Zeremi 31:5 - A SƐB-SÕW

⁵ Fʋ na lɛb'a sɛl divɛ̃ tɩɩr a Samaari tan zu, ɛ́ a divɛ̃ tɩ-wɔmɛ pɔrbɛ na pãa tʋ̃ɔ́ na mɩ́ ír a divɛ̃ tɩɩr bɛ na sɛl a tɔnɛ.

Zeremi 31:5 ပူးပေါင်းရင်းမြစ်များ

Sɛb-sõw yielu 107:37

bɛ mɩ́ bʋ̀r'ɩ póru, sɛl divɛ̃ tɩɩr, mɩ́ pɔr a wɔmɛ.

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

Ezekɩɛl 28:26

Bɛ na vʋʋrɛ nɩ a be nɩ ƴã-ɓaarʋ, bɛ na mɛ n yie ɛ́ sɛl divɛ̃ tɩɩr. Bɛ na vʋʋrɛ nɩ nɩ ƴã-ɓaarʋ, bʋ̃ʋ n'ʋ vɛ̃, ɩ̃ na dɔwr'ɩ a bɛ kpɛ-pɩɛl dem za nãà wa ɩ bɛ la a. Lɛ n'a bɛ na bãw kɛ́ mãa n'ɩ a Sore, a bɛ Naaŋmɩn.»

Ezekɩɛl 36:8

A lɛn daar a, a Ɩsɩrayɛl tẽw tan zu a, a tɩɩr na tɛr'ɩ a wuli, ɛ́ wɔ̃ wɔmɛ a nyɩ ƴãw, Ɩsɩrayɛl nɩbɛ ɩ̃ nɩ-bʋʋrɛ ɛ. Bʋ̃ʋ n'ʋ vɛ̃, nyɩ kʋ̃ yaa kɛ́ lɛb cen a nyɩ tẽw ɛ.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Abɩdɩasɩ 1:19

A Negɛɛvʋ tẽw dem na so nɩ a Ezawu tãw, ɛ́ a Ba-Peyi tẽw dem so a Filisɩtɛ̃ mɩnɛ tẽw. Bɛ na so nɩ a Efarayim bʋʋrɛ tẽw nɩ a Samaari tẽw. Ɛ́ Bɛ̃zamɛ bʋʋrɛ na so nɩ a Galaadɩ tẽw.

Mise 1:6

À ŋá n'a a Sore yere: «Ɩ̃ na ɩ na a Samaari tẽw lɩɛbɩ deboru, ʋ lɩɛbɩ divɛ̃ tɩɩr tẽsɔw-kʋ́ɔra. Ɩ̃ na ɩ n a ʋ kʋsɛbɛ bili siw a fʋɔla pʋɔ, ɩ̃ na ɩ n a ʋ dacine pɛ́ɛ a sãá.

Mise 4:4

Ŋa za na mɩ́ ɓãá nɩ ƴãw kʋɔr a ʋ divɛ̃ tɩɩr púo nɩ a ʋ kãkã-tɩɩr, ɛ́ nɩr za bɛ damnɛ ʋ ɛ.» À à ŋá n'a a Sore Kpɛnʋ-za-sob yere.

Zakari 3:10

A bibir ŋa wa vɩɛ a, nyɩ na bʋɔlɛ nɩ taa wa zɩnɛ a nyɩ divɛ̃ tɩɩr nɩ a nyɩ kãkã-tɩɩr ɓaarʋ́, a mãa, a Sore, a Kpɛnʋ-za-sob'ʋ yel.»

Wulu-ayi-sob 20:6

Nɩr be n be, ƴãw divɛ̃ tɩɩr púo paalʋ, ɛ́ bɛ pɔr a wɔ̃-dan sɛr ɛ? Ʋ lɛb kul. Alɛ bɛ ɩ lɛ, ʋ nãà mab'a kpi a zɛbr zie, ɛ́ nɩ-yũo pɔr a ʋ divɛ̃ tɩɩr wɔ̃-dan.

Wulu-ayi-sob 28:30

A nyɩ kãw wa ƴãw nɩ powle yúor a, nɩ-yũo n'ʋ na gã nɩ ʋ. A kãw wa ŋmãa yir a, ʋ kʋ̃ kpɛ ʋ ɛ. Kãw wa sɛl divɛ̃ tɩɩr púo a, ʋ kʋ̃ pɔr a divɛ̃ tɩɩr wɔ̃-dan ɛ.

1 Samɩɛl 21:5

A bàwr-maalɛ tɩ sɔw nɩ a Daviir: «Ɩ̃ bɛ tɛr dipɛ̃-zawla a ka ɩ, dipɛ̃ bɛ na de kʋ̀ a Naaŋmɩn a, alɛ n'a be be, a fʋ taabɛ bɛ wa tɔ pɔwbɛ a, ɩ̃ na tʋ̃ɔ́ na de a kʋ̀ b.»