Zeremi 31:12 - A SƐB-SÕW

¹² Bɛ na lɔb'ɩ nʋ̃ɔ̀ cɛlsɩ ta n a Sɩyɔ̃ tãw zu. A bɛ niŋe na caal'ɩ a za a Sore bʋ̃-vɩɛlɩ niŋé: a ble, a divɛ̃-paala, a kãá-paala, píir, bʋʋr nɩ nĩi. Bɛ na ɩ na mɛ̃ zaadɛ̃ bɛ na cɔ̀r vla vla a, ɛ́ a bɛ fãw kʋ̃ lɛb siwri towtow ɛ.

Zeremi 31:12 ပူးပေါင်းရင်းမြစ်များ

Sɛb-sõw yielu 130:4

Ɛcɛ a fʋ zie n'a a suur-dɩ-kʋ̀b be, kɛ́ bɛ tʋ̃ɔ́ mɩ́ zɔrɛ fʋ.

Ɩzayi 1:30

Nyɩ na ŋmɛ̃ na taa nɩ tɩɩr a váar na mɩ́ wa suori a, bɩɩ mɛ̃ zaadɛnɩ na bɛ mɩ́ wa cãà tɛr kʋ̃ɔ a.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

Ɩzayi 52:8

Bɛr wõ a nɩbɛ fʋ na ƴãw bɛ piwre a zie a: bɛ lãw na lɔbr nʋ̃ɔ̀ cɛlsɩ, bʋ̃ʋ n'ʋ vɛ̃, bɛ nyɛ̃ nɩ nɩ bɛ mimie a Sore na lɛbr waar a Sɩyɔ̃ tẽw a.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Ɩzayi 60:20

A fʋ mʋ̃tɔ̃w bɛ lɛb kpɩɛr ɛ, a fʋ cuw bɛ lɛb kpiir ɛ, bʋ̃ʋ n'ʋ vɛ̃, a mãa, a Sore a, ɩ̃ na caalɛ fʋ nɩ kʋralɛ. A fʋ wahala bibie na baar'a.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Zeremi 3:14

Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.

Zeremi 31:24

Lɛ n'a a Zuda tẽw kura nɩ a ʋ tẽ-bɛrɛ nɩbɛ za na lãw kpɩɛr, a ka-kʋ́ɔrbɛ nɩ a bɛlɩ dem na mɩ́ cɔlɛ nɩ a bɛ dʋn a.

Zeremi 31:25

Bʋ̃ʋ n'ʋ vɛ̃, ɩ̃ na ɓãa nɩ a bɛlɩ dem za na bàl a kʋ̃ɔ-nyúur, ɩ̃ na kʋ̀ n a bɛlɩ dem za na bɛ cãà tɛr fãw a, a alɩ bome nɛ na fɛrɛ a.

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 31:6

Bibir na vɩɛ na, a zi-gùrbɛ na na cɩɩrɛ yere à ŋá a Efarayim tãli zu a: Nyɩ ìr! Nyɩ ɩ tɩ do a Sɩyɔ̃, a Sore tɩ Naaŋmɩn zie!”»

Zeremi 31:7

À ŋá n'a a Sore yere: «Nyɩ lɔbr nʋ̃ɔ̀ cɛlsɩ a Ɩsɩrayɛl ƴãw, nyɩ cɩɩrɛ nɩ nyɩ pʋɔ za a nɩ-bʋʋr-yoru niw-diere ƴãw! Nyɩ ɩ bɛ wone a nyɩ danʋ, ɛ́ nyɩ yere: “Sore e, faa a fʋ nɩbɛ, a Ɩsɩrayɛl nɩbɛ bɛl na cɛ a!”

Zeremi 32:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “A tẽw ŋa pʋɔ a, a nɩbɛ na lɛb'a dàar yie, póru nɩ divɛ̃ tɩɩr póru.”»

Zeremi 33:12

À ŋá n'a a Sore, a kpɛnʋ-za-sob, cãà lɛb yere: «A tẽw ŋa na sãw ʋ za gã bɛ tɛr nɩbɛ nɩ dʋn a ʋ pʋɔ, nɩ a ʋ tẽ-bɛrɛ za pʋɔ a, ziir na lɛb'a be be a dʋ̃-cɩ̃ɩnbɛ na na mɩ́ ƴãw a bɛ píir nɩ a bɛ bʋʋr a gã pɩ̃ɛnɩ a.

