Zeremi 31:3 - A SƐB-SÕW

³ Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Zeremi 31:3 ပူးပေါင်းရင်းမြစ်များ

1 Na-mɩnɛ 10:9

A Sore, fʋ Naaŋmɩn, tɛr'ɩ puoru, ʋl na sàw kaa ír fʋ kɛ́ fʋ dɩrɛ naalʋ a Ɩsɩrayɛl zu a. A Sore na nɔnɛ a Ɩsɩrayɛl nɩbɛ kʋralɛ a n'a so ʋ ƴãw fʋ ɩ a bɛ nãà, kɛ́ fʋ tʋ̃ɔ́ ɩ a lɛ-na-tu-sɔr-a nɩ a mɩnʋ a be be.»

Sɛb-sõw yielu 103:17

Ɛcɛ a Sore nɔ̃wfʋ be n be koro kãw za, ɛ́ na be be kʋralɛ a bɛlɩ dem na zɔrɛ ʋ a zie. Ɛ́ a ʋ mɩnʋ be a bɛ bibiir bibiir ƴãw,

Sɛb-sõw yielu 25:6

Sore e, cãà bãwnɩ a fʋ nɔ̃wfʋ nɩ a fʋ su-ɓaarʋ, koro kãw za n'a fʋ tɛr a.

A Yielu za pʋɔ yiel-vla vla 1:4

Nyɔw mɛ̃ nũú, vɩrɛ mɛ̃ tɩ lãw zɔrɛ. Ɩ̃ nãà a, tɛr mɛ̃ kpɛ n a fʋ di-gana pʋɔ. Ɩ kɛ̀ nʋ̃ɔ̀ nɩ cɩlʋ tɛr tɩ za ayi yaga za. Tɩ yiele a fʋ gbaalʋ na nʋmɛ zuo divɛ̃ a. A pɔwsɩrali tɛr'ɩ yel-mɩŋa bɛ na kpiir lore a fʋ ƴãw a.

Ɩzayi 43:4

Bʋ̃ʋ n'ʋ vɛ̃, ɩ̃ nɩ-tuo nɛ b, fʋ ɩ n nɩ-tɩbrʋ a ɩ̃ zie, ɩ̃ɩ nɔnɛ fʋ. Alɛ so ɩ̃ tɩrɛ nɩbɛ lɩɛrɛ nɩ fʋ, ɩ̃ dier nɩ-bʋʋrɛ tɛwr'ɩ fʋ.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ɩzayi 49:14

A Sɩyɔ̃ tẽw tɩ yere na: «A Sore zawrɩ mɛ̃ na bɛr, a ɩ̃ zu-sob yiiri mɛ̃ na bɛr.»

A naaŋmɩn-ƴèr-manɛ Oze sɛbɛ 11:1

À ŋá n'a a Sore yere: «A Ɩsɩrayɛl na tɩ ɩ pɔlbile a, ɩ̃ tɩ nɔ̃w ʋ na, ɩ̃ɩ tɩ bʋɔl'ɩ a ɩ̃ bie na tɩ be a Eziptɩ tẽw a.»

A naaŋmɩn-ƴèr-manɛ Oze sɛbɛ 11:4

Ɩ̃ tɩ kaarɛ nɩ ʋ zie nɩ nɩsaalʋ, ɩ̃ na tɩ nɔnɛ ʋ a ƴãw. A ʋ zie a, ɩ̃ tɩ ɩ na mɛ̃ mã na ɓáw bi-pɩɩla dɔwlɩ nyãa zu mɔwrɛ a ʋ kɔ́r a. Ɩ̃ mɩ́ tɩ gũu na cɔw ʋ ɛ́ kʋ̀rɛ ʋ a bʋ̃-dɩrɩ.

Malasɩ 1:2

A Sore yere nɩ a ʋ nɩbɛ zie: «Ɩ̃ nɔnɛ nyɩ na, ɛ́ nyɩɩm sowre mɛ̃: “Nyɩn lowr'a fʋ nɔnɛ tɩ?”» Ɩ̃ sɔwr nyɩ na: «A Zakɔb yɛb bɛ tɩ n'ɩ a Ezawu ɛ? Ɛcɛ ɩ̃ nɔ̃w nɩ a Zakɔb

Ʋrɔm 8:30

A bɛlɩ dem a Naaŋmɩn na tɩ dãw bãwnɩ a, ʋ bʋɔlɩ bɛ na mɩ̀, a bɛlɩ dem ʋ na bʋɔlɩ a, ʋ mɩ̀ ɩ na bɛ lɩɛbɩ nɩ-mɩn, a bɛlɩ dem ʋ na ɩ bɛ lɩɛbɩ nɩ-mɩn a, ʋ mɩ̀ ɩ na kɛ̀ bɛ pʋɔ a ʋ yúor-vɩɛlʋ-danʋ pʋɔ.

Ʋrɔm 9:13

A tu n à à ŋá a Sɛb-sõw na yel a: «Zakɔb'ʋ ɩ̃ nɔ̃w zuo a Ezawu.»

Wulu-ayi-sob 10:15

Ɛcɛ a koro koro a, a nyɩ sãàkʋm-kore pùor'a a Sore tɩ tu k'ʋʋ nɔnɛ bɛ, ɛ́ ƴɛrɛŋa a, a nyɩɩm na ɩ a bɛ bʋʋrɛ a, nyɩmɛ nɛbɛ ʋ kaa ír a nɩ-bʋʋrɛ za pʋɔ, mɛ̃ nyɩ na nyɛ̃ a dɩ̃a a.

Wulu-ayi-sob 33:26

A Moyiir tɩ cãà na lɛb yel: «Yesurun i, ŋmɩn kãw za bɛ ŋmɛ̃ taa nɩ a fʋ Naaŋmɩn ɛ! Ʋ tʋ̃ɔ̀nɛ nɩ nɩ fãw a salom zu, waar a fʋ sõwfʋ, ɛ́ zɔm a zũzuwe.

Wulu-ayi-sob 33:3

A Sore nɔnɛ nɩ a Ɩsɩrayɛl dɔwlʋ, ʋ gùre nɩ a bɛlɩ dem za ʋ na so, ɛ́ bɛ mɩ́ ɓã taa a ʋ pile, kɛ́ bɛ de a ʋ wulu a.

Wulu-ayi-sob 4:37

Ʋ na tɩ nɔnɛ a nyɩ sãàkʋm-kore a ƴãw n'a ʋ tɩ kaa ír nyɩ, nyɩɩm na ɩ a bɛ bʋʋrɛ a, ɛ́ ɩ n a ʋ fãw-kpɛ̃ɛ nyɩ yi a Eziptɩ.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.

1 Zã 4:19

Tɩɩm a, tɩ nɔnɛ na, a Naaŋmɩn na n'ʋ de niwn nɔ̃w tɩ a ƴãw.