nyɩ na mɩ́ tɛr'ɩ a tub ŋa a cuw ŋa tɔr za pʋɔ, a lɛn daar a Sore nãà wa ɩ nyɩ kpɛ a Kanãa tẽw dem tẽw pʋɔ a. A tẽw ŋa mɩ̀ ɩ n a Hititɩ mɩnɛ, a Amoritɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw. A tẽw ŋa n'ʋ a Sore tɩ pɔ a nyɩ sãàkʋm-kore zie k'ʋʋ na kʋ̀ nyɩ na, tẽw bʋ̀rʋ nɩ sɩwr na gbɔlɛ a.

Eziptɩ tẽw yib 3:17

ɛ́ yel: Ɩ̃ na ír nyɩ nɩ a Eziptɩ tẽw wʋ̀ʋr pʋɔ cen nɩ a Kanãa tẽw dem tẽw, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ tẽw, tẽw bʋ̀rʋ nɩ sɩwr na gbɔlɛ a.”

Eziptɩ tẽw yib 3:8

Lɛ so ɩ̃ siw wa k'ɩ̃ɩ wa faa bɛ a Eziptɩ tẽw dem nuru pʋɔ, ɛ́ ɩ bɛ yi a tẽw ŋa pʋɔ cen tẽw na vɩɛl ɛ́ yɛlmɛ a pʋɔ, tẽw bʋ̀rʋ nɩ sɩwr na gbɔlɛ a, tẽw a Kanãa tẽw dem, a Hititɩ mɩnɛ, a Amoritɩ mɩnɛ, a Perizitɩ mɩnɛ, a Hivitɩ mɩnɛ nɩ a Zebizitɩ mɩnɛ na kpɩɛr a.

Zeremi 11:5

À ŋá n'a ɩ̃ na tu a pɔb ɩ̃ na pɔ a nyɩ sãàkʋm-kore zie yel bɛ k'ɩ̃ɩ na kʋ̀ bɛ nɩ tẽw bʋ̀rʋ nɩ sɩwr na gbɔlɛ a. Ɛ́ be n'a nyɩ be a dɩ̃a.”» Ɩ̃ tɩ sɔw n'a: «A ɩ a lɛ, Sore e.»

Ezekɩɛl 20:15

Ɛcɛ a wɛja-kpalɛ pʋɔ a, ɩ̃ tɩ pɔ na yel bɛ k'ɩ̃ɩ kʋ̃ tɛr bɛ cen nɩ a tẽw ʋl ɩ̃ na tɩ kʋ̀ bɛ a pʋɔ ɩ. A ten za pʋɔ tẽ-vla vla za tɩ n'ʋ, tẽw bʋ̀rʋ nɩ sɩwr na gbɔlɛ a.

Ezekɩɛl 20:6

A ʋlɩ bibir nɛ a, ɩ̃ pɔ na yel bɛ k'ɩ̃ɩ na ƴãw na bɛ yi a Eziptɩ tẽw, ɩ̃ tɛr bɛ cen nɩ tẽw kãw ɩ̃ na nɛb kaa a bɛ ƴãw a. A ten za pʋɔ tẽ-vla vla za n'ʋ, tẽw bʋ̀rʋ nɩ sɩwr na gbɔlɛ a.

Sɔr-nɛ́ɛ 14:16

“A Sore bɛ tʋ̃ɔ́ tɛr a nɩbɛ bɛ ŋa kpɛ n a tẽw ʋl pʋɔ ʋ na yel k'ʋʋ na kʋ̀ bɛ na a ɩ, alɛ so ʋ kʋ bɛ pàw pɛr a wɛja-kpalɛ pʋɔ.”

Sɔr-nɛ́ɛ 14:30

Ɩ̃ pɔ na, nyɩ kʋ̃ kpɛ a tẽw ʋl ɩ̃ na yel k'ɩ̃ɩ na kʋ̀ nyɩ na nyɩ kpɩɛr a pʋɔ ɩ. Yefune bidɛb Kalɛb, nɩ Nun bidɛb Zozue tɛwr nɛbɛ na kpɛ a ʋ pʋɔ.