Zeremi 33:13

A Ho-Peyi, a Ba-Peyi nɩ a Negɛɛvʋ tẽ-bɛrɛ pʋɔ, a Bɛ̃zamɛ tẽw pʋɔ, a ziir na viiri koli a Zerizalɛm nɩ a Zuda tẽ-bɛrɛ a pʋɔ a, a píir nɩ a bʋʋr na mɩ́ lɛb'a cɔrɩ yire a sob nɛ na sɔrɛ a a niŋé.» À à ŋá n'a a Sore yel.

Ezekɩɛl 17:23

Ɩ̃ na sɛl ʋ nɩ Ɩsɩrayɛl tãw na kɛrɩ a zu. Ʋ na vo n wuli, ʋ na wɔ̃ n bie, ʋ na lɩɛb'ɩ sɛɛdɩr tɩ-vla vla. Lili-bʋʋrɛ bʋʋrɛ na mɩ́ dɔm'ɩ a ʋ wuli zu ɛ́ nyɛ̃ sɔwlʋ zie a ɓaarʋ́.

Ezekɩɛl 20:40

Bʋ̃ʋ n'ʋ vɛ̃, a Ɩsɩrayɛl nɩbɛ za, a bɛl za na be a tẽw pʋɔ a na maalɛ mɛ̃ na a ɩ̃ tãw-sõw zu, a Ɩsɩrayɛl tãw-kɛra zu. A mãa Sore Naaŋmɩn n'ʋ yel. A be a, ɩ̃ na tuor'a nyɔw nyɩ nɩ nɔ̃wfʋ, ɩ̃ɩ na sàw na de a bom nɛ za nyɩ na na ɩ ʋ ɩ sõw a ɩ̃ ƴãw a, a nyɩ bʋ̃-kʋ̀rɩ nɩ a nyɩ de-kʋ̀b bome pʋɔ bʋ̃-vla vla za.

Ezekɩɛl 34:14

Ɩ̃ na tɛr a na cen nɩ mʋ̃ɔ 'wɔbrʋ zie na vɩɛl a, ɛ́ a na tɛr'ɩ a mʋ̃ɔ 'wɔbrʋ ziir a Ɩsɩrayɛl tẽw tan zu. A be a, a ɩ̃ píir na tʋ̃ɔ́ na pɩ̃ɛnɛ a mʋ̃ɔ 'wɔbrʋ zi-vɩɛlɩ pʋɔ. A na 'wɔbr'ɩ a mʋ̃ɔ a ziir na tɛr pʋɔrʋ a pʋɔ, a Ɩsɩrayɛl tẽw tan zu.

Ezekɩɛl 36:30

Ɩ̃ na ɩ na a nyɩ tɩɩr wɔ̃ wɔmɛ yaga, ɛ́ a nyɩ póru bʋ̃-dieri ʋr. Lɛ n'a nyɩ kʋ̃ lɛb bãw a kɔ̃ vĩ a nɩ-bʋʋr-yoru niŋé ɩ.

A naaŋmɩn-ƴèr-manɛ Oze sɛbɛ 3:5

Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.

A naaŋmɩn-ƴɛ̀r-manɛ Aaze sɛbɛ 2:19

Bʋ̃-bir cãà nɩ a bowrí i? A divɛ̃ tɩɩr tɛɛ za, a kãkã-tɩɩr, nɩ a girenadɩ tɩɩr, nɩ a olivʋ tɩɩr bɛ wɔ̃ wɔm za ɩ. Ɛcɛ a na dɛ tĩ a dɩ̃a bibir a, ɩ̃ na maalɩ nyɩ na.»

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Yel-wula 21:4

Ʋ na fɩɛl'ɩ mʋta-kʋ̃ɔ za bɛr a bɛ mimié. Kũu kʋ̃ lɛb cãà be ɩ, kuor nɩ cɛlsɩ nɩ kpɩɛrʋ kʋ̃ lɛb cãà be ɩ. Bʋ̃ʋ n'ʋ vɛ̃, a koro za zie tɔl'a.»

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»