Zeremi 32:20 - A SƐB-SÕW

²⁰ A Eziptɩ tẽw a koro za a, fʋ tɩ maal'ɩ yel-bɛ-dãw-nyɛrɩ na ɩ nɔ-ɓãan a. Ɛ́ a dɩ̃a mɩ̀ a, a Ɩsɩrayɛl nɩbɛ sɔgɔ nɩ a nɩsaalbɛ za sɔgɔ a, fʋ wule nɩ sob nɛ na nɛ b a, mɛ̃ a lɛ a na sãá a ƴɛrɛŋa a.

Zeremi 32:20 ပူးပေါင်းရင်းမြစ်များ

2 Samɩɛl 7:23

Nɩ-bʋʋrɛ been kãw be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl fʋ na cen tɩ ya de, bɛ ɩ a fʋ nɩ-bʋʋrɛ, ɛ́ fʋ ɩ a bɛ yúor yi, ɛ́ fʋ maalɩ nɔ-ɓãa-yele nɩ yele na vʋ̃ɔnɛ pʋ̀lá a, a fʋ tẽw pʋɔ ɔ? Nɩ-bʋʋrɛ be n be ŋmɛ̃ taa nɩ a fʋ nɩ-bʋʋrɛ fʋ na faa a Eziptɩ tẽw nɩbɛ zie nɩ a bɛ ŋmɩmɛ zie a?

1 Bibie za yel-manɩ 17:21

Nɩ-bʋʋr-been yõ be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl ɩ? Fʋ cen na tɩ ír bɛ a Eziptɩ tẽw dem nuru pʋɔ, kɛ́ fʋ ɩ bɛ lɩɛbɩ a fʋ nɩ-bʋʋrɛ. Fʋ maal'ɩ nɔ-ɓãa-yele nɩ yele na vʋ̃ɔnɛ pʋ̀lá a a bɛ ƴãw, ír'ɩ yúor. Fʋ diw nɩ nɩ-bʋʋr-yoru a fʋ nɩ-bʋʋrɛ fʋ na faa a Eziptɩ tẽw a niŋé.

Neemi 9:10

Fʋ maal'ɩ nɔ-ɓãa-yele nɩ yel-bãw-guuri càar'ɩ a Eziptɩ tẽw nãà, a nɩbɛ na lãw kpɩɛr'ɩ ʋ a, nɩ a ʋ tẽw nɩbɛ za, bʋ̃ʋ n'ʋ vɛ̃, fʋ tɩ bãw nɩ a Eziptɩ tẽw dem pɔ̀l-ɩb bɛ na ɩ a tɩ sãàkʋm-kore zie a. Fʋ ɩ n a fʋ yúor yi cãà wa tɩ tɔ a dɩ̃a.

Neemi 9:11

Fʋ ɓar'ɩ a kʋ̃ɔ-kpɛ̃ɛ a Ɩsɩrayɛl nɩbɛ niŋé, bɛ kpɛ gãw ʋ nɩ gbɛ-kon. Fʋ lɔb'ɩ a nɩbɛ na tɩ diwr bɛ a ƴãw a kʋ̃ɔ-kpɛ̃ɛ pɛrɩ́, bɛ tɔl'a siw a kʋ̃ɔ-zulu pʋɔ mɛ̃ kʋsɩɛr a.

Sɛb-sõw yielu 135:9

Ʋ maal'ɩ yele na ɩ bãwfʋ sãá a, nɩ yel-bãw-guuri, — a fʋ pʋɔ, Eziptɩ tẽw i! — a Faarawɔ̃ nɩ a ʋ tõ-tõ-biir ƴãw.

Eziptɩ tẽw yib 10:2

Lɛ n'a fʋ mɩ̀ na tʋ̃ɔ́ manɩ kʋ̀ a fʋ bibiir nɩ a fʋ yan, a lɛ ɩ̃ na ɩ a Eziptɩ tẽw dem a, nɩ a lɛ ɩ̃ na maalɩ a ɩ̃ nɔ-ɓãa-yele a bɛ sɔgɔ a. À ŋá n'a nyɩ na bãw kɛ́ mãa n'ɩ a Sore.»

