Zeremi 31:18 - A SƐB-SÕW

¹⁸ Ɩ̃ sɩrɩ na wõ a Efarayim tẽw nɩbɛ na kone zɛbr yere nɩ a: “Sore e, fʋ kpãa tɩ nɩ faa faa, mɛ̃ a lɛ bɛ na mɩ́ dɔwrɩ nadɛr-pɔl na bɛ sàwr cere a. Ɛcɛ ɩ tɩ lɛb wa a fʋ zie, kɛ̀ tɩ tʋ̃ɔ́ sɩrɩ lɛb wa a fʋ zie. Bʋ̃ʋ n'ʋ vɛ̃, a fʋ̃ʋ a, Sore e, fʋ̃ʋ n'ɩ a tɩ Naaŋmɩn.

Zeremi 31:18 ပူးပေါင်းရင်းမြစ်များ

A Zɔb sɛbɛ 5:17

Nyɛ̃: zu-nʋ̃ɔ̀ sob'ɩ a sob nɛ a Naaŋmɩn na kpãanɛ a. A na ɩ lɛ a, taa zawrɛ a wulu a kpɛnʋ-za-sob na kʋ̀rɛ fʋ a ɩ.

Sɛb-sõw yielu 118:18

Sɩza n'a, a Sore kpãa mɛ̃ na, ɛcɛ ʋ bɛ bɛr mɛ̃ ɩ̃ kpi ɛ.

Sɛb-sõw yielu 119:67

Ɩ̃ na bɛ tɩ wõ tuo sɛr a, ɩ̃ tɩ bɔrɛ na, ɛcɛ ƴɛrɛŋa a, ɩ̃ maalɛ nɩ a lɛ fʋ na yel a.

Sɛb-sõw yielu 119:75

Sore e, ɩ̃ sàw na k'aa fʋ ƴɛ̀rʋ-dɩb tu n yel-mɩŋa, ɛ́ fʋ tɛr yel-mɩŋa fʋ na bɛr mɛ̃ a kpɩɛrʋ pʋɔ a.

Sɛb-sõw yielu 31:15

Ɛcɛ mãa a, a fʋ ƴãw n'a ɩ̃ ƴãw a ɩ̃ tɩɛrʋ. Ɩ̃ yere na: «A ɩ̃ Naaŋmɩn a, fʋ̃ʋ n'ʋ.»

Sɛb-sõw yielu 32:9

Ta ɩ mɛ̃ a wur bɩɩ a mílɛ̀ na bɛ bãw yã a ɩ, ɛ́ bom bɛ ɩrɛ fʋ ɛ. Al a, a mɩ́ fɛr'a bɛ ƴãw a nɔ-bamɛ nɩ nɔ-bamɛ mie mɩ́ tʋ̃ɔ́ nyɔw a tɛr.

Sɛb-sõw yielu 80:19

Lɛ n'a tɩ kʋ̃ cãà pɩlɛ fʋ ɛ, fʋ na lɛb'a kʋ̀ tɩ a nyɔ-vʋʋrʋ, ɛ́ a fʋ yúor'ʋ tɩ na bʋɔlɛ.

Sɛb-sõw yielu 80:3

Wul a fʋ kpɛnʋ ɛ́ wa faa tɩ, a Efarayim, Bɛ̃zamɛ nɩ Manase dɔwlʋ nɩbɛ niŋé.

Sɛb-sõw yielu 80:7

Fʋ mɩ́ ɩ na a tɩ sɩman dem zɛbr'ɩ tɩ taa, ɛ́ a tɩ dɔ̃ dem so tɩ ɩrɛ laar.

Sɛb-sõw yielu 85:4

Fʋ nyɔw nɩ a fʋ suur, fʋ bɛr'ɩ a fʋ su-tʋlʋ kpãkpã.

Sɛb-sõw yielu 94:12

Sore e, zu-nʋ̃ɔ̀ sob'ɩ a sob nɛ fʋ na mɩ́ kpãa a, a fʋ wulu na mɩ́ ɩ k'ʋ zanɩ yã a.

Zʋkpaɩ 26:3

A wur so a fʋba, a bõw so a nɔ-bãw, ɛ́ a dãbole zikur so a dabɔl.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Zʋkpaɩ 3:11

Ɩ̃ bie e, taa zawrɛ a Sore kpãàfʋ ɛ, fʋ̃ʋ wa sãw ʋ yere fʋ a, ta nyɛ̃ a ɩ faa ɩ.

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

Ɩzayi 51:20

A fʋ bibiir gã nɩ tẽw, a sɛ́ɛ gõgone za pʋɔ. Bɛ gã nɩ a be, bɛ tɛr fãw ɛ, mɛ̃ muli bɛrɩ na nyɔw a, a Sore su-yãyaar ìr a bɛ ƴãw, nɩ a yelu a fʋ Naaŋmɩn na yere bɛ a.