Wulu-ayi-sob 1:35

«A nɩ-faar bʋʋrɛ bɛ ŋa been kãw za bɛ nyɛrɛ a tẽ-vla ɩ̃ na pɔ yel k'ɩ̃ɩ na kʋ̀ n a bɛ sãàkʋm-kore a ɩ.

Wulu-ayi-sob 1:8

Nyɩ nyɛ̃, ɩ̃ kʋ̀rɛ nyɩ nɩ a tẽw ŋa. Nyɩ cen tɩ de ʋ, só ʋ. Bʋ̃ʋ n'ʋ vɛ̃, a tẽw ŋa n'ʋ a mãa, a Sore, yel k'ɩ̃ɩ na kʋ̀ n a nyɩ sãàkʋm-kore Abraham, Ɩzaakɩ nɩ Zakɔb nɩ a bɛ bʋʋrɛ a pùorí.»

Wulu-ayi-sob 6:10

A Sore nyɩ Naaŋmɩn wa tɛr nyɩ kpɛ n a tẽw ʋ na kʋ̀rɛ nyɩ a pʋɔ, mɛ̃ a lɛ ʋ na tɩ pɔ a nyɩ sãàkʋm-kore Abraham, Ɩzaakɩ nɩ Zakɔb zie a, nyɩ na tɩ nyɛ̃ nɩ a be tẽ-bɛrɛ vɩɛlɩ nyɩ na bɛ mɛ a,

Wulu-ayi-sob 6:18

Nyɩ ɩrɛ a lɛ na tu sɔ́r a, nyɩ ɩrɛ a lɛ na pɛlɩ a Sore pʋɔ a. A lɛn daar a, nyɩ na wone nɩ nʋ̃ɔ̀, ɛ́ nyɩ na tʋ̃ɔ́ na so a tẽ-vla a Sore na pɔ yel k'ʋʋ na kʋ̀ n a nyɩ sãàkʋm-kore a.

Wulu-ayi-sob 6:23

A tɩɩm a, ʋ ɩ na tɩ yi a Eziptɩ, k'ʋʋ tɛr tɩ cen nɩ a tẽw ʋ na bɔbr k'ʋʋ kʋ̀ tɩ a pʋɔ, mɛ̃ a lɛ ʋ na tɩ pɔ yel kʋ̀ a tɩ sãàkʋm-kore a.

Wulu-ayi-sob 7:13

Ʋ na nɔnɛ nyɩ na, ʋ na maalɩ nyɩ na, ʋ na ɩ na nyɩ yãwmɛ. Ʋ na kʋ̀ nyɩ nɩ bibiir yaga, ɛ́ ɩ nyɩ de bʋ̃-dieri yaga: ble, divɛ̃ nɩ kãá. Ʋ na ɩ n a nyɩ dʋn a yɛ̀r, a nĩi, a píir nɩ a bʋʋr a tẽw ʋl ʋ na na kʋ̀ nyɩ a pʋɔ, mɛ̃ a lɛ ʋ na pɔ yel kʋ̀ a nyɩ sãàkʋm-kore a.

Wulu-ayi-sob 8:1

Nyɩ ƴãw fãw tuur a nɛ-ƴãwnɩ za ɩ̃ na kʋ̀rɛ nyɩ a dɩ̃a a. A na ɩ na nyɩ vʋʋrɛ, ɛ́ yɛ̀r yãwmɛ. Nyɩ na tʋ̃ɔ́ na so a tẽw a Sore na pɔ yel k'ʋʋ na kʋ̀ n a nyɩ sãàkʋm-kore a.

Zozue 1:6

Kpɛmɛ ɛ́ dɩ kanyir, bʋ̃ʋ n'ʋ vɛ̃, fʋ̃ʋ n'ʋ na de a tẽw kʋ̀ a nɩ-bʋʋrɛ bɛ ŋa bɛ so ʋ, a tẽw ŋa ɩ̃ na pɔ yel k'ɩ̃ɩ na kʋ̀ n a bɛ sãàkʋm-kore a.

Zozue 21:43

A Sore tɩ kʋ̀ n a Ɩsɩrayɛl nɩbɛ a tẽw ʋl za ʋ na tɩ pɔ yel k'ʋʋ na kʋ̀ n a bɛ sãàkʋm-kore a. Bɛ tɩ de ʋ na kpɩɛr.