Eziptɩ tẽw yib 3:20

Lɛ so ɩ̃ na zɛw nũu ŋmɛ n a Eziptɩ, nɩ a nɔ-ɓãa-yele za ɩ̃ na na maalɩ a ʋ pʋɔ a. Al pùorí, a nãà na bɛr nyɩ na nyɩ cen.

Eziptɩ tẽw yib 7:3

Ɛcɛ ɩ̃ na ɩ na a Faarawɔ̃ kpãa tobr. Ɩ̃ na maal'ɩ yel-yaga na ɩ bãwfʋ ɛ́ ɩ nɔ-ɓãa-yele a, a ʋ tẽw pʋɔ,

Eziptɩ tẽw yib 9:16

Ɛcɛ ɩ̃ bɛr fʋ na fʋ cãà k'ɩ̃ɩ wul a ɩ̃ kpɛnʋ, ɛ́ a ɩ̃ yúor yi a tẽw zu ziir za.

Ɩzayi 63:12

A cenu daar a, ʋlɛ n'ʋ tɩ̀ɛ a Moyiir nɩ a ʋ kpãkpã-kpɛ̃w. Ʋ ɓar'ɩ a kʋ̃ɔ-kpɛ̃ɛ kʋ̃ɔ a bɛ niŋé, k'ʋʋ tʋ̃ɔ́ páw yúor na be kʋralɛ a.

Ɩzayi 63:14

Bɛ tɩ ɩ na mɛ̃ dʋn na siwr fʋɔla pʋɔ a. A Sore Vʋʋrʋ tɩ tɛr bɛ na cere nɩ a pɩ̃ɛnʋ zie.» À à ŋá n'a fʋ tɩ tɛr a fʋ nɩbɛ cen nɩ, kɛ́ fʋ páw yúor-vɩɛlʋ-danʋ.

Zeremi 13:11

A Sore yere na: Mɛ̃ a lɛ nɩr na mɩ́ sɛ kpàwr a ʋ sɩɛmɩ́ a, lɛ n'a mãa nɩ a Ɩsɩrayɛl nɩ a Zuda nɩbɛ tɩ 'lẽ taa. Ɩ̃ tɩ bɔbr'a kɛ́ bɛ ɩ a ɩ̃ nɩbɛ, bɛ ɩ a ɩ̃ yúor ʋ yi, bɛ ɩ ɩ̃ nyɛrɛ ƴãwfʋ, bɛ ɩ a ɩ̃ dɛpaal-bom. Ɛcɛ bɛ bɛ bɛr wõ m ɛ.»

Nɩ-toni 7:36

A Moyiir'ʋ tɛr bɛ yi n a Eziptɩ ɛ́ maalɩ yel-bãw-guuri nɩ nɔ-ɓãa-yele a Eziptɩ tẽw nɩ a Kʋ̃ɔ-kpɛ̃ɛ-zɩɛ ƴãw nɩ a wɛja-kpalɛ pʋɔ yome lɩz'a ayi.

Wulu-ayi-sob 11:3

Nyɩ nyɛ̃ nɩ a ʋ nɔ-ɓãa-yele a Eziptɩ tẽw, a ʋlɩ bom nɛ ʋ na ɩ a Eziptɩ tẽw nãà Faarawɔ̃, nɩ a Eziptɩ tẽw dem za a.

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Wulu-ayi-sob 6:22

A Sore tɩ maal'ɩ yel-bɛ-dãw-nyɛrɩ nɩ nɔ-ɓãa-yele a tɩ niŋé. À à ŋá n'a ʋ tɩ ɩ dɔwrʋ páw a Faarawɔ̃, a ʋ yir dem nɩ a ʋ tẽw dem za.

Wulu-ayi-sob 7:19

nyɩ nyɛ̃ nɩ a dɔwr-bɛrɛ bɛrɛ ʋ na ƴãw bɛ nɩ a yel-bɛ-dãw-nyɛrɩ nɩ a nɔ-ɓãa-yele ʋ na maalɩ a, nɩ a fãw na bɛ tɛr tʋ̃ɔ́fʋ ʋ na ɩ n nyɩ yi a tẽw ŋa pʋɔ a. A Sore nyɩ Naaŋmɩn na ɩ n a lɛ mɩ̀ a nɩ-bʋʋrɛ bɛl za nyɩ na zɔrɛ a zie!