Ɩzayi 53:7

Bɛ dɔwr'ʋ na, ʋʋ siwri ʋ tʋɔra, ʋ bɛ háa nʋɔr ɛ. Mɛ̃ péle bɛ na cere nɩ a kʋb zie a, mɛ̃ pɛ́rʋ bɛ na ŋmarɛ a kɔblʋ ʋʋ àr gbili a, ʋ bɛ háa nʋɔr ɛ.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Zeremi 17:14

Sanɩ mɛ̃ Sore e, ɩ̃ɩ na sanɩ na. Faa mɛ̃, ɩ̃ɩ na nyɛ̃ nɩ a faafʋ. Bʋ̃ʋ n'ʋ vɛ̃, a fʋ danʋ n'a ɩ̃ yiele.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

A Lãw-mʋɔlɛ 5:21

Sore e, ɩ tɩ lɛb wa a fʋ zie, ɛ́ tɩ na sɩrɩ na lɛb wa. Ɩ a tɩ nyɔ-vʋʋrʋ ʋ lɛb ɩ paala ŋmɛ̃ mɛ̃ a koro kãw za dem a.

Ezekɩɛl 20:43

A be a, nyɩ na lɛb'a tɩɛrɩ a nyɩ koro za nyɔ-vʋʋrʋ nɩ a nyɩ ɩb za na ƴãw nyɩ a dɛwr pʋɔ a. A faa al za nyɩ na maalɩ a zũú, kɔkɔrʋ na lɛb'a ŋmɛlɩ ɩrɛ nyɩ.

A naaŋmɩn-ƴèr-manɛ Oze sɛbɛ 10:11

A Efarayim tɩ ɩ na mɛ̃ náab bɛ na pɔwlɩ ʋ nɔnɛ a ble vab a: ɩ̃ na tɩ nyɛ̃ a ʋ nyũu ʋ ta a, ɩ̃ de nɩ a ni-kɔ-dàa dɔwlɩ a ʋ nyũu zu: Zuda buwr'ɩ a tẽw, ɛ́ Zakɔb tawr a kur-jajaa.

A naaŋmɩn-ƴèr-manɛ Oze sɛbɛ 4:16

A Ɩsɩrayɛl tɩ tõ n zu-kpɛ̃w tome mɛ̃ na-kʋ́ɔra bɛ na ƴãwnɛ dàa a nyũumɩ́ ʋ bɛ sàwr a. Bʋnʋ ƴãw n'a a Sore na kaarɛ bɛ zie mɛ̃ píir bɛ na kparɛ cere nɩ dʋn mʋ̃ɔ 'wɔbrʋ zie a?

A naaŋmɩn-ƴèr-manɛ Oze sɛbɛ 5:15

«A Sore yere na: Ɩ̃ na tɔlɛ na cere, ɩ̃ na lɛb'a cen a ɩ̃ beba zie, ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn. A bɛ kpɩɛrʋ pʋɔ a, bɛ na ìr'a bɔbr mɛ̃.»

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Malasɩ 3:16

À à ŋá n'a a bɛlɩ dem na zɔrɛ a Sore a, tɩ ƴɛ̀rɛ sɔwr taa. A Sore tɩ cɛlɩ nɩ be bɛr wõ bɛ. A bɛlɩ dem na zɔrɛ a Sore ɛ́ ƴãwnɛ ʋ a, bɛ tɩ sɛb'ɩ a bɛ yée ƴãw sɛbɛ pʋɔ a ʋ niŋé.

Sɔr-nɛ́ɛ 2:18

«A mʋ̃tɔ̃w-kpɛb-lowr a, a na ɩ n a zɛbr-nɩbɛ nɩ-pɛ́ɛ na ɓã taa jil koli Efarayim dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Efarayim dɔwlʋ nɩ-kpɛ̃ɛ: Amihudɩ bidɛb, Elisama.

Luka 1:17

Ʋ na de nɩ a Naaŋmɩn niwn ɩ a ʋ nɩ-tona, ɛ́ tɛr a naaŋmɩn-ƴɛ̀r-manɛ Eli yã nɩ a ʋ fãw, k'ʋʋ ɩ a sãà mɩnɛ nɩ a bibiir lɛb kpɛ taa, ɛ́ a bɛ-wonbɛ lɛb tɩɛrɛ mɛ̃ a nɩ-mɩn a, ʋ tʋ̃ɔ́ cɔbrɩ nɩ-bʋʋrɛ na cɛlɛ a Sore a.»

Luka 15:20

Lɛ n'a ʋ tɩ ìr lɛb kule a ʋ sãà zie.» «Ʋ na tɩ cãà zãá nɩ a yir a, a sãà tɩ nyɛ̃ ʋ na, nɩbaalʋ za kpɛ ʋ. Ʋ tɩ zɔ na tuor'ʋ, nyɔw ʋ weri ɛ́ puor'ʋ.

Nɩ-toni 3:26

Nyɩmɛ de niwn so a Tõ-tõ-bie a Naaŋmɩn na ɩ ʋ lɛb yi a kũuni pʋɔ, ʋʋ tõ k'ʋʋ wa maalɩ nyɩ, ɩ kɛ̀ nyɩ za been been mɩ́ bɛr a nyɩ ɩ-faar a.»

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Ebre 12:5

ɛ́ yiiri a kpaalʋ ŋa a Naaŋmɩn na kpaalɛ nyɩ mɛ̃ a ʋ bibiir a bɛr: «Ɩ̃ bie e, ta de a Sore kpãàfʋ ʋ ɩ bʋ̃-zaalɛ ɩ, fʋ̃ʋ wa sãw ʋ yere fʋ a, ta tɛr pʋ-sãwna ɩ.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.