Zeremi 31:34 - A SƐB-SÕW

³⁴ A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Zeremi 31:34 ပူးပေါင်းရင်းမြစ်များ

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

Sɛb-sõw yielu 25:7

Ta cãà tɛr a ɩ̃ pɔ̀lʋ daarɩ́ yel-bebe nɩ sãwna tɩɛrʋ ɛ, nɩ̃ɛ tɩɛrɛ a ɩ̃ yele a fʋ nɔ̃wfʋ ɩb pʋɔ, fʋ̃ʋ na ɩ nɩ-vla a, Sore e.

Ɩzayi 11:9

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 33:24

A Zerizalɛm nɩr kãw za kʋ̃ lɛb yel: «Ɩ̃ ɩ n bàal» ɛ. A tẽ-kpɛ̃ɛ ŋa nɩbɛ na páw nɩ a bɛ yel-bebe suur.

Ɩzayi 33:6

Ɛ́ nyɩɩm, Sore nɩ-bʋʋrɛ ɛ, nyɩ nãà wa tʋ̃ɔ́ na kpɩɛr ɛ́ bom bɛ damnɛ nyɩ ɛ. A yã-bãwfʋ nɩ a bãwfʋ ɩ n na-bome na faarɛ a. A Sore zɔba a, ʋlɛ n'ɩ a fʋ na-bom.

Ɩzayi 38:17

A ɩ̃ pʋ-sãwna yaga lɩɛb'ɩ nʋ̃ɔ̀. Bʋ̃ʋ n'ʋ vɛ̃, fʋ nɔ̃w mɛ̃ na bɛ sàw ɩ̃ kpi ɛ, fʋ lɔb'ɩ a ɩ̃ yel-bebe za bɛr a fʋ zikurí a zãá.

Ɩzayi 43:25

Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

Ɩzayi 44:22

A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»

Ɩzayi 52:6

Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Zeremi 33:8

Ɩ̃ na pɛ́w nɩ a sãwna al za bɛ na sãw mɛ̃ a dɛwr bɛr. Ɩ̃ na dɩ n a bɛ gáarʋ sãwna suur kʋ̀ bɛ.

Zeremi 50:20

A mãa, a Sore, mãa n'ʋ yere: A lɛn daar a, bɛ na bɔ n a Ɩsɩrayɛl sãwna, ɛ́ kʋ̃ nyɛ̃ ʋ ɛ. Bɛ na bɔ n a Zuda yel-bebe, ɛ́ kʋ̃ nyɛ̃ a ɩ. Bʋ̃ʋ n'ʋ vɛ̃, ɩ̃ na dɩ n suur kʋ̀ a bɛlɩ dem ɩ̃ na na bɛr bɛ cãà vʋʋrɛ a.

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

A naaŋmɩn-ƴèr-manɛ Oze sɛbɛ 2:20

A ʋlɩ bibir nɛ a, mãa nɩ a wɛ-dʋn, a saa-zu lili nɩ a tẽsɔw bʋ̃-vuri na maal'ɩ wõ-taa a ɩ̃ nɩ-bʋʋrɛ ƴãw. Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr, ɛ́ sãw a za bɛr, a kʋ̃ cãà a tẽw pʋɔ ɩ, ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Mise 7:19

Fʋ na lɛb'a maal zɔ tɩ nɩbaalʋ, fʋ kʋ̃ cɛlɛ a tɩ sãwna zie ɩ, fʋ na lɔb'ɩ a tɩ yel-bebe za ƴãw a kʋ̃ɔ-kpɛ̃ɛ pɛrɩ́.

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Luka 1:77

ɛ́ ɩ a ʋ nɩ-bʋʋrɛ bãw a faafʋ a bɛ yel-bebe suur páwfʋ zũú,

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 17:6

A nɩbɛ bɛl fʋ na ír a tẽ-daa pʋɔ kʋ̀ m a, ɩ̃ ɩ na kɛ̀ bɛ bãw a fʋ yúor. Fʋ̃ʋ tɩ so bɛ, ɛ́ de bɛ kʋ̀ m, ɛ̀ bɛ tɛr'ɩ a fʋ ƴɛ̀rʋ vla.

Zã 6:45

Bɛ sɛb'ɩ a naaŋmɩn-ƴɛ̀r-manbɛ sɛbɛ pʋɔ kɛ́: “A Naaŋmɩn mɩŋa n'ʋ na ɩ a bɛ za wule.” Nɩr za na bɛrɛ wone a Sãà ƴɛ̀rʋ ɛ́ dier a ʋ wulu a, ʋ waar'ɩ a ɩ̃ zie.

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

2 Korɛ̃tɩ 2:10

Sob nɛ sãwna nyɩ na mɩ́ de bɛr a baarɩ a, ɩ̃ mɩ̀ mɩ́ de na bɛr a baarɩ, sãwna wa sɩrɩ be be a fɛr k'ɩ̃ɩ de bɛr a baar'a. Ɛ́ mãa a, mãa wa de nɩr sãwna bɛr a baarɩ a, a nyɩ ƴãw n'a ɩ̃ ɩ a lɛ a Kɩrɩta niŋé,

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

1 Tesalonikɩ 4:9

A yɛbr nɔ̃wfʋ ƴãw a, a bɛ tɛr kɛ́ bɛ sɛbr nyɩ ɛ, bʋ̃ʋ n'ʋ vɛ̃, nyɩɩm mɩŋa zànɩ nɩ a Naaŋmɩn zie a lɛ nyɩ na na nɔnɛ taa a,

Ebre 5:12

A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

Ebre 8:11

Kãw kʋ̃ mɩ́ lɛb wule a ʋ tẽ-bi-tɔ bɩɩ a ʋ yɛb, yere kʋ̀rɛ ʋ: “Bãw a Sore ɩ”. Bʋ̃ʋ n'ʋ vɛ̃, bɛ za na bãw mɛ̃ na, a bile za zie tɩ ta n a kpɛ̃ɛ za,

Ebre 8:12

ɩ̃ na na dɩ a bɛ sãwna suur kʋ̀ bɛ, ɛ́ mɩ̀ bɛ cãà tɛr a bɛ yel-bebe tɩɛrʋ a ƴãw.»

1 Zã 2:20

A nyɩɩm a, nyɩ páw nɩ a Vʋʋrʋ Sõw a Kɩrɩta na kʋ̀ nyɩ a, lɛ n'a nyɩ za bãw a yel-mɩŋa.

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

1 Samɩɛl 2:12

A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.