Zeremi 32:19 - A SƐB-SÕW

¹⁹ Fʋ mɩ́ tɩɛr'ɩ yel-bɛrɛ maalʋ, ɛ́ maalɩ a nɩ kpɛnʋ. Fʋ mɩ́ maal'a jɩ́rɛ a nɩsaalbɛ ɩ-ɩrɩ, ɛ́ mɩ́ ya ŋa za man nɩ a ʋ cenu, man nɩ a ʋ ɩ-ɩrɩ.

Zeremi 32:19 ပူးပေါင်းရင်းမြစ်များ

1 Na-mɩnɛ 8:32

a fʋ̃ʋ a, Sore e, be a salom zu ɛ́ bɛr wõ, ɛ́ tu. Dɩ n a fʋ tõ-tõ-biir a ƴɛ̀rʋ, yel a sãwna sob k'ʋʋ sãw na, ɛ́ ɩ a ʋ sãwna lɛb lo a ʋ zu, ɛ́ yel a yel-mɩŋa sob k'ʋʋ bɛ tɛr sãwna ɩ, ɛ́ a nɩbɛ za ɩrɛ a ʋ zie mɛ̃ nɩr na bɛ tɛr sãwna a.»

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

A Zɔb sɛbɛ 34:11

Bʋ̃ʋ n'ʋ vɛ̃, ʋ mɩ́ kʋ̀ n a nɩsaal a ʋlɩ bom nɛ ʋ na sɛw taa nɩ a, ɛ́ ya ŋa za man nɩ a ʋ ɩb.

A Zɔb sɛbɛ 34:21

Bʋ̃ʋ n'ʋ vɛ̃, a Naaŋmɩn jɩ́rɛ nɩ a nɩsaal ɩb, ʋ piwre nɩ a ʋ gbɛ-ceni za.

Sɛb-sõw yielu 111:2

A Sore tome ɩ n tõ-bɛrɛ bɛrɛ! Bɛlɩ dem za na nɔnɛ a a mɩ́ jɛlɛ a na kaar.

Sɛb-sõw yielu 34:15

Ʋ dɛrɛ a faa, ɛ́ maalɛ a vla, ʋ su zu bɔbr a ƴã-ɓaarʋ.

Sɛb-sõw yielu 62:12

Gb'a à ŋá za n'a ɩ̃ wõ a Naaŋmɩn ƴɛ̀r a ƴɛ̀rʋ ŋa: «Mãa so a kpɛnʋ.»

Sɛb-sõw yielu 92:6

Sore e, a fʋ tome sɩrɩ na ɩ tõ-bɛrɛ, ɛ́ a fʋ tɩɛrʋ zulme!

Eziptɩ tẽw yib 15:11

A ŋmɩmɛ pʋɔ a, ãa n'ʋ ɩ mɛ̃ a fʋ̃ʋ a, Sore e? Ãa n'ʋ ɩ mɛ̃ a fʋ̃ʋ na nyɩwrɛ nɩ sonu a? Na bɛ tɛr dɩ̃ɛnʋ, ɛ́ sɛwnɩ danʋ a? Na maalɛ nɔ-ɓãa-yele a?

Zʋkpaɩ 5:21

A Sore nyɛrɛ nɩ nɩsaal za ɩb, ʋ jɩ́rɛ nɩ a ʋ ɩ-ɩrɩ been been.

Zʋkpaɩ 8:14

A ɩ̃ ton n'ɩ k'ɩ̃ɩ wule a nɩsaalbɛ a yã, ɛ́ wule bɛ bɛ mɩ́ dãw bãwnɩ a yel cɔbrɩ. Mãa n'ɩ a yã, ɛ́ mãa so a kpɛnʋ.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ɩzayi 28:29

A tub ŋa mɩ̀ yi n a Sore, a kpɛnʋ-za-sob, zie. Yã-wule vla vla n'ʋ, a bãwfʋ ʋ na bãw a ɩ n kpɛ̃ɛ yaga.

Ɩzayi 40:13

Ãa n'ʋ manɩ a lɛ a Sore vʋʋrʋ na ɩ a? A Naaŋmɩn nɩ-waala n'ɩ buor ʋ na ɩ ʋ bãw a lɛ ʋ na tɩɛrɩ a yele bin a?

Ɩzayi 59:18

Ʋ na ya n a nɩbɛ man nɩ a bɛ ɩb. A ʋ suur a, a ʋ dɔ̃ dem ƴãw n'a, a dɔwrɩ yáa a san a, a nɩbɛ na zɛbr'ɩ ʋ a ƴãw n'a, tɩ lãwnɩ a tẽ-zãánɩ dem.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Zeremi 16:17

Ɩ̃ jɩ́rɛ nɩ a bɛ ɩ-ɩrɩ za, a kʋ̃ tʋ̃ɔ́ sɔwlɩ a ɩ̃ zie ɩ, a bɛ ɩ-faar kùre mɛ̃ nɩ mimir.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 21:14

A Sore yere na: Ɩ̃ na ɩ nyɩ na mɛ̃ a lɛ a nyɩ ɩ-ɩrɩ na sɛw taa nɩ a. Ɩ̃ na ƴãw nɩ vũu a sɛɛdɩr tɩɩr tuw, ʋ na dɩ n bom za na jil koli ʋ a.

Zeremi 23:24

A Sore sowre na: «Nɩr saa sɔwlɩ a, a mãa, ɩ̃ kʋ̃ nyɛ̃ ʋ bɩɩ? Ɩ̃ be n zie za, a salom zu nɩ a tẽw zu.» À à ŋá n'a a Sore yel.

Zeremi 25:14

Bʋ̃ʋ n'ʋ vɛ̃, a bɛl mɩ̀ a, nɩ-bʋʋr-yoru na yãwmɛ a, nɩ na-mɩnɛ na kpɛmɛ a na tʋ̃ɔ́ bɛ na. À ŋá n'a ɩ̃ na ɩ bɛ ya a bɛ ɩ-ɩrɩ nɩ a faa al za bɛ na maalɩ a san.”»

Zakari 9:1

Sore ƴɛ̀rʋ. A ʋ ƴɛ̀rʋ tɩ ta n a Hadɩrakɩ tẽw vuo pʋɔ, ɛ́ tɛw àr a Damasɩ tẽw. Bʋ̃ʋ n'ʋ vɛ̃, a Sore bɛ jɩ́rɛ a Ɩsɩrayɛl dɔwlʋ tɛwr ɛ, ʋ mɩ̀ jɩ́rɛ nɩ a nɩsaalbɛ za.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Zã 5:29

ɛ́ yi a bɛ yarʋ pʋɔ a. A bɛlɩ dem na tɩ tu a vla pùor a bɛ nyɔ-vʋʋrʋ pʋɔ a, na lɛb'a yi páw a nyɔ-vʋʋrʋ. Ɛcɛ a bɛlɩ dem na tu a faa pùor a, na lɛb'a yi nyɛ̃ dɔwrʋ.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Ebre 4:13

Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Yel-wula 22:12

A Yeezu yel'a: «Ɩ̃ kʋ̃ yaa kɛ́ wa ɩ! Ɩ̃ɩ na tɛr'ɩ a sã-ya wa n, mɩ́ wa ya ŋa za manɩ nɩ a ʋ tome.